ابي فزعتكم يالطباخات عندي عزيمه

سلام بنااات

انا متزوجه من فتره المهم من تزوجت ماسويت عزيمه لناس كثيرين يعني عائله وحده بس
الحين عندي عزيمه لحريم ورجال 5 او 6 عوائل
الله يعين بس
انا اطبخ زين بس المشكله بعض الاوقات اذا كنت متوتره وابي يضبط الاكل مايضبط ابد
وحتى زوجي دايم يعلق وبعض الاوقات مايأكل اكرم الله النعمه

مدري وش اسوي ماعندي خوات كبار ولا صديقات قريبات
مالي الا الله ثم انتم
ابي تساعدوني بأفكار لطبخات سهله وطعمه وتضبط بنفس الوقت
وابي اسم بهارات تطعم الاكل

ابي صواني تصلح للعشاء الطبق الرئيسي رز من برى ابجيبه لكن الباقي علي
كل شي قولوا اقتراحاتكم سلطات صواني وكل وحده تقول اكله تقول طريقتها الله يعافيكم
وتكون سهله لاني بتوتر اكيد واخاف يخرب
انا بأنتظاركم حبايبي

22 تعليق 11,649 مشاهدة

شاركي في النقاش

سجلي الدخول لإضافة تعليق.

التعليقات

21
  1. اشتري البلاستك الشفاف من الهزازي مربعة ومعينة ودوائروتكون بغطاء كانها قزاز حطي شكلين للسلطة وشكل للحلا وسويها من قبلها بيوم وكمان سوي الايدامات والصواني من قبلها بيوم او بالظهر وحلا القهوة سوي تمرية دلوعة ماجد من المنتدى هنا او من سنابل السلام جاهزة تواجه وحلوة وتكفي لعدد كبيروقسمي الملاعق والشوك بمناديل ملونة وحطيها على جنب جهزي المويات والعصائر بجكات او من برا
    جهزى اواني القهوة والشاي وحطيها بالمجالس من بدري
    اسهل صينية خضار وقلية وفوقها قشطة وجبن سايل
    هذااسويه دايما اذا جوا ضيوف اهم شئ عندي التنظيم من بدري والتجهيز المسبق ما احب احوس او اختفي عن ضيوفي وقت طويل اتمنى اني افدتك 
  2. @mshtakh_lamy_oaboy_1

    السلام عليكم..سوي السلطات من الليل مثلا سلطة الخيار بالزبادي وسلطة كنتاكي والسلطه العاديه ..والحلا كمان من الليل عندك حلا موس الشمواه والسينابون وكمان سوي المالح مع الشاهي مثلا التوست شيلي اطرافه وافردي التوست بالفراده واحشيه اي حشوه بس انا افضل الدجاج ولفيها ورصيها بصنيه وصبي عليها خلطة القشطه والجينه ودخليها ع الفرن بس لحد ماتتماسك هاذي تقدري تسويها من الليل لفيها ووقت التقديم بفتره صبي الخلطه عليها ودخليها الفرن وزيني صحن التقديم بجزر مبشور وبقدونس ..وكمان التوست شيلي اطرافه وشكلي بالالة التقطيع ع شكل دائره او نجمه او شكليها بالكوب وادهنيها بزبده وجهزي التونه مع الفلفل الرومي والبصل والبهارات وكشنيها بالصاج وخذي منها مقدار ملعقه وحطيه ع التوست ورشي عليها جبن مبشور وقدميها في اوراق الكب كيك . .ومع العشاء مكرونه بالبشاميل وصنيه إيدام خضار بالفرن وصحن فاكه مشكله او سوي جلي وكريم كرمل ....ودمتي بالف صحه وعافيه ودعواتك لي بتحقيق امنياتي
  3. @mshtakh_lamy_oaboy_1

    مشتاقه لامي وابوي
    السلام عليكم..سوي السلطات من الليل مثلا سلطة الخيار بالزبادي وسلطة كنتاكي والسلطه العاديه ..والحلا كمان من الليل عندك حلا موس الشمواه والسينابون وكمان سوي المالح مع الشاهي مثلا التوست شيلي اطرافه وافردي التوست بالفراده واحشيه اي حشوه بس ا…
    ع فكره اشكال التوست بالتونه بعد ماترشي عليها جبنه دخليها الفرن لحد ماتذوب الجبنه
  4. @amyrh_alaashh

    مدام الطبق الرئيسي من برا --سوي سنبوسه دجاج لفيها قبل العزيمه بكم يوم - لفي ورق عنب وعلي الفريزر وفي يوم العزيمه الصبح اطبخيه وبعد مايبرد زينيه بالبقدونس واليمون وعلى الثلاجه -وسوي ملفوف او جيبيه من الحريم الطباخات --وكبه --هذا الاشياء اللي قلتها ماتحوسك ابدا وتتجهز من بدري --سوي 3 انواع سلطات سلطه المكرونه وسلطه الجرجير --وفتوش سويها بعد العصر --والحلا نوعين للقهوه ونوعين للعشاء وسويها فبل العزيمه بيوم وحاولي حلا القهوه يكون بالعلب اوبالكاسات الصغيره علشان مايحتاج تقطيع وممكن ترصينه في صينيه وعلى الثلاجه من الصباح --والرجال سوي لهم كريمه يحبونها مره ---مع مشروبات -نصيحه ابعدي عن الصياني والتوست تاخذ وقت ومتعبه في عملها

تابعي تجارب أخرى من هذا القسم.