كيف اتخلص من الحب القديم ...

حبيبتي نصيحه لاتسمعين نصايح ناس ماحست بحرقة قلبك اذا انتي بجد تحبينه ومتقدرين تعيشين بدونه ليش تفرطين فيه دامه جا طلبك وصدق معاك انتي قاعده تكلمي وتاخذي راي ناس من مجتمع يرفض فكرة الحب ترى زي مافي ناس تتوفق بالزواج التقليدي برضو فين ناس يتوفقو بالزواج عن حب وزي مافي ناس تطلق ويدخل الشك حياتهم في الزواج عن حب برضو الزواج التقليدي ممكن يصير دا الشي يعني حبيبتي التوفيق من الله انا بنت خالتي خطبها واحد من جماعتنا ومابينهم اي علاقه ولا حب ولا شي امه راااافضتها تماما وقالت ماحروح اخطبها معاك تخيلي
جا هوا وابوه بس خطبوها ووافقت مافكرت في امه انتي بتتزوجينه هوا ولا امه؟؟ شوفيها دحين معاها بنوته زي القمر وعايشين في سعاده الله يهنيهم امه رفضتها لان اختها الكبيره متزوجه ابو الولد يعني تتوقعين وحده تجي تخطب اخت ضرتها او ممكن تحبها في يوم من الايام؟؟ وشوفيها دحين ماتستغني عنها لانها تعتبرها امها وتخدمها بعيونها كل اثنين وخميس تجهزلها فطورها من غير ماتطلبها يعني نصيحه من قلبي والله دام الولد يحبك وشاريك وجا خطبك ويبغى يرجع يحاول كمان وافقي بكره حتى لو ضحكتي على نفسك وقلتي نسيته والله يبقى جرح في قلبك طول عمرك وتتزوجين واحد وهوا لسا في بالك نصييييحه سوي الي يريح قلبك العمر نعيشه مره وحده ليش مانعيشه زي مانبغى وبفرح وسعاده ليش تعيشين نفسك في الم وتعب نفسي شديد وانتي بأمكانك تكوني اسعد وحده في حضن حبيبك الي تتمنينه وبالحلال ..امه حبتك او عساها ماحبتك انتي ايش عليكي فيها لو واثقه فيه انه رجال ويعرف يتصرف ومايتأثر بأهله تزوجي ومبرووك مقدما ..نصيحه شوفي الي يناسبك والي ترتاحي فيه لاتتأثري بنصايح ناس ماعاشت الي عشتيه ولا حست بنفس الالم الي تحسيه

وعذلت أهل العشق حتى ذقته.. فعجبت كيف يموت من لا يعشق.. وعذرتهم وعرفت ذنبي أنني.. عيرتهم فلقيت منهم ما لقوا..

أسيرة الانتظار  انتي ماجربتي 
مشكوررره نجود وكل ألبنات 

ابي اعرف كيف حبيتو بعض قبل يخطبك لا ويكلمك بعد بمساعدت خواته وش ذا هذي علاقه محرمه اتقي الله واستغفري ربك