تصدقين نفس الي حصل مع قريبتي لدرجة أنها قطعة التلفون من البيت كم شهر ما سددت الفاتورة بالعاني عشان تفتك من لقافة جارتها ههههههه فسارت تستخدم الجوال فتره لين انفكت من لقافتها
ولعلمك قريبتي ذي طيبه مثلك وشرواك تحملت وصبرت ولاحبت تجرح جارتها لكن جارتها جابت لها الصمرقع في راسها لين اتخذت معاها حلول صارمة وجديه
والله الواحد يراعي الناس ولا يبغى يجرحها لكن الواحد يصبر لين ينفجر
والله ما عندك الا انك تكونين صارمة معاها حاولي ابتسامه تقولين لها ، يا أختي في أشياء خاصه أنا ما احب أتكلم فيها ، أو بين الكلام معاها تبينين لها عن قلة الذوق اللي في تعامل بعض الناس وكيف يتخلون في خصوصيات بعض ، لمحي لها بطريقتك والله اذا أنها فهمت واستعبطت وأصرت على لقافتها ومازالت تبقى تمارس هواية اللقافه والتجسس على حياة الناس فالي ما يستحي منك لا تستحقين منه وفقيها عند حدها بس بدون انفعال وعصبية وقولي لها والله أنا ساكته من زمان ولا حبيت أخسر جيرتك لكن انتي الله يهديك وبس
أو اذا ماتبغين جدال وزعل أصري على عدم زيارتك لها وزيارتهم لك الا في حدود وإذا نادت أولادك اعتذاري ولاتخلينهم يروحون. واعتقد أنها بنجي تتفلسف على رأسك وتقولك الله أكبر واشفيك خلي الأولاد يلعبون ، اشبك تغيرتي إحنا أخوات ،،، الخ قولي لها معليش أنا هذي الفتره متوترة نوعا ما وعندي أشياء شاغله بالي ، بس أخاف تزيد لقافتها وبتجن لين تعرف اشبك ههههههههههه
المهم شوفي لك حل جذري والله العظيم وعن تجربه اللي تخلي الناس يتعدون على حياتها وتحسب أنها تحترمهم وانهم بيقدرونها بكره تندم على كل يوم ماحطت فيه حد لا لجار ولا لقريب ولا لبعيد وكثرة الصمت والحياء من الناس والله أنها تكبر المشاكل ماتصغرها يصبر الواحد سنين وآخرها بنفجر ويرجع الغلط منه ، عشان كذا الأفضل الواحد يحل مشاكله وهي صغيره يتكلم بحق وادب حتى لو اللي قدامه زعل بكيفه يزعل لين يشبع خليه يذوق الزعل اللي ذوقني هو دامه على حق امام الله لايفكر في زعل الناس ولا يستحي من احد
مشكلتي مع جارتي الله يهديها
متابعة النقاش، صفحة 4