
الطريقة
كاسين حليب
كاس مويه
ملح
كاس ونص دقيق بر
نص كاس ابيض
بيضتين
ملعقة بيكنق بودر
فنجال زيت
حبه بصل صغيره
اخلطيها بالخلاط صبيها على الصاج الحار
بعدها اخلطي معها السمن
وقدمي معها العسل
مصابيب بالكشنه

نفس اللي فوق بس حطيت عليها الكشنه
الكشنه

سمنه ( شغلي امي الله يخليها لنا )
٣ بصلات مفروم صغير
حبة فلفل رومي مفرومه
ملعقة مليانه صلصه
كمون ملح فلفل اسود
الطريقه
نذوب السمنه على نار هادئه
نضيف البصل ونحركه الى
يذوب البصل ويصير شفاف
تقريبا خليته ثلث ساعه على النار
مع التحريكبعدها اضيف الصلصه
واخليها تتسبك تقريبا ١٠ دقايق
بعدها اضيف البهارات والماجي
اضيف الفلفل الرومي ٢ دقيقتين
واطفي النار
المصابيب
نسويها بالطريقه المعتاده
ونسويها على الصاج اذ استوات
نصفها في المحفظه
ومع كل دور مصابيب ملعقه
كشنه نمسحها على الوجه
ونكرر هالطريقه الى ان تنتهي ا
لمصابيب
ونقدمها مع الحليب والزنجبيل
او الشاي
محلى سهل وسريع ولذيذ

باكيت تمره منزوع النوى ويغطى بالماء الحار ربع ساعه
يخلط في الخلاط ويوضع في القدر
ويضاف عليه حليب المراعي ابو ٧ريال
يضاف اليه كركم وبعد ان يغلي الخليط يضاف اليه ٣ونص كاس بر بالتدريج
ويحرك لمدة نص ساعه
استخدم هراسة الطعام من بروان لتخلص من الكلاكيع والحبيبات
وبعدها يزين بالسمن والفلفل الاسود والجوز المجروش
عصيدة بالسكر
( سيريلاك بدو على قولة عيالي هههههه)

نحتاج للعصيده
كاس سكر
هيل
زعفران
سمنه
ودقيق بر مخلوط بالماء بنسب متساويه

الطريقة
نذوب السكر الى ان يشقر
بعدها نضيف الماء المغلي تقريباً ٣ كاسات
بعد ذوبان السكر بالكامل نضيف الهيل والزعفران
وبعد الغليان نضيف خليط دقيق البر والماء السابق
ونحرك بسرعه بواسطة المضرب لاننا ماني حبيبات في العصيده
نخليها على النار لمده نص ساعه مع التحريك المستمر
بعد نضيف السمن في النهايه
ونقدمها دافيه
وبالعافيه
خبز مسح بالكشنه

العجينه
٢كاس دقيق بر + ماء + ملح
تعجن جيداً وتكون العجينه اثقل من عجينة اللقيمات بشوي
وتغطى والافضل تخمر لتعطيك نتيجه احسن
اناعجنتها من الليل وخليتها برى لان الجو برررد
تحمى الصاجه وتمسح بقليل من الزيت
تفرد عليها العجينه باليد بمساعدة قليل من الماء
بشكل دائري وونرفع الزايد منها ونرجعه الى العجينه السابقه
اذ تحمرت من تحت وارتفعت اطرافها تقلب
على الجهه الاخرى حتى تتحمر

الكشنة :
اي شي يعجبك
بصل شرايح + وفلفل رومي شرايح + قليل من الملح والبهارات تحمس مع بعض الى ان تذبل
او حمسة تونة
او مرق لحم مقطع صغار
او ايدام خضار
انا اللي سويته
حمست بصل وثوم وفلفل رومي في سمن الى ان ذبلو
بعدها طماطم مقطع صغار خليتها تتسبك على النار
ونضيف عليها بهارات وملح وشوي صلصة
بعدها نضيف
بصل اخضر وبقدونس وكزبرة مفرومه فرم خشن
بعدها نضيف عليها القرص المقطع وتحرك
وتترك على النار 5 دقايق
وتقدم
المرقوق

بر + ماء
تعجنينها وتخلينهاقاسيه شوي
تخلينها تخمر ساعه
بعدها تكورينها الى كور
وتصفينها على صحن فيه زيت
وتبدين تفردينها باليد
اذ كانت هالخطوه صعبه
استخدمي النشابه في الفرد
وقليل من الدقيق
وابدئي تسقيطها في المرق
حبه حبه

وبعدها اذ خلصتي المقدار
خليه على النار نص ساعه علشان نضمن استواء العجين
تحطين الخضار على الوجه
وتحركينها الى ان يتقطع العجين
بدون ان تنهرس الخضار
وتقدمينه في الصحن وتحطين عليه نتفات من السمن
المرق طبعا بطريقتك العاديه بس تكثرين المويه شوي










































