ملفنا السابع لاستشارتنا المطبخيه

مفيش حد ليه
انا سهرانه عشان اقابلكم
ما بتحصلش ابدا لانى خم نوووووووووووووووووووم

السلام عليكم

وعليكم السلام ورحمة الله وبركاته

السلام عليكم وحشتونى

امانى ممكن طريقه اللحم المفروم بطعم البسطرمه او السجق الى كنتى جربتيها

فراشه انتى نسيتى المكرونه البشاميل مستتنيين الطريقه

لوليتا ازيك يا جميله

المكرونة بالبشاميل

المقدار ده لكيس مكرونة واحد 400 جم

لتر ماء و3/4 لتر حليب
تغلي لتر المية على النار وأول ماتغلي تضيفي المكرونة وتملحي بس مش كتير لأننا هنكمل الطبخ بمية المكونة ده فمش لازم تكون مالحة
بعد 5 دقايق ضيفي نص كمية اللبن مع المكونة اللي بتتسلق
أثناء مالمكونة بتتسلق
حمري معلقتين دقيق في معلقتين سمنة كبار يدوب الدقيق يستوي من غير مالونة يغير وسيبيها تبرد تماما
بعد ماتبرد قلبي معاها باقي اللبن على البارد
أول ماالمكونة تستوي والنار لسه شغالة عليها ضيفي اللبن المخلوط بالدقيق على المكرونة وهي بتغلي وقلبي بسرعة
هتلاقيها ربطت في أقل من خمس دقايق ولو عايزة تضيفي جبنة ضيفيها معاهم
أول ماتغلى تقليبتين وطفي النار
جهزي الصينية إدهنيها شيلي المكونة بكبشة مخرومة عشان تاخدي المكرونة بس ورصي طبقة ثم اللحم
الطبقة التانية
ياإما تحطي المكرونة اللي باقية ببشملها كده مرة واحدة
ياإما تكملي زي الطبقة الأولي تستعملي الكبشة المخرومة والبشاميل الباقي في الحلة تحطيه على الوش


ركزوا كده وإنتوا بتقروا هتوصل إن شاء الله

النتيجة مكرونة سايحة نايحة وطعمها قشطة جدااااااااااااااا