اكثر موقف حسيتي فيه كم زوجك بيحبك وتاثرتي فيه

مره امي تعبت وجاتها دوخه وطاحت على الأرض ورحنا نرررررركض المستشفى وطلع عندها نقص حديد
ومن قوة الطيحه صارت رجلها اليمين تألمها ومع الاشعه قالوا لازم جبس
وقال الدكتور خليها تكثر من اكل الكبده عشان الحديد
المهم ثاني يوم اختي صلحت لامي كبده
وحنا نتعشى كان ابوي ياكل كبده واحنا نطالع فيه ومستغربينلان ابوي مستحيييييييييييييييييييييييييل يذوقها مايحبها
وبالليل قلت لأبوي ما اصدق انك أكلت كبده
قال لي والله أني اكل وانا مقفل خشمي عشان ما أشم ريحتها
انا اكلت بس عشان تتشجع أمك وعشان ماتفكر ان اكلها غير عن اكلنا
وربي حززززززنت عليه مدري ليش وحسيت نفسي انانيه لأني مافكرت مثله

طبعا امي جاتها حالة اكتئااااااااب من رجلها لانها بس قاعده وماتقدر تتحرك بالبيت
ولما كنا نحضر العشا انا وخواتي يلبس مريول المطبخ ويقلد امي وهي تهاوشنا
ويروح عند امي ويقلد صوتها لما تجي تسأله وش تبي تتعشى
وامي فااااااااااطسه من الضحك عليه


وأول مره عرفت ان فيها سكر صار عندها ضعف باالنظر واخذها ابوي وفصلت نظاره
وهي مو مقتنعه ماتبي تلبسها
تخيلوا راح ابوي لنفس المحل وغير الفريم حق نظارته وخلاها مثل فريم نظارة امي بالضبط
لما رجع البيت قال وشرايكم بنظارتي وقال لامي بصراحه انا غيران منك وش معنى نظارتك احلى من نظارتي
ويقولها البسيها خلينا نشوف اشكالنا انا واياك وحنا لابسين مثل بعض
وفعلا صارت تلبسها

ورب الكعبه ذيك الفتره تأثرنا حيييييييل انا وخواني وحنا نشوف ابوي حبيبي يخفف عنها

الله يطول بأعمارهم ولايحرمنا منهم

دمعت عيني من شهامة ونبل واخلاص ابووك الله يخليه لكم ويحفظ امكم يارب
ولايحرمني ولا الجميع من ابهاتنا

ماشاءالله الحمدلله بعدماعصبت منهم في تخريبهم للمواقف الرومانسيه هديتم اعصابي لالالالافيه رجال كفو بس مع الوحام مبسوطين ويسوون المستحيل

مواقفه كثيره ربي يخليه لي وكلها أثرت فيني وخلتني اتعلق فيه أكثر واكثر


بس أقوى موقف لما أجهظت الله يعوظني خير
مسكين كان خايف وجلسنا من الساعة 6 مغرب ودخلت غرفه الولادة 10 وما خرجت إلا 3 فجر وكان طول الوقت ينتظرني اخرج حتى ماداوم اليوم الثاني وكنت اسمعه يسأل الممرضات طمنوني عنها
وكان يقول لي اهم شئ انتي تقومين لي بالسلامة
ربي يحفظه لي

ماشاء الله لازم يتغير اسم القسم
ماشاء الله الله يخليكم لبعض