تجـمع للحوامل الرابطات (ربط عنق الرحم) الثلاثون

بنات انا حسيت لما فكرت احمل اني مو رايحه احمل رايحه ادخل حرب
كله لان اجهضت ولان بالحمل الجاي بربط
بس يعلم ربي ان كلامكم وردودكم شكر ريحتني

المهم اني حاليا أدور واروح واجي عشاني برتبط في الحمل الجاي
بس انا متعوده انا في أجازه الأسبوع اطلع مجمعات مع زوجي وعيالي
ونلعبهم وكذا وإذا ربي كتب وحملت شلون مع الربط يصلح عربيه
مثل ماسوت مجبوس لحم
لان أخاف والله نفسيا اتعب من الحبسه
حتى زوجي من هالحين يقول لا تعقدينها وقت الحمل وتوسوسين من كل شي
وانا عندي ولد عمره سنتين ونص والى هالحين ما يروح حمام الله يكرمك
فهل وضعي يحتاج شغاله أخاف يتعبني اذا جيت اوضيه
وبرضو الشغاله مو موافق زوجي عليها


سؤال أخير كثرت عليكم هذره بس أنتو كرييمين بالإجابة
وحده اربطت تو وتقول تنزل عليها إفرازات صفرا كريميه وتقول لها الدكتوره طبيعي
هل مع الربط تتغير الإفرازات عشان ما إرتاع
وتأخذ تحاميل عن طريق الشرج مره صباح ومره مسا كم تستمر على تحاميل التثبيت ومشكورين يا أغلى ناس

Too aspirant
الله يعوضج خير ياقلبي .. البيبي اللي راح ما كان من نصيبج لحكمه يعلمها الله وكتب لج انه يكون شافع لك ولوالده في يوم لا ينفع فيه مال ولا بنون ..
بالنسبة للي صار للأسف المستشفى أخطأ خطأ شنيع بإنهاء الحمل وكان تصرف غير مسؤول ولا مبالي منهم ..
انتي مانزل عليج ماي يعني كيس الجنين سليم والمشيمه سليمه !!! ليش عيل ينهونه اللي ما يخافون الله ؟؟
من كلامك جلستي 3 أيام وضعك مستقر كان المفروض يربطون لك ..
هل جاتك حراره ؟؟ بدت عندك أعراض تسمم في الجسم ؟؟ قالولك الكيس نزل لعنق الرحم؟؟
اذا لا .. معناها أنهم اخطأو في إنهاء الحمل والله سبحانه كله عوض .. وبالنسبة لعمرك نصيحه حاولي الحمل ولا تأجيل لان دكتوري في بريطانيا كان يقولي بعد الثلاثين تبتدئ الفرص تقل للحمل .. انا جبت بكري وعمري 25 والتوأم وأنا عمري 33 والحين عمري 35 وحامل .. وفيه فرق بين عيالي !! الكبير والصغار وهالشي مسبب لي مشاكل مع ولدي الكبير اللي مش طايق الصغار

هره هند :
ما جاوبتي على سؤالي خخخخخ ؟؟؟
بالنسبه لحالتك شوفي ياقلبي .. لما تربطين بإذن الله اهم شي الشهر الاول بعده ارتاحي وبعده تقدري تتحركي على خفيف .. اهتمي بالالتهابات وخلّك حذره منها .. البوليه والمهبليه .. بالنسبه للحركه انا ما تحركت في ربطي الاول ومع هذا ولدت نص الثامن أما ربطي هذا الحمدلله بديت اطلع من دخلت السابع .. طلعت في السادس مره او مرتين لكن في السابع طلعت ورحت الألعاب أودي عيالي .. واروح على كرسي لاني ماقدر امشي بصراحه أخاف .. والحمدلله وضعي مستقر ولو ولدت هذا حكم الله سبحانه وهو كاتب لي هالشي .. انا ولاداتي مبكره .. فقلت ليش اذبح نفسي واضيّق صدري وصدر عيالي !! وجات سفرة زوجي من الله عشان اظطر اطلع أودي عيالي ..
أما بالنسبه للشغاله انا أخالف زوجك الرأي .. الحامل الطبيعيه تتعب وحالتها حاله شلون الرابطه؟؟؟ واللي عندها صغير من بيركض ورآه ويلبس ويغسل وينظف مكانه ويطبخ للكبار ويغسل لهم ؟؟؟ انتي ؟؟؟
الخدامه بصراحه أصبحت ظروره في هالزمن .. إحنا مب مثل أمهاتنا يجيبون ١٢ ورا بعض ويشيلون البيت على راسهم .. إحنا جيل تعلمنا على الراحه وهالشي أثر على أرحامنا وخلّاها خرطي ما تستحمل ..

سوري عصّبت لان ها لموضوع صاير يحرني :(

اسفه يابنات غثيتكم بسألتي
انا سويت عمليه ربط عنق الرحم يوم الخميس اللي فات يعني اليوم لي رابع يوم من بعد العمليه الحمدلله الدم وقف وتحول الى الون البني بس بعض الاوقات ينزل دم بسيط وخفيف جدا ولكن تفاجات بنزول مثل القطعه دم متخثره سوداء متوسطه الى صغير نزلت علي اليوم الصباح وكمان نزلت اليوم المغرب وبارده جدا مو حاره وبعدها وتنزل مره وحده بس ولا في الالم ابدا وبطني مو متحجر مررره لين وبعدها تنزل افرازات بنيه ايش هذا في احد منكم مرت بهذا الشي

يوه يا قلبي والله نست
هره لان احب القطط وهند ياربي لازم أقول اسمي هند عشان خاطرك قلت
مجبوس لحم بحملك بالتوأم ربطتي صح ومتى حملتي بعدهم حملك هذا الله يتمم لك يا قلبي قريت قصتك
وصبرك وجعني قلبي على القصه وتعجبت على صبرك ماشاء الله
والشغالة بحاول استأجر لي