زواجي بعد شهرونص اتطلق ولالا

اخواتي انا اطلب منكم المشورة والنصح انا مملكه قبل 4شهور وزواجي بعد شهر ونصف المشكلة انه انا وهو على طول في اختلافات راي ومشاكل احنا نقرب لبعض لكن كل واحد تربيته غير المشكلة هو تربيته فرييييييييييييييييييي وانا لا مااتعودت على هذي التربية وعلى طول ينتقدني وكل يوم اتحمل واصبر المشكلة ان الوضع زاد اول كان يقول بيوقف معي عشان مااكشف على اخوانه لكن الحين تغير كلامه يقول لا انا مااجبرك لكن ماامنع اخواني ولا اقولهم لاتقابلونها انتي لاتجين بيت اهلي ماراح اهين اخواني عشانك قلت طيب لكن المشكلة الاكبر انه يبيني في شهر العسل لما نسافر البس مايوه بكيني تصورو يوم عرف اني ماراح البس عصب وزعل لماقلت له حرام وانا اخاف ربي قال انتي تسمعين اغاني اجل لاتقولين اخاف ربي الي يخاف مايسوي اي معصية وانتي صلي وصومي لكن مادام انك تسمعين اغاني وعصيتي ربك مابيفرق معك انك تلبسين بكيني او اي شي وبعد نقاش ومشكلة استمرة 4ساعات متواصلة قال لاتقولين حرام قولي ماابي وانتي حره لو تمشين عريانه انا مااغار انا اتربيت كذا وربنا غفور رحيم دام اني اصلي خلاص المشكلة ان بنات خاله كلهم كذا وهو ماعنده خوات واهلة مايقولون حرام ولا حلال كل شي عندهم حلال المهم انه قال انا ماراح اجبرك على شي وقفلنا الموضوع كذا لكن انا خايفة من بعدين امي تقولي انتبهي بتكونين معه في بلد غربة واليوم تلبسين بكيني بكره يخليك وانتو بكرامة(تنامين مع رجال)وبصراحة كانها قالت الي انا خايفة منه لانه انا قرات في منتدى اخر ان في وحده زوجها كان يجبرها تمارس مع رجال وحريم وانه يستمتع ارجوكم دلوني انا زواجي بعد شهر ونص وسرت خايفة وطول الوقت مكتابئة ولاكاني عروس هل شي طبيعي بسبب التربية والمجتمع الي هو فيه انه يطلب مني اني اتكشف مع العلم انه حاول يخليني اكشف حتى في بلدي انا في انتظار ردكم وهل اكلمه واقوله ترى في رجال كذا واتا حتى لو اتزوجتك وجبت منك اطفال مستحيل ارضى في يوم بهذا الشي وراح اطلب الطلاق ولا لا بلاش افتح عينه على الموضوع
وشكرا تعبتكم معاي

94 تعليق 27,789 مشاهدة

شاركي في النقاش

سجلي الدخول لإضافة تعليق.

التعليقات

88
  1. لا حول ولا قوة الا بالله
    الله يعينك بصراحة ابدا هذا شيء مو طبيعي
    انتي صلي صلاة الاستخارة وادعي ربك في الثلث الاخير من الليل اذا ربي بيهديييييه يجعله من نصيبك ويسخره لك ان شاءالله
    واذا فيه شر وبلا الله يبعده عنك ويعوضك بأحسن منه ان شاءالله
    والله يكتب لك اللي فيه الخير
    امين يارب
  2. استخيري وتوكلي,,,,ولو اني اشوف ان الي يطلب هالشي اسمحوا لي ديوث وماعنده غيره على دينه وعرضه وياما ناس فرررري بس فيه خطوط حمرا يوقفون عندها ,,,الله يهديه بس والمشكله انه يفتخر بهاالشي !!!
  3. @alaanod_alkyd

    هلاوالله حبيبتي ... شوفي أنا بكلمك من منطلق قناعاتي وطريقة تفكيري يمكن أنتي تخالفيني ويمكن لا..

    أنا بصراحة لو مكانك أنفصل لأن الكتاب مبين من عنوانه ... رجال يطلب مني ألبس بكيني ... معليش هاذا ماأعدة رجل وين الغيره ؟ وين الدين ؟ ولو أنا رفضت ولا أجبرني وتركني على راحتي بكره ماراح يتركني أربي عيالي على راحتي وبرضوا ماأقدر أشوف عيالي يتربون بهالطريقة وفي هالبيئه..وأسكت..
    وقال الرسول صلى الله علية وسلم ( إذا جائكم من ترضون دينه وخلقه فزوجوه ) بمامعنى الحديث..
    ركزي على الصفتين . ديــــــــن وخلق .. وأنا أشوف الرجال قد تنقصه هالصفتين ...
    وأستخيري الله هو الوحيد العالم بشأن عبادة ويعلم أين يكمن الخير لك...

    وربي يرزقك بالأجزل والأفضل ويوفقك أنشالله...
  4. العنود القيد
    هلاوالله حبيبتي ... شوفي أنا بكلمك من منطلق قناعاتي وطريقة تفكيري يمكن أنتي تخالفيني ويمكن لا.. أنا بصراحة لو مكانك أنفصل لأن الكتاب مبين من عنوانه ... رجال يطلب مني ألبس بكيني ... معليش هاذا ماأعدة رجل وين الغيره ؟ وين الدين ؟ ولو أنا رف…
    الله يوفقج لما فيه الخير لج ..

    بس انا لين الحين مب مستوعبه !!

    يبيج تلبسين بكيني عالبحر العام ؟؟؟؟

    واللا يمكن يبي يحجز شاليه لج انتي وهو بس ؟!!

    ان شالله يكون يقصد التخمين الثاني
  5. @rnad_2

    أختي الكتاب باين من عنوانه
    و بدل ما تتزووجين واحد ياخذ بيدك للحق و يهد\يك الله به تاخذين احد يجرك لنار جهنم ؟!!!!

    وين الغيرة على الحرمات .. طيب ألبسي بكيني في البيت على راحتك وش معنى برة ؟!!
    الرجال إذا ما فيه نخوة و مروة و غيره ما يتسمى رجال .. هذا الشخص ينخاف منه بصراحة ..
    لو يبغى هو مثل شاكلته ياخذ بنات خالته .. حبيبتي التعليم في الصغر كالنقش على الحجر و صعبة تغيرينه و لا بسهولة تغيرين قناعاته و الإيمان ما يجي من الناس الإيمان نور الله يقذفه في قلوب عباده ..
    و معصية عن معصية تفرق .. أجل من يزني بفرجه مثل من يزني بنظره ؟
    طبعا فرق كبير الأولى كبيرة توجب حد و الثانية معصية لكنها صغيرة و ما يترتب عليها حكم شرعي مثل الجلد و الرجم و يلزم الاستغفار ..
    أنا ما قولك أنك صح بسماع الأغاني لكن يا اختي فرق بين إنك تسمعين الأغاني و بين أنك تلقين الحجاب و تتعرين ..
    فرق كبير بين المراة المحتشمة حتى مع أخوان زوجها و الكاشفة لهم ..
    و و الله يا أختي أن معي صديقة ملتزمة و تزوجت ولد عمها و عاشت في بيتهم ..و ما تكشف لهم لكن لما تخرج تمر عليهم متعطرة و متزينة و يبان هذا عليها طبعا و لما تجلس معهم تمزح و تسولف و تتغشمر ..لما دخلت في قلب أخو الزوج و صار يغازلها و يلاحقها بالمسجات و الجوال مع انها حليلة اخوه و بنت عمه و طاحت في المصيدة ربي يحفظنا و يستر عليها و علينا و زوجها اكتشف .. ما اروعك يا قلبي لكن صدق الرسول صلى الله عليه و سلم الحمو الموت .. الحمو الموت ..
    وش يفرق الحمو يعني عن الغريب عشان تكشفين له ؟
    كلهم أجانب عنك و لو زوجك فيه غارية ما يرضى بهذا الشي .. بغض النظر عن التربية و غيره هذي صفات رجولة في جيناته !
    أوزني الأمور أحسن .. و ربي ييسر لك !

تابعي تجارب أخرى من هذا القسم.