شاركي في النقاش

سجلي الدخول لإضافة تعليق.

التعليقات

41
  1. @am_kady_17

    واضحه وضوح الشمس ماتبي ولدكم ومستحيه تقول أبي بيت لحالي
    انا ضد ضد ضد ضد سكن العروسه في بيت اهل الزوج
  2. @am_aafraaa_5

    صاحبة الموضوع
    الله يفرج همك حبيبتي و يصلح الحال .. 

    مرة اخرى متشكرة لآراءكم و ردوودكم الحلوة .
    الله يعوض كل فتاه بالزوج الصالح اللي يسعدها 
  3. @bthyn55

    بصراحة انا ايضا كنت مثل هالبنت و كان من بين الاسباب الي خلتني ارفض الزواج في السنوات الي فاتوا اني ما اعرف اطبخ و الان ايضا هالنقطة مأثرة على ثقتي بنفسي و مخوفتني من الزواج بالرغم اني تعلمت الطبخ لكن حاسة اني ينقصني الكثير من الخبرة في الطبخ و شؤون المنزل
  4. @plum_and_pear

    أم عفرآء
    "plum and pear"  ^_^ شكلك حاقدة ع السكن ببيت اهل الزوج لا تعصبي ي اختي !! وتتحسسي بهاد الشكل !   سبحان الله هاذي وجهة نظرك انو العروس تكون بسجن و مقيدة !! هو صح حريتها بلبسها وو محدودة  بس كمان فيه اللي روحها حلوة تعيش مع اهل الزوج ويحبو…
    ياروحي انتي الله يسعد قلبك والله مو قضية تعصيب وحقد ..
    حقك علي انا اسفة لو كان اسلوبي في الكتابة ازعجك ...
    بس حابة اوضح لك وجهة نظري واتوقع حتى انتي بينك وبين نفسك متفقة معايا فيها ..
    بنات هذي الايام يختلفوا كثير عن امهاتنا وجداتنا
    زمان كانت البنت تتزوج وهي عارفة انها بتروح بيت اهل زوجها ومستعدة نفسيا لهذا الشي
    امها من قبلها راحت بيت اهل ابوها وجدتها وجدة جدتها ..
    كانت المسألة شي بديهي مافيه نقاش ..
    لو قالت ابغى اسكن لحالي يمكن ابوها يقصف عمرها على كلمتها .. !!
    ماتتجرأ تتكلم في هذا الموضوع ولا يجي في بالها من اصله
    حالها حال اختها وبنت عمها وبنت خالها .. كلهم في بيوت اهالي ازواجهم ..
    زمان كانت الحياة غير .. والناس غير ..
    لكن هذي الايام الوضع مختلف كليا
    البنت تحتاج سكن خاص لانها اصلا في بيت اهلها غالبا بتكون لها غرفتها وخصوصيتها
    وحتى اللي مع اخواتها في غرفة مشتركة برضه لها سريرها وزاويتها ودولابها ..
    متعودة على شكل من اشكال الاستقلالية زاد او نقص لكن الاكيد انه موجود
    لاتنسي كمان الاستقلالية المادية
    كثير بنات موظفات او بيشتغلوا في البيت شغل يأمن لهم دخل خاص ..
    تخيلي انتي بنت من هذا النوع او حتى لها صديقات او اخوات كذا وضعهم ..
    وكلهم متزوجين وساكنين في بيوت لحالهم ..
    كيف تتوقعي انها ممكن تتقبل تسكن مع عائلة في بيت مالها منه الا غرفة ؟؟
    مستحيل تتحمل والله ..
    وان قبلت وسكتت شهر والا شهرين لااازم بتبدأ المشاكل بينها وبين زوجها على الاقل
    حتى لو كانوا اهل زوجها طيبين وعلاقتها فيهم حلوة .. مو بالضرورة تتمشكل معاهم ..
    وجودها مع اهل زوجها يتعبها نفسيا مهما كانوا طيبين ..
    بغض النظر عن فكرة اللبس وانها ماتقدر تاخذ راحتها ..
    فكري معايا شوية
    تبغى تخرج لااازم اهل البيت كلهم يعرفوا .. هذا اذا مانشبوا لها وخرجوا معاها ..
    راحت السوق لااازم اهل البيت يعرفوا .. واذا ماورتهم ايش اشترت لووا ابوازهم وتعالي خذي من اللكاعة
    تبغى تستقبل صحباتها وتقعد معاهم براحتها .. ماتقدر .. ساعة امه داخلة عندها وساعة اخته ..
    اتخاصمت مع زوجها.. لااازم اهل البيت بيعرفوا من الصوت العالي او ملامح وجه زوجها والا وجهها حتى لو انها من النوع الكتوم ..
    وتبدأ اللقافة .. اشبهم زعلانين .. مين الغلطان ..
    واحيانا من قوة اللقافة يتبرعوا بالاصلاح مو لغرض الاصلاح قد ماهي لقااافة وفضول يموتوا ويعرفوا ايش الهرجة ..
    هذا كله ممكن يطلع من ناس طيبين وقلوبهم بيضا .. مو لازم يكونوا وحوش صدقيني ..
    الاحتكاك يولد الشرار .. والنار من مستصغر الشرر ياحبيبتي ..
    فإنتي حطي نفسك في مكان البنت .. اللي تحبيه لنفسك حبيه لها ..
    لو ماعندك مشكلة في انك تكوني مع اهل زوجك في بيت واحد
    هذا مايعني ان اللي ترفض هذي الفكرة انها غلط ..
    انتي صح وهي صح ..
    لان انتي لك تفكيرك وقناعاتك وبنت الناس لها تفكيرها وقناعاتها ..
    والله اخوي كان ناوي يتزوج ويسكن مع اهلي
    امي قالت له ياولدي من حق بنت الناس تسكن في بيت لحالها ..
    احبك وابغاك جنبي لكن بنت الناس لها حقها كمان بلاش انانية ..
    انا نفسي تزوجت وسكنت مع اهل زوجي في شقة مستقلة في نفس العمارة
    لاحظي .. كنت لحااالي ماني معاهم
    ومع هذا ماخلصت من وجع الراس الا لمن نقلت لشقة بعيدة عنهم ..
    عذرا على الاطالة ..بس والله فعلا موضوع السكن مع الاهل يخلق مشاكل من تحت الارض ..
  5. @akoamaryn22

    ماشاءالله في وقتنا هذا نت وكتب تخليها طباخه رااااااااااااااااااااااااااائعه
    عليها بكتب الطبخ وتجارب البنات في النت صدقيني سهل سهل الطبخ
    وبتتفنن بعد في المستقبل خليها تبدا بالسلطات والعصاير والشوربات
    والرز الصيني والمعكرونه بالبشمل اشيء بسيطه وخفيفه وبتحب الطبخ
    ابدا لا ترف عشان هيه ماتعرف تطبخ بتننننننننننننننننننننندم يوم بتكبر :( تاخر الزواج مرررررررررررررررررررررر

تابعي تجارب أخرى من هذا القسم.