شاركي في النقاش

سجلي الدخول لإضافة تعليق.

التعليقات

57
  1. @plum_and_pear

    بتضيعي ولدك الكبير بيدك والله ..
    يا امي .. انتي ضعيفة وضعفك بيخسرك نفسك وولدك وكمان اللي جاي في الطريق بتخسريه
    خليكي في بيت اهلك ولاترجعي للحيوان اللي يمد يده عليكي وانتي حامل !!
    ولدك راميته عند اهلك يبهذلوه وبيكبر معقد ويكرهك وتخسريه طول عمرك ..
    انا لو منك والله اقعد في بيت اهلي عشان المسكين اللي يتلطش في الطالعة والنازلة
    اذا بترجعي بيت زوجك ماترجعي من غير مايعتذر وتشهدي عليه رجال من اهلك
    انتي اللي اشرطي ولدك يعيش معاكي وزوجك ماله دخل فيه ..
    وامه وابوه مالهم كلام معاكي ولايتدخلوا بينكم نهائيا ..
    ويعتذر من امك وابوكي ويبوس راسهم على اللي سواه ..وجع يكسر رقبته بلا اخلاق !!
    كمان بوساعة وجه يتشرط هو واهله قلال الحيا !!! ايش العالم الزبالة هذي !!
    من دحين اقولك .. ولاشرط من شروطك مقبول عنده ..
    لذلك خذيها من قاصرها ولاترجعي له ..
    عندك ولدك الله يعينك كيف بتفكي العقد اللي فيه ..
    احمي ولدك يابنت الناس .. اللي يقرب منه من اهلك افرميه ..
    اختك قليلة الحيا اوقفي لها وقفة جامدة
    ولو مدت يدها على ولدك والا عليكي خذي اقرب شي جنبك واحذفيها شلفطي خلقتها
    عساها تروح جامعتها ووجهها مليان غرز قلعتها ..
    محد يكلمها لمن تغلط فيكي .. انتي خذي حقك بيدك ..
    بيت اهلك ماتنذلي فيه اذا كنتي قوية وفرضتي احترامك على الكل ..
    امك وابوكي شيليهم على راسك من فوق .. واخوانك اللي يحترمك احترميه
    واللي يقل ادبه امسحي به البلاط ..
    لمن تتطلقي قدمي على الضمان يجيكي مبلغ تصرفي على نفسك وعلى ولدك منه
    واذا لقيتي شغل اشتغلي وخذي ولدك معاكي مكان ماتروحي لاتسيبيه عند اهلك
    وعلى فكرة .. لمن تولدي .. ان جبتي بنت والا ولد .. حضانته من حقك لاتتنازلي عن هذا الحق
    واهلك لمن يشوفوكي متمسكة بعيالك وتخافي عليهم وتحميهم بيبطلوا حركات الهبل اللي يسووها !!
    بلوتك الكبيرة في ضعفك ...
    البسة وهي بسة لمن احد يقرب من عيالها تنقلب لبوة ..
    واني منتي عارفة تدافعي عن ولدك ؟؟؟؟
  2. الله يفرج همك الانثى ضعيفه سبحان الله
    الرسول صلى الله عليه وسلم يقول رفقا بالقوارير الله يفتحها عليك ويختارلك الخيره ب اذن الله
    ويحنن قل زوجك واهلك عليك ومااملك لك الا الدعاء وشوفي اللي يريحك وسويه بس اذا زوجك صالح ارجعي له وربك بيسهلها لانك حامل وصعبه الولد بياخده منكك استخيري والله يسخره لك
  3. ،


    كل الموضوع والقسوة والظلم كووم
    وولدك كوووم

    يالله ماحصل الأمان بأي مكان ..

    والله مااعرف وش انصحك
    بس قططططع قلبي ولدك

تابعي تجارب أخرى من هذا القسم.