تقريري البسيط عن مكنسة بيسيل البنيه لغسيل السجاد والسيراميك حيااااااكم

السلام عليكم
اقدم لكم تقرير بسيط عن مكنسة بيسيل لغسيل السجاد والسراميك كان نفسي اشتري بيسيل الموفيه لكن ميزانيتي ماتسمح هالشهر توكلت ع الله وخذيت بيسيل اللي لونها احمر ع بني وهذه صورتها




مكان الشراء /اكسترا
سعر الشراء /949 ريال
قوة الشفط / 800. واط

جاء معها بالكرتون صابون خاص 2للسجاد و2 للسيراميك



جربتها ع السجاد وكانت رووعه تنظف وتشيل كل البقع مررتها اكثر من مره تشطف وتجفف بنفس الوقت هذا الكنب قبل كان فيه بقع



وهذا بعد التنظيف بالمكنسه بيسيل شالت كل الاوساخ والبقع ماشاء الله



اتمني يكون تقريري البسيط مفيد ونافع للي حابه تشتري ومحتاره خاصه ماقد شفت تقرير عن هالموديل هنا بالقسم ًوبصراحه انصح فيها اللي عندها اطفال او عزايم بكثره لانها تساعد ع التنظيف
واللي عندها اي سوال حاضره دعواتكم لي يالغوالي

33 تعليق 62,775 مشاهدة

شاركي في النقاش

سجلي الدخول لإضافة تعليق.

التعليقات

33
  1. @ho_abha

    عليك بالعافيه
    أتذكر من زمااااان أمي الله يحفظها كان عندها وحده لونها أسود وفضي وكانت تستلم البيت كله واااو على النظافه والريحه

    الف شكر على التقرير
    مع إني ما أحب إكسترا أبدا لكن نشوف محلات ثانيه تبيعها
  2. @tot_taty_1

    الله يجزاك خير بس ياليت تفهميتي حبه حبه ماني فاهمه فكره الجهاز نهائي اول هل يكنس مثل مكنسه الكهرب العاديه وأذ بغيت أغسل وأشطف الارض فيه بعدها ولاكيف يعني هل يكنس ولا بس غسيل وهل أذا غسلت تكون الفرشه رطبه ولا تغسل علىالناشف وهل هي عمليه مريحه الله يسعدكىويعطيك خيره ويكفيك شره أنتظر أجابتك
  3. @fgr_altmyz

    صاحبة الموضوع
    توتة تاتي
    الله يجزاك خير بس ياليت تفهميتي حبه حبه ماني فاهمه فكره الجهاز نهائي اول هل يكنس مثل مكنسه الكهرب العاديه وأذ بغيت أغسل وأشطف الارض فيه بعدها ولاكيف يعني هل يكنس ولا بس غسيل وهل أذا غسلت تكون الفرشه رطبه ولا تغسل علىالناشف وهل هي عمليه مري…
    لا ماتكنس البيت بس تعسل السجاد وتغسل السراميك. تشطف وتجفف يعني تمررينها ع الامام وانتي ظاغطه زر يطلع مويه وع الخلف يجفف بالنسبه لوزنها يعتبر حلو مريحه عادي ماهي ثقيله

تابعي تجارب أخرى من هذا القسم.