مشكلتي مع زوجي
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
19- ’,
- طيب خليكي فرفوش وسولفي ليش تصيرين قليله كلام
- طيب رااااااجعي نفسك
شوفي أسلووووبك معه بعد أنتي يمكن من النوع إلي ثقيل دم
وماتبتسمين ولا تفرفشين وممكن تكونين من النوع العابس والصامت
وممكن بسبب حساسيتك تتدققين على كل شي ولا تفوتين كلمه ولا حركه
وهالشي يزززززززهق لذلك رااااااجعي أسلووووووبك معه
ماراح يتغير كذااااا زوجك شوفي إلي يضاااايقه وإفهمي منه إذا ما تدرين
ولييييه يقولك ماتحترميني ؟!!!!! هالكلمه دققي عليها ورااااجعي نفسك
يعني معقول بتكونين مثل مايتمنى ويتشكى منك ويبعد عنك ؟!!!!!!! - حبيبتي انتي بشهور الاولى ؟
اتوقع نفسيتك تعبانه من الوحم - اممم الله العالم ان زوجك شمالي... بقول لك ليه يتصرف معك كذا... لا تحسبين اني ابرر له تصرفاته! لا... لكن راح اشرح لك ليه حتى تقدري تفهمين زوجك وتتاقلمي معه... ومثل ماقلت انا ما اقول ان تصرفه صح او خطأ...
اولا, الشخصية الشمالية صريحة جدا... والشخصية الحساسة ماتتحمل الشمالي... ولا الشمالي يتحمل الحساسية الزايدة, لانه يجرح من غير قصد وبنفس الوقت مايتحمل الزعولين! يعني لما يقول لك انك هادية وساكته هذا مو تجريح! لكنه واقع مو عاجبه... وانت تطنقرين من كلمة حق! المفروض لما يقول لك انت هادية تقولين اي والله هادية وعارفة هالشيء وراضية بنفسي! اما تزعلين وتعتبرينه تجريح فهذا مو تجريح بنظري
ثانيا, تقولين انه يتريق عليك... هالاسلوب يستخدمه البعض حتى يخلي الطرف الثاني يتكلم! يعني يتعمد الاستفزاز حتى يخليك تردين عليه...لكنه اسلوب غبي صراحة... بس عاد بعض الناس كذا... يعني لو لقاك تتكلمين وتسولفين معه كان ما اتخذ اسلوب التجريح الوسيلة الناجعه حتى يخليك تتكلمين...
ثالثا, اذا فعلا زوجك شمالي... فاكره ماعندنا الناس الحساسة الي تطنقر من اي كلمة! هالشيء يخلينا نتنرفز من اي شيء... نكره النقرة والزعل والهواش, لكن المشكلة اننا نُستفز بسرعة! وانت مثل ماهو واضح حساسة وتزعين بسرعة... وبصراحة طريقتك ماراح تريحك ولا بتريحه... الشمالي يجرح صحيح ومايراعي كلامه, لكنه ينسى بسرعة ويحب الطرف الثاني ينسى بسرعه ويقبل المزح الثقيل... وانت مو كذا للاسف...
فاذا فعلا تبين تعرفين ليه زوجك يتنرفز منك... فتاكدي ان السبب في شخصيتك وحساسيتك وعدم تقبلك لمزحه الثقيل...
رابعا, الشمالي ماينفع تبينين له زعلك, لان مثل ماقلت يتوتر اكثر... لكن الي يمشي معه انك تردين مزحته بمزحه ثقيلة مثلها... يموتون على خفة الدم والجو اللطيف والضحك... صدقيني لو قدرت تشيلين الحساسية الزايدة وتبدلينها بالسوالف الحلوة وخفة الدم بتحطين زوجك بجيبك... لا تكونين جادة زيادة عن اللزوم... هل اذا دخل البيت يلاقيك مبتسمة بوجهه؟ والا مالك خلق حتى تشوفيه؟ من كلامك مالك خلق تشوفينه... فهذا ينعكس عليه سلبا!
خامسا, الشمالي مو عاطفي! يعني كلام العاطفة وانت جرحتني وانت تزعلني وانت مدري وشو... ماراح ينفع معه... اول شيء راح يجي في باله "افف انت نكد"
عاد فكري بطرق تقدري من خلالها تتاقلمي مع شخصية زوجك.... الله يكون بعونك... الشمالي صعب ومو اي شيء يعجبه
مواضيع مشابهة
تابعي تجارب أخرى من هذا القسم.