بسم الله الرحمن الرحيم ..
أخواتي ....
قبل كم يوم تهاوشت أنا وزوجي ورفعت صوتي عليه ... قام وضربني ...
المهم أني أعترفت بغلطتي وتركته قلت إلين تهدأ نفسيته ... بعد يومين بالضبط رحت له علشان أتأسف له .. قام قال لي أنا هالحين منب فاضي .. وسفهني وطلع من البيت ..
وبنهاية اليوم حاولت أتصل عليه علشان أعتذر وألطف الجو قبل ما يجي ... المرة الأولى ما رد والمرة الثانية ما رد المرة الثالثة رد وقال: وش تبين قلت: بس بعتذر منك .... قال: إيه طيب وبعدين . قلت : له لأني حسيت بغلطتي ...
قال: طيب أنتي ليش قاعدة بالبيت ليش ما تروحين لأهلك أنا ما أبغاك تقعدين عندي ...
قلت : له أنا ما أبغى أروح لبيت أهلي وأنت زعلان المهم أنه سكر السماعة بوجهي ...
اليوم الثاني ... جاء بعد المغرب وحسيت أنه مروق دخلت عليه وحبيت راسه وحاولت أكلمه ... عمك أصمخ
ما رد علي وكل شوي يقول .. ليش أنتي قاعدة ما رحتي لأهلك ...
قلت له علشان أبغاك أنت توديني قال لا منب موديك خلي أحد أخوانك يجي ويأخذك ...
طبعاً لحد الآن هو زعلان ... وأنا ثلاث مرات أعتذرت له .. وما في فايدة
هو يقول لي روحي لأهلك أنا ما أبغاك تقعدين عندي .... طلع من البيت وقال لي إذا رجعت ما ألاقيك بالبيت .... وقال لي أحسن علشان تتربين ..
وش رايكم أروح وإلا ما أروح .... والله إني محتارة أحس أن كرامتي بالأرض :(
شاركي في النقاش
سجلي الدخول لإضافة تعليق.
التعليقات
41- ما أعرف شو أرد عليج؟؟!! لأني مو متزوجة..
لكن بجاوبج بحكم العلاقات الإنسانية ارجعي لسبب المشكلة اللي خلتج ترفعين صوتج عليه .. وما أدري يمكن في كلمات بدرت منج حزت بقلبه ودفعته يتكلم وياج بهالأسلوب.. وما أقدر أقولج رأيي لأن لكل موقف حيثياته وتفاصيله ..
الله يفرجها عليج .. ويرجع الود لعلاقتكم - خليكي ببيتك ولا تكبري الموضوع يمكن هو حاب اهلك يعرفو ايش انتي عملتي
لو انا مكانك بضل ببيتي وبقوم بواجباتي وانا ساكته ولا تردي عليه غير بالكلمه الطيبه مهما قالك ولا تبادري انت بالحديث ابدا وهو لما يروق رح يكلمك ويصفي اللي بينكم - لا لاتروحين بيت اهلك وخلاص لا تقعدين كل شوي تعتذرين له راح طعم الاعتذار كذا
انا مدري وشو سبب الخلاف بس انتي طبعا غلطتي انك رفعتي صوتك عليه وهو بعد غلط انه ضربك
المهم انتي هدي الوضع الحين ولا تتكلمين معاه كثير خليه يهدا ويروق من نفسه وأدي واجبك تجاهه وانتي ساكته
واصبري ترى والله الوحده ما ترتاح الا في بيتها .. الا اذا كان واقع عليها ضرر كبير طبعا
وان شاءالله تتصلح الامور بينكم قريب يارب :) - اجلسي ببيتك وزي ما قالوا الاخوات قومي بواجباته وتجمليله باحلى زينه وانشالله ربي يهديه لك ويصلحه
ايمان الحبيبي خليكي ببيتك ولا تكبري الموضوع يمكن هو حاب اهلك يعرفو ايش انتي عملتي لو انا مكانك بضل ببيتي وبقوم بواجباتي وانا ساكته ولا تردي عليه غير بالكلمه الطيبه مهما قالك ولا تبادري انت بالحديث ابدا وهو لما يروق رح يكلمك ويصفي اللي بينكم
مواضيع مشابهة
تابعي تجارب أخرى من هذا القسم.