ليش عندنا كل شي بالدس والخش ..!!

السسلالام عليكم


بنات في شي مممره قاهرني نفسي اعرف وش الحكمه منه
الحيين ليش الناس كل شي يسوونه بالخش والدس خصوصا بالسعوديه
تنخطب ماتقولك
تحمل ماتقولك
تنجح ماتقول ليش طططيب ..!
اوكي ادري ان اغلبكم بيقول خايفين من العين
صحيح العين حق بس اذا قرأت الاذكار وحصنت نفسها مايجيها شي

هذي قصه شفتها بمنتدى تقول انه فيه وحده بس تخبي حملها
واذا احد سالها تقول لاوش لي بالغثا ووجع الراس
واذا ولدت مات االطفل
راحت للشيخ قالت له السالفه قالها انتي تعترضين على حكمه ربك
المفروض اذا سألك احد تقولين حامل والحمدالله لانه ولد بالحلال مو تخبين

وفيه شي ثاني وحده من صحباتي مخطوبة يمكن اربع شهور وكل ماسألها تقول لا لسه ماوافقت اصلا الرجال مو كويس
وامس متصله تعزمني على زواجها في رجب :mad:
بالله انتوا حاسين باللي انا حاسه فيه من قهر ترى والله مافيها شي اذا شاركتي الناس حياتك انا ماقول قولي كل شي بس مو للهدرجه نوصل من الكتمان حتى على اقرب الناس لنا


47 تعليق 5,583 مشاهدة

شاركي في النقاش

سجلي الدخول لإضافة تعليق.

التعليقات

41
  1. @kabtshyno222

    انا بالنسبة لي كنت زي ماتقولين
    اذا صار اي شي قلت لصديقاتس بالعمل وينات عمي واهل زوجي ومااخلي احد
    بس اكتشفت انه مش كل الناس بتفرحلك

    يعني فيه الي تتمنالك الشر وبكذا تعطيمي عين سواء بارادتها او لا

    وبعدين مريت بتجربه اجهاض وتعبت حييل
    وبعدها صرت اخبي نوعا ما يعني مش كل شي لكن بعض الاشياء الي فيها رزق الناس تحسد وانا اختك
    وسولنا عليه افضل الصلاه والتسليم قال استعينو على قضاء حوائجكم بالكتمان
  2. @mdam_shantyl

    انا ذي الاشياء حمل وزواج وخطبه اقولها بالعكس مافيها شي
    لاكن بسوي شي مثل اخطط اشتري بيت والا ابسافر...الخ مااعلم احد الا بعد ماينتهي كل شي ..
    اقضي حوائجي بالسر والكتمان افضل
  3. ليت وصلت الأمور لكتمان الحمل والزواج ..!!
    الحين صاروا ما يقولون كم عدد عيالهم .. :icon19:

    خلاص البعض منهم وصلوا مرحلة الوسوسه
  4. @madasa

    لأن بعض الناس يمسكوك تحقيق،وإذا ما صار الشي يسؤن الظن بعد،خلاص إذا كنت مسافره ماأقول إلى قبلها بأيام،مسألت الحمل أحس عادي ليش أخبي

تابعي تجارب أخرى من هذا القسم.