قصه ولادتي بمستشفي الولاده والاطفال بالدمام

الله يسلمك ويعافيك

مبرووووك و الحمد لله على سلامتك و عقبالنا يا رب

الحمدلله على سلامتك حبيبتي ومبروك ماجاك يتربى في عزكم
والله احمدي ربك الله يسر ولادتك انا حلفت بالله لو اموت ما اروح لهم ولاتي السابقه كانت فيه لسؤ الحظ
يوم تعبت رحت التعليمي على ان ولاداتي قيصريه لازم اولد قبل يزيد علي الطلق لانه خطر علي
وقال الدكتوره خلاص خليك هنا بنولدك قلت لاوالله مابيكم بروح الولاده والاطفال بالدمام
وقعتني على ورقه وقالت اطلعي على مسؤليتك وفعلا طلعت ورحت الدمام ودخلت وشرحت
لهم وضعي ان ظروووووري ولاده قيصريه ولاداتي السابقه قيصريه قالت الدكتوره لا بننتظر
وربي يابنات حسيت بالموت يوم كامل والطلق حااااااااامي واقول لهم كل ولاداتي قيصريه
والممرضه تقول خلاص اسكتي مو على كيفك !!المهم خلاص الطفل تعب وانا قلت نبضات قلبي
كلمو الدكتور قال خلاص لازم عمليه حسبي الله ونعم الوكيل فيهم المهم ولدت قيصريه
حتى الحمام الله يكرمكم كل شوي اعطي العامله فلوس تنظفه عشان ادخل
غير كذا بما اني قيصريه ماشفت البيبي الا ثالث يوم قالو لي روحي انتي بنفسك الحضانه
وشوفيه ورحت وربي يابنات شفت ولدي في حاله يرثى لها يبكي والممرضه جالسه تبرد اضافرها
اخذت الولد الا البامبرز الله يكرمكم ملياااان وباين له فتره ولابس ملابس مقطعه واقسم
بالله يابنات ان حتى بقايا دم الولاده مازالت في شعره اخذت ولدي والممرضه تصرخ مالك
حق تاخذينه ممنوع قلت لها اللي قال لك ان ممنوع خليه يجيني اتفاهم معه واوريه المسخره هذي
واخذت ولدي الى غرفتي وانا حدي تعبانه والعمليه حييييل تاعبتني وروشته ولبسته ملابس
من عندي وقالت لاااا لازم لبس الحضانه قلت لبس الحضانه اللي تتكلمين عنه حطيته بكيس
وراح اوديه لوزاره الصحه يشوفون اهمالكم ..طبعا والسرير مايغيرون الشراشف الا بطلب
مني قمة الاهمال وقمة الوساخه وفوق هذا كله قسم الولادات القيصريه الزياره مفتوووحه
ولكل الاعمار تخيلو يعني مافيه راحه وربي يابنات اني ما انام الا وانا ابكي من التعب والازعاج
اسفه يا اختي طولت عليك بس من جد كنت مقهوره منهم
الله لا يوفقهم وانا الحين حامل ومستحييييييييل افكر اروح لهم مره ثانيه تووووووووبه

الحمدلله علي سلامتك
بس هذا الي تتكلمين عنه الجديد ولا القديم
ولا دتك كم مر عليها من وقت
شكلك تقصدين القديم


انا تري اتكلم عن الجديد
وبالعكسً البييبي روشوهً ولبسته من
ملابسه ماقالو لي اي شي
وكان معي من ولدته ماخذوه الا وقت الزياره
عشان نفس الزوار والسرقات
ولا بعد ملبسيني وملبسينه السوار
اذا انسرق البيبي وطلع خارج الغرفه
يدق الجرس التحذير
ولا دتي توها مامر عليها الا اشهر بسيطه

ومانقلت الكلام هذا من احد
اكلمكم من واقع تجربه

لا ياقلبي انا اتكلم عن القديم لان ولادتي السابقه قبل 5 سنوات
اخاف ان تكون نفس المعامله وربي محتااااااره وين اولد ؟؟!!
جربت في الاولي ولادة التعليمي وكانت عنايه صحيح المبنى قديم
لكنهم بصراحه يعتنون بالقيصريات
والحين محتاره وين اولد فيه!!!!