مرحبا بنات ... حبيت اسأل كيف تسألون عن الخطيب خصوصا اذا كان مكان عمله في مدينة بعيدة عن مدينتي وهم من عايله اخرى ...
انتظر ردودكم وجزاكم الله خير ......
شاركي في النقاش
سجلي الدخول لإضافة تعليق.
التعليقات
25- من وجهة نظري فيه أكثر من طريقة للسؤال
1- إذا تعرفون أحد بالجوازات يطلع لكم برنت لرحلاته عشان يبين إذا كان راعي سفرات
2- تسألون إذا عنده مخالفات أو قضايا عند الهيئة أو سبق وتعالج في مستشفى الأمل
3-إذا تقدرون تجيبون سجل مكالماته (عشان تعرفون إذا راعي بنات أو لا)
النقطتين 2 و 3 لازم تعرفون أحد واصل يعلمكم فيها أو يشتغل في الاتصالات أو المباحث
أطباعه وأهله:
تسألون عنها نسايبهم حريم اخوانه، زوجات خيلانه، زوجات عماته
مكان عمله:
متى بدأ وظيفته وكم راتبه (انتبهوا من اللي يغير وظيفته كل شوي أو قطع فتره وتوه يرجع)
أصدقائه:
تسألونهم عن أطباعه وهل هو عصبي، كريم، وين يسافر، و إذا عنده مشاكل مع أحد وتسألونهم عن دينه وكيف صلاته
جيرانهم:
نفس الأسئلة اللي فوق
ونقطه أخيره هل يدخن وإذا كان مدخن سابق لازم تعرفون متى بطل وليه ، لأن بعضهم إذا بغى يعرس يعدل وضعه يبدأ يصلي ويبطل تدخين ويوقف سفرياته وإذا تزوج يصير بس تعدي 6 شهور يرجع لوضعه السابق ويبلش بنت الناس،، فانتبهوا
الله يوفقك
هذا بعض مما جاء على بالي
ولا تنسين قبل لا توافقون عليه أبوك يجلس معه ويشوف منطقة وكلامه كيف وهل شخصيته توافق شخصيتك أو لا - إحنا لازم يروح احد من أهل البنت عمها او أخوها لنفس مدينة الشخص ويجلس أسبوع يروح للشغل ويسأل عنه والجيران وأصدقائه ، عادي لو طولتو بالسؤال
- من رايي شوفو اقاربكم اي احد يعرف احد بهالمدينه لازم تسالون عنه هذا زواج مو لعبه واذا ماحصلتو عنه اخبار من رايي لا توافقون عليه ترك مدينته وراح يخطب من بره ومكان بعيد عنه ليه ممكن فيه بلا ماابي احط بذمتي بس لازم تسالون وتتاكدون من الرجال
- مكانين يسأل فيهم مكان عمله وإمام مسجد حارته.
- كلام الاخت بابي سيتر جيد لكن مو الكل يقدر يسال بهالطريقة
لكن اهم شي تسألون عن صلاته اذا هو محافظ عليها خاصة الفجر والعصر لانها دليل على حرص الرجل على الصلاة
وسالفة التدخين مثل ماقالت الاخت يتركه فترة من اجل الزواج ولانه تركه لغير وجه الله يرجع له غالبا
وحده من الاقارب خطبها واحد وسألوا عنه واعجبهم واتفقوا على كل شي
لكن في الاخير طلعوا عنه برنت لقوه عنده قضيه بيع حشيش وفسخوا الخطبه
والله يوفق الجميع لما يحبه ويرضاه
مواضيع مشابهة
تابعي تجارب أخرى من هذا القسم.