الى أخواتي بنـــــات اَدم وحواء في عالم حواء الراقي ,, مشكلتي مع الحبيب

4 أكتوبر 2013

السلام عليكم ورحمة الله وبركاته

أخواتي الفاضلات ,, أمهاتي الفاضلات وبناتي الفاضلات

والله أن قلبي ينفطر حزنا على ما راه من استهتار في أمور الدين ,, ندعي حبنا لرسولنا المصطفى ونفلح في الشعارات والاعتراضات والتعليقات دون أن ندرك كم نحن نقع في النفاق دون أن ندري ..

قرأت عدة مواضيع اليوم ووالله ثم والله ما يؤذيني أن تأتي اخت لي ترمي أختها بأبشع الصفات وأقبحها
دون علمها أو تأتي زوجة ناقمة لتخير زوجها بين الطلاق او البقاء معا حتى يمشي أمرها عليه او ان كرامتها فوق كل شي ..

اخواتي حبيباتي ,, انامالي في الكتابة ولا في الشعر والنثر لكن لي باع ولله الحمد في الحياة ولي نفاذ بصيرة فيها ولا ادعي الحكمة ولكني ولله الحمد أتعامل بما احب ان اعامل به ..

خلوني أصور لكم مشهد ((هذا المشهد في يوم القيامة ))

شوفوا ايش رب العزة بيقول عن هذا اليوم

قال الله تعالى ( { يَوْمَ يَفِرُّ ٱلْمَرْءُ مِنْ أَخِيهِ } * { وَأُمِّهِ وَأَبِيهِ } * { وَصَٰحِبَتِهِ وَبَنِيهِ } * { لِكُلِّ ٱمْرِىءٍ مِّنْهُمْ يَوْمَئِذٍ شَأْنٌ يُغْنِيهِ } * { وُجُوهٌ يَوْمَئِذٍ مُّسْفِرَةٌ })

تشردي أنتي في هذا اليوم من أخوك وامك وابوك وزوجك وحتى عيالك نظر عينك وروحك تشردي منهم من هول هذ اليوم ..

تشردي بس وين المفر ,, راح يجيك الحساب وراح تتسلمي كتابك وانتي بأختيارك يدك اليمين أو يدك اليسار ,,

طيب بعد ما تتسلمي كتابك ,, انتظري لين ينادوا أسمك توقفي قدام العزيز الجبار للحساب

كل شي مكتوب في كتابك راح تتحاسبي عنه ,, حتى الشوكة تقطعيها من شجرة جارك ,, راح تتحاسبي عنها .

طيب تخيلي وجهك تخيلي الموقف

نادوك للحساب وبديتي للحساب وسألك رب العزة عن الشخص هذا اللي قذفتيه بسحر او او اهانة او حتى سبب طلبك للطلاق من زوجك وراح يسألك عن كل شي

ايش ردك ماراح تنطقي ( لسانك راح ينطق الحقيقة يدك راح تنطق اذنك راح تنطق كل شي فيك راح ينطق )

طيب يا اخوات قبل ما تكتبي شي او تقدمي على شي ممكن يضرك يوم الدين ليش ما فكرتي بهذا اليوم .

هل تضمني حياتك طول عمرك ,, هل تضمني دخولك الجنة ,,

وان تزوج زوجك او عاكس ويعني ايش يصير هل ربي بيحاسبك انتي ,, هل كرامتك تسوى شي قدام محافظتك على بيتك وادائك لأمانتك وقيامك بأمور رعيتك .. ترى الزوج مو كل شي لا تقدسونه

ولا ترفعونه ولا تخلون كل حياتكم ازواجكم ,,ما بتسوى عليكم معيشتكم لأنكم مهما حاولتم بتظلون ناقصين..

والاخوات اللي يقذفون بالسحر والشرف وقلة الدين والمرض .. سهل عليكم الرمي لكن جهزوا بيناتكم وادلتكم من الان عشان تواجهون الله تعالى بها ..

وانتم يا اخوات يا مخببات ياللي تحرضون على الطلاق والانفصال والمكائد انتم ماتخافون الله كل المشاكل قدامكم تحطون كرامتي وكرامتي وارفسيه وجعله ينحرق واحرقي قلبه واطلبي الطلاق

صار سهل عندكم الطلاق وان الحرمة تتطلق من زوجه وبقواية عين لا قلتيلها حرام ردت عليك وسفلتك .. أبيكم بس تقرون هذا الحديث

روي أن رسول الله صلى الله عليه وسلم قال: "ملعون من خبب امرأة على زوجها أو عبداً على سيده"

ملعون أي مطرود من رحمة الله ,, مطرود من رحمة الله

حنا الان الوحدة فينا تنقهر وتنجلط لو انطردت من غرفة في بيتها او في بيت اهلها او بيت زوجها

كيف لو انطردتي من رحمة الله .. لاحول ولا قوة إلا بالله العلي العظيم ..

انا بعرف انتم مرة تقدرون تواجهون الله تعالى يوم انكم اصلا راح تشيلون الثانيين فوق ظهوركم وتتحاسبون عنهم ..

اتقوا الله في نفوسكم اتقوا الله ولا تنصحون الناس بشي انتم ماترضونه عليكم

والله ثم والله انا متأكدة لو وحدة منكم بينها وبين زوجها نزغة شيطان منكم ما ترضى احد يجي يحرض زوجها عليها ..

واللي تبي تكيد لأم زوجها (( يااخوات امهات الزوج منتم مجبورين على خدمتها لكن مجبرين على احترامها وتقديرها حتى لو كانت صاحبة اهواء ,, بتسألوني ليش بقولكم

اولا كبيرة بالسن أفنت عمرها تربي وتسهر وتتعب عشان عيالها يحق لعيالها الان يبروها ( راح يمر عليكم مثل هذا اليوم ) وحتى لو طلبت البر بطريقة غلط ولدها مجبر يبرها لأنها امه جنته وناره

وانتي مثل ما انتي ما راح يقلل من حبك في قلبه

ثاني شي : حطي نفسك في مكانها ( حتى وهي كبيرة في السن تظل أنثى )
والرسول صلى الله عليه وسلم وصى بالقوراير ليه لأن قلوبهم مو مثل قلوب الرجال مجبولة على الشدة والقوة
قلوبهم رهيفة واي شي يأثر فيهم . وارجع أقولك هي أمه وحطي نفسك مكانها . ولا تستكثرون عليها عيالها يفرحونها بكرة عيالكم أنتم يبروكم .

ثالث شي : أم زوجك وجدة عيالك وعمرها كبر عمر أمك والله لو أنها يهودية لأبرها لأنها أم زوجي بس , من محبتي لزوجي وبري فيه أبر أمه

والرسول صلى الله عليه وسلم وصى في الكبير بالسن .

كل وحدة فينا عندها مشاكل عائلية وخارجية ووظيفية وداخلية لكن هل تتوقعي ان الله مو عارف عن ظروفك او شكواك ..

انتم الان تخيلوا انفسكم فقط أبغاكم تتخيلوا حاجة افتحي الطاقة تبع غرفتك

وطالعي في الحي اللي انتي فيه شفتي عدد الناس اللي حواليك في البيوت وشفتي النمل اللي يسكن جدران بيتك والطيور اللي تطير في السماء

ربي يدبر أمرها طريق طريق وذرة ذرة وحركة حركة

تخيلي الان العالم كامل بكل اللي فيه وبعظمته وبقدرته وقوته

تتوقعي ان اللي يدبر هذا الشي عاجز عن تدبير حياتك وأمورك ..

طيب يا اخوات انتم لمن تكيدون وتنصبون نفسكم قاض وجلاد وحاكم ما تتوقعون فيه منه اللي أقوى منكم وبلحظة ينقلب عاليك واطيك ..

ليش الوحدة فيكم ما تترك الاشياء كلها لتدبير الواحد الاحد ,, ليش ماتوكلون الله عزوجل بمشاكلكم

ترى انتم بنعمة وخير منتم حاسين فيه ويجيكم يوم تفقدونه ..

واخر شي أنصحكم نصيحة

القسم أيه للحياة الزوجية السعيدة وفيه مشاكل كثير وعادي كلنا نمر فيها ,, لكن يا اخوات نصيحة
لمن تجون تعلقون على شي لا تعلقون الا شي يوم القيامة اذا اتعرض عليك تقدرين تردين عليه

لا تخببون لا تكرهون لا تكيدون واذا ما عندكم ردود سنعة للناس المقهورة

أنصحوهم بالتوجه لله وركعتين والوضء تبرد على قلبها ,, أعرف كثير منكم ما راح يبسطهم كلامي

لكن والله اني خايفة عليكم يوم مافي مفر منه ,, هذا اليوم جاي جاي اليوم او بكرة ا
او بعد مية سنة

ابغى اوقف امام المولى عزوجل وانا ناصحة خواتي وصديقاتي وحبيباتي

هذا واتمنى تقبلون كلامي بصدر رحب وماتزعلون مني ..

كلامي للتذكير ونصحي لنفسي قبل أن انصحكم وأسأل الله أن يجمعنا ومن نحب مع الحبيب المصطفى يوم لاظل إلا ظله

الى أخواتي بنـــــات اَدم وحواء في عالم حواء الراقي ,, مشكلتي مع الحبيب

التعليقات

الاشخاص الي ما ناقص الا يقولون لك اخترتي مستشفى الي ولدتي فيها🔥🔧

زوج اختي الي مايتعوض

ليش الي عندها اخوات حياتها الأجتماعيه افضل

وش الي يخلي اختي تأثيرها جدا قوي على امي

زواجي بعد اسبوع نصايحكم لي ي اخواتي الخوف اتعبني