قصة للعبرة....بين مرت الولد واهل الزوج

السلام عليكم
انا قريت موضوع حنونة الله يرزقها بالحنون اللي يستهلها
وكانت عن مرت اخوها
المهم طبعا رديت هناك

وذكرتني حكايتها عن حكاية سلفة صحبتي
اقولكم قصتها
طبعا سلفتها تحكيني لانها صديقة مقربة مني
هو اخو زوجها الصغير وخطبوله بنت حلوة انيقة اجتماعية تشتغل في روضة
وهو حنون هادي مقبول الشكل موظف وبار بامه
المهم كانت تتعامل مع اهل زوجها بدونية وبعدم مبالاة ولا تقدير
يعني مثال على عدم التقدير
بعد كم شهر من زواجها عزمتهم عندها للعشا
ولما جو واجتمعو اخوات زوجها وسلفاتها وطبعا امها وجيرانهم
قامت حطت القهوة ومعمول البطل في صحن
وبس
طبعا ام زوجها انحرجت لانه كان في بعض الجيران وهم في حي واحد
المهم كانت سلفتها يعني صحبتي عاملة حلا
قامت ام زوجها قالتلها يا فلانة حطي الحلا اللي عملتيه
قامت وراحت لصاحبة البيت وقالتلها انا جبت حلا اش رايك نحطه
قالتلها كده بعصبية روحي المطبخ حطيه
تقول رحت وتهت وانا ادور الصحون والملاعق وهي تضحك في المجلس
تقول جيت وباشرت الحلا
الا تقول سلفتها دي صاحبة البيت
والله انا اسوي بسبوسة تجنن مرة طعمة
قامت وحدة من الجارات قالتلها هو دا الحلا بسبوسة
قالت لا هذا حلا فلانة
قالتلها طيب فين البسبوسة
قالت والله اليوم ما سويتها بس سويتها الاسبوع اللي فات لما جو صحباتي عندي
قامت ردت دي المرة اخن زوجهم وقالتلها:
وليه يا فلانة سويتيها لصحباتك ولنا ما سويتي
قال:والله هم صحباتي اعرفهم من سنييييين لكن انتو توي لنا كم شهر لسه ما اعرفكم هل انتو طيبين معايا او لا
تخيلو الكلمة اللي قالتها
والله كل المجلس سكت مذهووووووووووووول منها
المهم تقول طبعا العشا كله من برا والحمدلله خرجنا من عندها ولا عاد زرناها
ومن المواقف لها انها مرة قاعدة مع اخوات زوجها وتقول:
امس فلان جا ياخدني من الشغل والله مرة كسفني
قالتلها اخت زوجها :ليش ايش سوى
قالت:ولا شي بس شافوه صحباتي وما كنت ابغاهم يشوفوه يقولولي زوجك مرة وحش مو حلو والله مرة كسفني
تخيلو القنبلة دي حسبي الله عليها
وتخيلو الصدمة في وجوه اخواته وسلايفها
تقول صحبتي والله ما عرفنا ننطق من الصدمة
والموقف التالت
كانت في جمعة مع صحباتها ووحدة منهم تقرب لصحبتي سلفتها
تقول جاتني يوم دي قريبتي وتقولي كيف اخو زوجك اللي متزوج قريب
قلت ماعليه الحمدلله
قالت هو يشتغل
قلت ايوة
قالت معليش عالسؤال هل هو طبيعي يعني رجال وعقله كامل وكده
قلتلها ايوة ليش دا السؤال
ماشاءالله حنون في امه واخواته ومرته وهادي وعاقل
قالت اسمعي يا فلانة الكلام دا لا توصليه لاهل جوزك بس سلفتك تقول لصحباتها انه زوجها ماعنده شخصية وكلام كتير يعني كانه اهبل وكل دا لانه طيب معاها ويخدم في البيت وكده
تقول انصدمت وانقهرررررررررررررررررررررت منها والله للان بقلبي ما قلتها لاهله
بس بالله اش رايكم في تصرفاتها؟؟؟؟؟؟؟؟؟؟؟؟؟؟؟؟






قبل ما تقولو رايكم
البنت دي امها مطلقة وعندها اخت مطلقة وعاشت سنة مع الرجال لا طبيخ ولا احترام وطولة لسان ومشاكل وكل شهرين رايحة لاهلها
والان طلقها زوجها وخلصت عدتها وبيدور على بنت حلال تانية

وطبعا هي في الاول اللي خرجت من بيتها ولما حاول يرجعها ويرضيها كتبت شروط تعجيزية زي انه ماله بطلعتها ودخلتها وانها ما تروح لاهله وامه
طبعا ما وافق وفي النهاية عرف انها ماتنغع
بعدها تقول انها فرحت بالطلاق واحسن وافتكت ومن دا الكلام


بس بعد ماخقربت تخلص عدتها صارت ترسل الرجال يكلموه وتخلي صحباتها يدقو عليه ويترجوه ووووووو
بس هو باعها للنهاية وكرهها من قلبه وما رضي ابدا باي وسيط
ويقول الحمدلله ماحملت ولا كنت اتورطت بيها طول عمري

انتهت قصتها
















اعتبرو يا اخواتي
زوجك ولد اهله قبل ما يكون زوجك
والعلاقة بينك وبينه معلقة بتلات كلمات اذا قالها ما حتقدري حتى تلمسيه
لكن امه واخواته اهله للابد ومافي شي يفرقهم ابدا
والله مرة حصلت مشكلة بين زوجي واخته
وقلتلها نفس دا الكلام
انه لو ايش ماصار هذا اخوك ومستحيل تنفك العلاقة بينكم
لكن انا ممكن بثلاث كلمات ينتهي كل شي بيننا ونصير اغراب
طبعا قالت بعيد الشر يا ام عبدالله ووالله يخليكم لبعض ووووو
بس فعلا فكرو فيها بعقل بهدوء بانصاف وعدل





وكلمة اخيرة لكل مرت اخو مشكلاوية
يا اختي الدنيا دين وزي ما انتي زوجة ولدهم
بكرة حتصيري ام زوج
واذا ماعندك اولاد امك حتصير ام زوج وحتجيك مرت اخو
عاملي اهل زوجك زي اهلك احترميهم قدريهم اعلي مكانتهم
ذكري زوجك بيهم وبزيارتهم وبالهدايا وبالعزايم لهم
وان كانو بداو بشر ابعدي عنهم بهدوء وصيري رسمية
لانه مو كل اهل الزوج طيبين كمان





اخيرا
عندي مرت اخو زي مرت اخو حنونة وجابت لامي الضغط والسكر
وبعد ما بعدنا عنها وصرنا رسميين معاها
دحين زوجو اتنين من اخوانها
وحريم اخوانها يالطيف الطف معذبين امها تعذيب
ما اقول هذا الشي شماتة لا سمح الله
لكن الدنيا دييييييين فعلا
والان صارت اخف من اول
احسها متاثرة من حريم اخوانها وقاعدة تراجع نفسها معانا والله اعلم




اسال الله حياة طيبة لكل مرت ولد مع اهل زوجها
ولكم مني كل تحية^_^
:26::26::26: