امي ليست ام ..

عندنا وعندك خير

الله يهديهم ويصلحهم ،، يا أختي سوي اللي يرضي ربنا ثم ضميرك

اسألي عنها لا تقاطعيناها خلي عيالك يشوفونك وانتي تبرين فيها

عشان بكره يبرون فيك ، الحنان اللي فقدتيه معاها عوضيه بزوجك وعيالك

حبيهم سمعيهم كلام حلو لا تفرقين بينهم

بإختصاااااار اجعلني تجربتك مع أمك درس تتعلمين منه في حياتك الجديدة

وليس عُقد نفسيه تُزينيين بها جدران منزلك

نصيحه مُحبه لكِ .....

اللي راح راح فكري بالحاضر فقط

شوفي حبيبتي مافيه ام تكره بنتها بس فيه ام ماتعرف تعامل مع بنتها يمكن امك من هاي النوعيه ويمكن انتي لك دور بتعامل امك كذا معك فتشي عن الاسباب اللي تخلي امك تعاملك كذا وحاولي تحسنين من نفسك وشوفي النتيجه احيانا البنت تجبر امها تعاملها بقسوه اما تكون مستهتره او ماتحس بالمسؤوليه او راعيه مشاكل مع اخوانها او ماتساعد امها وماتحن على امها فشي طبيعي تكون رده فعل الام بنفس الاسلوب لانها لها طاقه وقدره على التحمل وانتي الحين كبيره يعني المفروض انتي اللي تسعدينها مو هي اللي تلاحقك 

نفس الحاله امي كذا واكثر بعد

ااختي يمكن اتصرفاتك ترفع الضغط والتعامل معك صعب وانتي صغيرة , يعني اتعبتي امك في تربيتك

نا ام واعاني من نفس مشكلة امك - مو مشكلتك انتي


انا ام لطفلين الله يحفظهم - الاول 4سنوات ونصف , احبه اكثر بكثيييييييييير من الثاني -لدرجة اني اخاف اكون ظالمة الثاني بسبب شدة حبي للاول-ربي يهديهم ويبارك فيهم0
هذا اللي بالقلب طبعا .......

أما الواقع المشاهد : ان ولدي الاول عنيـــــــــــــد ويصــــــــــــرخ على اتفه سبب , لو يطلبني شي يطلبه وهو يبكي , قبل لا ارد عليه حتى ,
يطفشني ما ياكــــــــــــل , كاسة الحليب ممكن يشربها بساعه كاااااااااااملة , هذا غير انه المفروض يسوي علاج طبيعي 5مرات في اليوم , وما يسويها الا وهو مهلكني من العصبية لانه ما يطاوع . ونومه قليل ويصحى ,واذا صحي لازم يصحيني - مع انه كبير يعني ممكن يجلس لوحده الله يهديه ويصلحه .ولو ابوه يطلع من البيت من زود الدلع يبكي ويصارخ وكلمي بابا وقلق ما تتخيلي .

أما الثاني ماشاء الله عليه عكسه تماما , الله يحفظه وديع ويطاوع للاكل وللنوم و هادي , رغم انه سنتين عمره لكن اذا صحي يسكت ما يطفشني , يطلب بهدوء , اذا رفضتي تعطيه شي يسكت ويقتنع ,,

بالمقابل : انا طبيعي باتعامل مع كل واحد منهم بطريقة ...
بغض النظر عن اذا كنت غلطانة ولا لا

لكن انا عصبية جدااااااااا مع الاول برغم غلاته , اما الثاني انا بلسم معه ..

الحاصل / يمكن انتي مطفشة امك زمان , بس شايفة نفسك مو غلطانه .

والله اني تذكرت موقف مع ابوي زمان كان مؤثر فيني كثيــــــــــــر ( مرة كان اخوي ضايع وانا عمري حوالي 5سنين , وابوي طلع من البيت مخلوع يدوره , وانا اصرخ ابغى اروح معه - ع اساس نروح نتمشى-تفكير الاطفال-- المهم ابوي خلقة متأزم عاللي ضايع راح ضربني وانا انهرت وما نسيت الموقف ابدا وصرت اشوف ابوي ضدي ومدري كيف , الحين لما اشوف ولدي الكبير وتصرفاته احس اني غلطانه اني لمت ابوي )))

ان شاء الله بس تجيبي اطفالك وتصيري بموقف امك راح تبرري كل تصرفاتها .

الله يحنن قلبها عليك يارب
والله حاسه فيك
اللله يعوضك بذريه صالحه يارب