ابي فزعتكم يالطباخات عندي عزيمه

اشكر كل الي ردوا ماقصرتوا
بقولكم ايش اخذت

التوست بسويها قبل بيوم واحطها بالفريزر
السلطات كنتاكي ويمكن تبوله وابزيد وحده ماادري
وبسوي فته الباذنجان
سمبوسه دجاج قبل بيوم
صينيه خضار

لسه باقي ابي صواني او طبخات عشاء خفيفه وسهله

والله يعافيكم ابسوي سبرنج رول بس مره سويته بالملفوف والجزر ماضبط مدري ليش الي عندها حشوه حلوه مضبوطه للسبرنج رول تكتبها هنا

الله يسعدكم

اشكرك اختي همسه وان شالله راح ادخل قناتك واشترك فيها
امين يارب والله شايله هم العزيمه مررره الله يسهلها يار ب

ان شالله راح اسوي بحث عن الملف
اشكرك ياالغلا

اممممم انا صغيييرة بس عندي فكرة في هالاموور

يعني سوي بيتزا دواير وفطاير محشية وحلا النوتيلا جربيه انا مجربتهوربي طرر بس ضايفة كم شغلة من عندي وخليت ربيعاتي في الكلاس يذقونه وربي خقوواعليه كل وحدة قعدت تسألني كيف سويتيه وشو بعد تعرفين تطبخين ... الخ

الحلا عبارة عن بكسوت غمسيه بالحلييب السائل ورصيه بالبايركس الصينيةالزجاج

ويعدين فدييت رووحج الطبقة الاولى : قشطة – سكر بودرة – حليب نستلة – 3 حبات جبن كيري – 3 ملاعق حليب بودرة - 1 دريم ويب – حليب سائل المقادير ع كيفج انا حطيت ع كيفي وبعدين حطي بسكوت غمسيه مرة ثانية وحطيه فوق الطبقة الاولى وعقب حطي الطبقة الثانية وهي عبارة عن
الطبقة الثانية : نعيدها + نوتيلا 5 ملاعق وحطيه الله يسلمج في الفريزر لين مايبرد ويصير متماسك وزينية باللوزدقيه وحطيه فوقه وجيبي حلاوة فليك وبشريه والطعم ياسلام سلم ^__^



امم عندج سلطة الزبادي والسلطة العادية تفنني في الاشكال عاد شي بطمام أوملفوف وسوي حمص الطريقة علبة حمص جاهزة حطيه في الخلاط وشوي ليمون ونقطة زيت وشوفيالطعم بنت خالتي جربته طعمه نفس مال المطعم وعندج دجاج مشوي ومشويات وخبز وهيكيعني تفنني شوي بس لاتكثرييين وايد وايد لانهم بيقولون بطرانة وعندج حلا ثاني امم يعني كراميل بالبسكوت سوي كراميل عادية وصبيه في البايركس وجيبي البسكوت وحطيه فوقه وبعدين حطي فوقه جلي الاحمرلاتيبين اللي بالتوت لانه حامض امم وشو بعد عندج قيمات بالسكر البودرة سوي قيمات ولاتحطين دبس فيه حطي سكر بودرة لان الدبس طعمه كله حلو كثير فالافضل سكر بودرةخخففيي منها وحطي فواكه جمب سفرة العشاء وعصاير برتقال مانجو امممم هذا اللي عندي وانتي شوفي واختاري ولو سويتي شي من اللي قلته وطلع اوكييه بششريني ^_^ وبالتووفيق حياتي

اسلقي بطاطس واهرسيه بالشوكه ثم حطي بقدر بصل مفروم وزيت واحمسيه ثم حطي فوقه فلفل رومي واحمسيه ثم جزر مبشور واحمسي لين يذبل واضيفي صلصه تقريبا ملعقتين وحركيه لين يتجانس الخليط ثم اضيفي البطاطس وتبلي ببهارات وفلفل وملحي لين تاخذ الخضر طعم بعض واحشي فيها اي عجينه وتقدري تضيفي بقدونس او كزبره