معقوول كل اسبوع تجتمعوا ببيت الاهل او اهل الزوج!/ استوفى

المشكله ما تقدرين تمنعين وتحددين من داخل ومين طالع لان الجواب بيكون
هذا بيت امنا وابونا ولنا حق نجتمع فيه مثل بقية الاسر

لكن ممكن يكون الحل ان تكلمين اخوك الكبير وتقولين له ان انتي تتعبين بالتنظيف والترتيب فا ياليت تكلمهم ما يطلعون الا وهم مساعدينك ومنظفين عقب اطفالهم
واذا كلمهم اخوك اتوقع الكل بيستحي على دمه ومارح يطلعون الا والبيت نظيف
الله يعينك

فكرتك حلوه واذا مانفذوها ماعليك اذا جوكم فقلي كل الغرف خلي بس غرفتين اللي بتجلسون فيها وحتى المطبخ قفليه والحمامات خلي واحد فقط واذا قدرتي تتحكمين فاكلهم يكون افضل يعني ياكلون وهم جالسين ويمسحون ايديهم ويقومون يلعبون بعدين

الله يفرج همك ويعينك

خلي امك اللي تطرح الفكره علشان ماتسمعين كلمات تجرح مثل ماجينا لك ماهو بيتك.....إلخ

وين كل اسبوع يجي واحد يعني يقعد شهر على مايجي دوره اقول غيري الفكره وقولي كلن يجيب معه شاهي وقهوه وحلى وخرابيط والعشاء من برا...وخلي الاكواب والملاعق بلاستيك وقولي نتعاون مافيها شي وياليت امك تقوله افضل

اختي الله يكون بعونك ابقولك طريقتنا حنا انا واختي الي اصغر مني متزوجات ولي ثلاث خوات ماتزوجو وخواني كلهم متزوجين انا واختي المتزوجه نجتمع عند امي كل خميس وجمعه لازم وامي الله يحفظها حاطه غرفه فاضيه مافيها الابلايستيشن ونت مفتوح هاذي للاطفال الي بيلعبو وللكبار الي يبي النت صاله النساء مرتبه ومقفله وكذلك قسم الرجال مقفل احنا اذا جينا انا واختي احنا الي نطبخ بمساعدة خواتي واحنا الي ننظف المطبخ واحيانا نسوي حلى ونجيبه معنا واطفالنا معودينهم انهم مايحوسو البيت حتى لو حاسوه احنا الي نرتبه اما اخواني مالهم وقت محدد يوميا عند امي فقط هم من دون حريمهم وحريمهم يزورو امي بالشهر مره يسلموهم وعيالهم عليها والشهاده لله ماعمر وحده جت ايدها فاضيه لازم حلى وفطاير معها وهديه لامي الله يوفقهن ويخلي لهن عيالهن طيبات وحبوبات مو معناة انهم يجو مره بالشهر انه فيه رسميات بيننا لاوالله يجونا من دون موعد