إلحقوا علي تكفون قبل لا أنجن أو أجننه

صباح الخير ..
خواتي الله يرضى عليكم اتمنى تساعدوني باللي تقدرون عليه انا ام لطفلين كلهم اولاد الله يحفظهم لي الكبير عمره 5سنوات و10شهور والصغير سنتين و10سنوات بينهم بالضبط 3سنوات مشكلتي تكمن بالولد الصغير ماعرفت أبدا أتعامل معه اخاف عليه مني اخاف أتسبب عليه يجيه حاله نفسيه .. حركته كثيره ماشاء الله وعنيد بقوه وعصبي بشكل ماتتخيلونه ويصارخ لين زعل ويرمي اي شيء قدامه ويتلفظ على الكل ألفاظ بذيئه بما فيهم انا وابوه واحيانا يضربنا وما يحقر نفسه يحاول يتعبث بالفرن وده يطبخ ويحوس ودائما متسلط سواء على اخوه او عيال الناس يضرب يمشخ كنت بالبدايه اهاوشه بس ما ينفع معه صرت اضربه وكل مره أزيد واحيانا احطه بركن للعقاب بس ما يبرد كبدي الا لين ضربته الكل متأذي منه ماصرت أنبسط لما اروح لأهلي يجننا كلنا .. على عهده جاني 6شغالات والسابعة مالها الا يومين وكلهم مايطولون عندي عشانه انا اجيب الشغالات عشانه أبيهم يضفونه عني شوي ارتاح منه بس الله يهديه لو تمنعه من شيء وتشيله انواع الكفوف والتمشيخ يجيهم .. وانا خلاص مافيني صبر ماعاد أتحمل ش الحل تكفوووون .. للمعلوميه انا ساكنه مع حمولتي وعيالي معي بنفس الغرفة والألفاظ اللي تعلمها ولدي يسمعها من عيال عماته الله يصلحهم ويخليهم لاهلهم

22 تعليق 4,018 مشاهدة

شاركي في النقاش

سجلي الدخول لإضافة تعليق.

التعليقات

22
  1. @am_rmoooooosh

    دايما االفجر والمغرب اجمعي كفك وانفثي فيها واقري المعوذات وامسحيها على كامل جسمه واقري في الماء اللي تسوين فيه حليبه واكله حتى كوباية الموية اقري فيها لو بس الفاتحة وسبحان الله القران فيه كل شي  والله بتلقينه هادي ومشاكله تخف بالتدريج لين تتنهي
  2. @raky_alfkr_1

    في موضوع لاااحدي الاخوات ابحثي عنه للعلاج العفنه اوالتابعه الي تصيب الاطفال
    الموضوع راح يفيدك ان شاءالله
  3. @tfahat

    انا ما فهمت بالضبط كم عمره من رسالتك
    لكن بصفة عامة القران هو الحل الاول والاخير سواء تقري عليه وهو نايم الاذكار والرقية او تقري في الموية اللي يشرب منها
    بعدها ممكن اذا تقدري تسجليه في نادي غالبا يعلموا الاطفال كيفية التعامل مع الاخرين وكمان فيه معاهد خاصة لفرط الحركة للاطفال اللي حركتهم زايدة

تابعي تجارب أخرى من هذا القسم.