ملفنا السابع لاستشارتنا المطبخيه

انهارده هناكل سمك مشوى بلطى
كنت شويته الاسبوع ايلى فات واتبقى كتير حطيته فى الفريزر
وهاعمل دقه معاه وسلطة طحينة وخلاص

بالنسبة للحلو انا حاليا بحل مشكله الشربات ايلى بيسكر لما احلها هعمل حلويات كتير لحسن متعقده منه
بس عرفت شويه معلومات يمكن تفيدكم
اولا االشربات ما يغليش كتير مجرد ما يغلى نعصر الليمون وعشر دقايق ونطفى
المقدار بكميات متساوريه من السكر والمياه لان زياده السكر بيخليه يسكر
لو اتسخن الشربات تانى بعد ما برد هيسكر
الفانيليا بتخليه يسكر ما تحطوش لانها فيها سكر
انا عندى الخام بس معرفش استنخدمها ولا ايه

انا حاليا عملت شربات كوبايه مايه على سكر وبقه زى الفل وعصرة ليمونه بعد الغليان مع عدم التقليب
ونمت امبارح وسبته يبرد حطيته جوه البوتجاز
صحيت بسخن عيس فى الفرن وهو كان محطوط لقيته كمان شويه سكر
عرفت بقه ان التسخين الزياده بيسكره مع انه مكنش فى حراره مباشره ليه لان التسخين كان تحت الشوايه وهو فى ارضيه الفرن
عملت اسه جبت معلقة عسل نحل ودوبيتها فيه وشويه مياه مغليه تانى وفكيته على النار واهو مستنياه يبرد واشوف

يااااا رغيت كتير اوى






يلا مستنيه التقرير بتاعكم هتاكلوا ايه انهارده

صباح الخير عليكم

ازيك يا مها فكرة سلق الفراخ اظرف برضو
انا برو حطيت فص ثوم بس في الاكل
هجربه في الاخر
ربنا يخليكي

ازيك لوليتا
و الله الواد مغلبني و كل شوية يطفي اللاب لازم لما اشغله اقعد احرسه
بالنسبة لصنية الفراخ كانت طلب جوزي قالي اعمليها زي مامتي اداني التعليمات :-) بس معجبتنيش خاااااالص و وزعتها
شوفي يا ستي السكر ده بتاع التموين ؟؟؟
انا لما بعمل الكراميل كان بيسكر مع اني ملتزمة بالتعليمات كلها رحت اشتريت سكر الاسرة و عملت بيه الكراميل كان ميه ميه
لكن الشربات عندي بستعمل سكر التموين و مش بيسكر بس انا بعمل فتكاسه مش مقصودة
بعمل الشربات 2 كوب سكر و كوب و نصف ميه يغلي عصير ليمونة اسيبه يثقل بدون تقليب
و بعيد اسيبه يبرد و الاقيه ثقيل بحط عليه شوية ميه من الحنفية و اقلب لحد ما يذوب و يظبت
الطريقة دي من قريبا واحدة خبرة و كبيرة في العيلة عندنا و ظباخه شاطرة
ماما مرة قالت لها انها عملت الشربات و طلع ثقيل و هو خلاص برد و كان لازم تستعمله
قالت لها حطي ميه علي البارد و قلبي يعني بالكتير ربع كوباية لو ثقيل اوي

الغداء تونه و ارز مسلوق محاولة لتقليل الاكل بقيت دبه
و عملت تورته هبقي انزل صورتها :-) الرجيم مقطع بعضه

عندى بقى سؤال ياريت تفيدونى وتجاوبونى عليه انا وولادى بنحب الفيشار اوى انا بجيبه من عند العطار بيحطهولى في كيس بلاستك بجى اعمل منه اول مره الاقيه زى الفل يفرقع وينفش في الحله وبيبقى جميل بعد فتره اجى اعمل مره تانيه الاقيه خد وقت كبير ودون اى نتيجه بيبقى زلى ما هو حبوب في الحله يادوب كام حبايه اللى بتتفتح والباقى بيتحرق طبعا حد يعرف السبب ياريت يفيدنى بجد ازاى احتفظ بيه ويفضل زى اول ما بجيبه عايزه اعرف ليه بيحصله كده كأنه ببيبرد وبيحصله رطوبه مثلا ده تفسيرى بس ليه بيحصل كده مش عارفه :(