تكفون انصحوني صرت ضايعة بين كلام امي وزوجي

بصراحة انت قلت بنفسك ماكان يقصر قبل ماتتوظفي ويوديك ويجيبك ومتحمل تقصيرك ويساعدك يعني انت متوظفة عشان تكنزين المال وتعيشىن تحت خط الفقر ؟ وفري نص راتبك والنص الثاني حطيه مع راتب زوجك وتساعدوا الحياة تعاون ومشاركة وأحسن لك ولزوجك من سلفيني كل شوي

لا تعطينه شي غير الـ 1500 حقت الدين

طبعا حيرتك زادت مع ردود البنات
انقسموا نصين .. ناس يقولولك اعطيه لاتبخلي عليه .. ومعاهم حق
وناس يقولولك لاتعطيه عشان مايتعود .. زي كلام امك واختك .. وبرضه معاهم حق ..
كل وحدة حطت رايها بناء على طريقة فهمها لكلامك ومواقف شخصية مرت عليها
المسألة ترجع لزوجك وكيف انتي تشوفي طريقة تعاطيه مع موضوع انك موظفة وراتبك اكبر من راتبه ..
بالنسبة لي ...
اشوف ان الرجال اللي حياته مليانة ديون ينخاف منه
اللي عينه على فلوس زوجته ينخاف منه ...
اللي مايخجل يطلب من زوجته عشان يهادي هدايا ويسلف .. ينخاف منه ..
اللي يسوي افلام زي حركة زوجك في حكاية توصيل الركاب
ويرجع مبوز عشان يستدر عطفك .. ينخاف منه ..
ينخاف منه مو عشان فكرة انه ممكن ياخذ فلوسك وبكرة يروح يتزوج عليكي .. لا
ينخاف منه لأنه لو لقي فرصة يرمي عليكي حمل كل شي مايتردد
شخص متعب وفوضوي وراح يبدع في الفوضى طالما عارف انك وراه وبترتبي الفوضى دايما ..
بغض النظر عن كونه طيب معاكي وماكان مقصر قبل ماتتوظفي
اللي سواه واجب عليه وعلى اي زوج ..
ماكان بطولة ولا سوى شي خارق للعادة يخليكي تحسي بالامتنان لدرجة انها توصل معاكي انك تحطي نفسك في موقف رد الجميل !!
لو ماكان يطلب منك وسوى الحركات اللي سواها
كنت اقولك اعطيه وانتي مغمضة ..
رجال نفسه عزيزة ويحترم موقعه كرجل عارف انه المسؤول عنك وعن بيته وكرامته ماسمحت له يطلب منك
بس زوجك من النوع اللي لازم تتعاملي معاه بذكاء ..
العاطفة معاه بتوديكي في داهية
يوريكي محفظته ان مافيها الا ريالين !! فين الكرامة ؟؟
صدقيني الرجال اللي عنده عزة نفسك لايمكن يسويها ..
معناته رجال زي هذا ماعنده مشكلة في انه يطلب
وكل ما عطيتيه بيطلب اكثر ..
ولو رفضتي بيقلب الدنيا على راسك بالنكد وقلبة الوجه ..
والدليل حركة توصيل الركاب .. وترى هذي مجرد بداية ..
قاعد يجس نبضك يشوف يقدر عليكي باثارة عاطفتك ناحيته والا لا ..
لو ماضبطت معاه وحس انك طنشتيه .. بيدور طريق ثانية
ويمكن توصل معاه انه يمنعك من الوظيفة لو يئس منك ..
طالما مو مستفيد من وظيفتك ..
اكيد بيشتغل موال تقصيرك في حقوقه وبيتك والذي منه حتى لو ماكنتي مقصرة ..
كله عشان يحطك بين خيارين .. يا اما تعطيه نص راتبك .. والا يقعدك في البيت ..
امك واختك مانصحوكي باللي قالوه الا لانهم عارفينك وعارفينه اكثر مننا كلنا ..
نصيحتي لك .. لاتعطيه ولاقرش .. لين يبطل يطلب ..
فهميه انه المسؤول عنك وعن بيته .. ومو من حقه يطلب ..
قولي له انا اعطيك بمزاجي .. اما انت تطلب ؟؟
معليش اسفة .. دبر نفسك زي ماكنت تسوي قبل ما اتوظف ..
والا اذا بتطلب مني جهز ورقة وقلم واكتب ووقع وبالشهود كمان انك اتسلفت مني ..
اصحابك مابينك وبينهم ورق .. انت حر بكيفك معاهم ..
اصحابك يوم ماتتخاصموا اخركم كل واحد يروح لحال سبيله وتتقاطعوا
احنا متزوجين .. ماني مستعدة احط نفسي في مواقف معاك زي اللي اسمع عنها
انت رجال وانا زوجتك .. لو ابليس خرب بيننا و ركب راسك ممكن تعلقني وتمرمطني !!
حطي كل الاحتمالات في راسك ..
ياما ازواج كانت حياتهم سمن على عسل
وبقدرة قادر خربت بينهم بين يوم وليلة ووصلت مواصيل ماكان احد يتوقعها ..
انا ما اقولك ابدأي بالشر وفكري في البطال ..
اللي اقوله كوني حذرة وحطي الحدود من الان عشان بكرة ماتتعبي معاه ..
لو يوم شفتيه فعلا محتاج ومن غير مايسوي لك افلامه وحركاته
اعطيه وحسسيه انك اعطيتيه برضاكي وبمزاحك وانك منتي مجبرة ولا هو واجب عليكي ..
اذا فهمتيه وحفظتيه درس انك منتي مسؤولة عنه ..
كذا تضمني انه ماراح يثير مشكلة كل شوية والثانية على موضوع الفلوس ..
لو جاكي في يوم وخيرك بينه وبين وظيفتك وحط شرط استمرارك في وظيفتك انك تعطيه ..
ساعتها للاسف بقولها لك .. هذا رجال الحياة معاه ابدا ماهي مضمونة ..

يا اختي الرسول تعوذ من قهر الرجال لا تكسرينه
ترا انا ما اتكلم من فراغ
راتبي زي راتبك او اكثر شوي ماشاء الله تبارك الله ومر زوجي بضروف صعبه ما تركته الحمدلله لاني ادري انه قبل الوظيفه ما كان مقصر يوم الله اغناني اتنكر له !!!!!
الحمدلله ظروفه عدت وبقت بيننا الذكرى الطيبه اكذب لو اقول لك رجع لي فلوسي بس الفلوس بتطير بتطير بس الفرق انها ممكن تطير بس بتهد بيتي معها
صدقيني ظروفه ذي مؤقته والاقساط مسيرها بتخلص واموره بتتعدل
بس تدرين وش اللي بيبقى يذكره انك خذلتيه يوم احتاج
انا ما اقول اعطيه كل ما عندك لا طبعاً
بس ما يمنع اعطيه جزء من راتبي كل شهر وتكون مسجله اذا ما اثق فيه ما يمنع الله بالقرآن اوصانا على كتابة الدين
وهي فترة وتعدي
اجلسي معه وقولي كل اللي بخاطرك
خليك واضحه في الامور الماديه
ترا انت خايفه من اللي بيجي بس زوجك بيفهم انك تخليتي عنه وما تسوى عليك هالسبعين ريال تخرب بيتك
افصلي حياتك عن الآخرين وماعليك من تجاربهم
لا انت هم ولا ازواجهم زوجك
اصابعك مو سوا
بس قبل كل شي امني نفسك مادياً
بس مدامه يصرف عليك وما يقصر وما قصر بالبيت اللي تبين لا تبخلين عليه ( بحدود )

ساعديه بس في حدود المعقول لانه لو تعود صدقيني بتندمين و بتصير مشاكل بسبب هالشيء 

سبحان الله و بحمده سبحان الله العظيم