البطاطا الحلوة المقلية ولا اطعم

اسعد الله مساءكن بناتى الحبيبات انا كنت عملت موضوع صينية البطاطا بالطماطم ولا اطعم

وبنات سئلتنى على البطاطا المقلية قلت لهن انى هجرب واقول لكن اذا كانت هتنفع ولا لا
ولله الحمد التجربة نجحت نجاح باهر وعجبت الكل وبصراحة الملح والكمون بيعطوها طعم احلى من البطاطس المقلية واقل فى التكلفة يعنى ال 4 كيلو بطاطا ب 5 جنيه يعنى كيلو البطاطا ب 1,25يعنى بجنيه وربع ندخل على




المقادير


بطاطا حلوة بالكمية اللى تكفى الاسرة
زيت للقلى
ملح وكمون فقط

الطريقة

بننقع البطاطا شوية فى الماء




ثم نكحتها مثل الكوسة علشان الفايدة اللى فى القشرة


ثم نقطعها طرنشات


ثم نقطعها صوابع



ثم نغلى الزيت كويس ثم نضع البطاطا الصوابع فى الزيت المغلى




ونتركها شوية بس على فكرة تسويتها غير تسوية البطاطس دى اقل علشان السكريات اللى فيها بتسويها بسرعة
ثم نرفعها من الزيت فى المصفاة




ثم نضعها فى طبق التقديم الف هنا وشفا



مع تحياتى
ام حمادة
يارب اكون افدتكن

23 تعليق 13,781 مشاهدة

شاركي في النقاش

سجلي الدخول لإضافة تعليق.

التعليقات

23

تابعي تجارب أخرى من هذا القسم.