الحمدلله سويت اول جلسه من الفراكشنال يوم الخميس الي راح
في العيادات المثاليه عند الدكتور علي باجنيد
اممم باقولكم ايش صار معايا
اول شئ رحت الاسبوع الي راح ع اساس اسوي الفراكشنال ع طول
وكشفت عند الدكتوره رنا مخلوف في نفس العيادات وقالتلي ماينفعلك الفراكشنال ع طول
بشرتك تحتاج علاجات كريمات اول لو ع الاقل ريتين ايه تاخذيه اسبوعين وتوقفيه قبل
الفراكشنال باسبوعين ..قلتلها يعنى كذا باخذ شهر قبل ماسوي الليزر قالت ايوه
قلت ماقدر صراحه تعبت من الكريمات وابغى اسوي الفراكشنال ع طول
قالت انا ماقدر اسويلك هو لاني حامل ومافي احد من الدكاتره هنا غيري الباقي مساااافرين
بس بعطيك موعد الاسبوع الجاي (الي هو الخميس الي راح ) مع الدكتور باجنيد
قلت اوووك ...المهم رحت سليمان فقيه وكشفت عند الدكتور شاكر مدري شكري
قاااااالي بشرتك دهنييييييييييه مرررررررا ماينفعلك فراكشنال دحين
وانا بعطيك غسوول قووووووي ينشف الدهون وتعالي الاسبوع الجاي نشوف
تقدري تسوي فراكشنال او لاااا
المهم رحت الخميس هاذا عنده وقالي اوووكي تقدري دحين تسويه
وع طول رحت العيادات المثاليه وكلمت باجنيد وسويت الليزر
بالنسبه لليزر
اول شئ ماحسيت بالم مررررررررررررررررا ولااااشئ
كان كأنه رشات مويه خفيفه !!!!!!!
جدا مستغربه من هذا الشئ حتى الدكتور يقلي غريبه ماتالمتي !
حسيت بالوجع وصحت في منطقه صغيره في الدقن
بعد المعالجه حسيت بالم فظيييييييع كان وجهي انسلخ والعياذ بالله
طبعا حمر وانتفخ ...جلسه الليزر كانت خمس او عشر دقايق بس
خلصت ع 8 ..نمت صحيت الساعه 5 الفجر الا الحمار والانتفاخ رررررررررررررررايح
راحوو ا خلاااص ..بس باقي شويه وجهي يحرقني
المهم دحين وجهي كأنه كفر داعس عليه خطوط او نقط دقيقه
طبعا سووودت بس الاهم ماتقشرت لين دحين !!!!!!!!
كم يوم لي ؟ اليوم ثالث يوم ! مافي شئ
المنطقه الوحيده الي تقشرت الي هي المنطقه اسفل الدقن الي حسيت فيها بالم !
مو شئ غريب !
نتيجه التقشير فيها ان البشره صارت ناعمه بسسسسسسسسسس
حبوب بارزه بلون الجلد ماختفت ! اثر حبه داكن مااااراح
يابنات هل في شئ غلط ؟ ليش وجهي ماتقشر لين دحين ؟؟؟
ووليش ماحسيت بالم ...هي طبعا اعطتني مخدر قبل المعالجه بساعه
بس مو لدرجه اني ماحس بشئ !
عن جدا محتاره !
بشارككم تجربتي مع fractional laser co2 لآثار حب الشباب
متابعة النقاش، صفحة 17