معقوول كل اسبوع تجتمعوا ببيت الاهل او اهل الزوج!/ استوفى

شوفي انتي وامك لاتكلمن بالموضوع راح يتحسسون كلمي وحده من خواتك المتزوجات قولي انك تتعبين بالشغل وتحضير الطعام
وانك تبين مساعده وهو انها تكلم خواتك وزوجات اخوانك كل جمعه تقسمن الشغل بينكم ثنتين عليهم القهوه وشاي وثنتين عليهم الحلا والمالح وثنتين عليهم العشاء يايسونه بالبيت ويجيبنه او يطلبنه
من برا
والاسبوع الثاني نفس الشي بس اللي سوت عشاء الاسبوع اللي راح تسوي قهوه وشاي وهكذا
وتساعدون بتنظيف الاغراض حقات الاكل 
اما البيت حاولي يكون الغرف اللي ماتستخدمون مقفله ترتاحين بكذا

و الله فكرتيني بخالتي ..

كرهتنا في الروحة لبيت جدتي ..

هو يوم واحد في الأسبوع ..

و أحيانا نروح كل أسبوعين مرة ..

تحسبي أطفالنا كثير ؟ لا أبدا كلهم 4 -الله يصلحهم -و في الابتدائي ..

و نحنا من النوع اللي يشيل و يحط يعني ما نجلس رجل على رجل ..

بس الله يسامحها ..

أنا الحمدلله اخذتها من قاصرها و لا صرت أروح لهم إلا في الشهر مرة ..

الخلاصة : إذا ملزمة تبغي تكلميهم أهم شي الأسلوب الحلو ..

أما التأفف و التضجر منهم في وجههم ابعدي عنه تماااما ..

و خلي كلامك موجه لأخواتك و أخوانك فقط ..

لأنهم راح يفهمو و يتقبلو ..

أما زوجات أخوانك فلا تكلميهم عشان ما تشيعي العداوة بينكم ..

و الله يصلح حالنا و حالكم ..

صح المفروض الجمعه كلها متوزعه كل أسبوع ببيت واحد واخواتك بعد يدخلوا بالسالفه يعني كل أسبوع ببيت وحده منهم اذا اخواتك واخوانك كثيرين بتخف عليكم وعليهم اذا اجتمعوا عندكم مره كل شهر أو شهر ونص حلوه تحمليها واتفقي مع الحريم سوا اخواتك  أو حريم اخوانك أنهم بكل جمعه يخلوا غرفه للاطفال تقفلوا عليهم واحمدي الله على جمعاتكم ولمتكم والله أني أتمنى نتجمع هذي الجمعات لكن الله يعين على هذي الدنيا 

اشكركم واحدة واحدة لمروركم العطر وردودكم


بالنسبة للدورية امي وابوي مايبون يطلعون


وانا ماقصدت التكلف قط

يابنات حوسة الصغار محد يقدر يمسكهم

وانتوا فهمتوني خطأ بالجمعات

ماقصدت يوم للاخوان ويوم للاخوات لأ..

عزيزاتي قصدت كل اسبوع يجي أخ فقط واسرته
مايجون سوا باسبوع واحد...

ونجتمع اجتماع الكبير للاسرة باستراحة مره بالشهر..

وبقية الاسابيع اقصد كل اسبوع واحد من الاخوان واسرته يجي

الاسبوع اللي بعد الاخ الثاني واسرته

وهكذا
واسبوع للاختين مع بعض


واخواني تروا مايجون بوسط الاسبوع ابدا

فقط نهاية الاسبوع ومايجون الا مع حريمهم

فقلت كل اسبوع يجي واحد

والاجتماع الاسري الكامل مره بالشهر باستراحة