شاركي في النقاش

سجلي الدخول لإضافة تعليق.

التعليقات

73
  1. @londy

    حلوه
    بس يصدعوننني الصغار وذاك اليوم لاامي ولاابويه ينامون
    همه مايحبون السهر
    بس يوم يجتمعون يسهرون غصب من رجتهم
    ولمن يروحون شوفي البيت ماادري من فين ابداا
    حتى امي صوتها يخلص من كثر ماتصيح على الصغاار
    وتصيح عليه اصير ام 12 بزر هذاك اليوم من كثر ماناقز وراهم كلهم
    كذا امي لسانها مبرمج على اسمي
    وانا ارجولي داايما مستعده بس اسمع امي اجيك جري ادور
    صاحب المصيبه فينه
  2. @26_1

    خلي الصحون و الكاسات كلها بلاستك و حتى الملاعق

    حتى صحون التمر بلاستك\

    وعلمي الاطفال الكبار ترتيب و تنظيف وحطوا لهم جدول فيه اكس و صح بموافقه امهاتهم طبعا
    يرتبون غرف الالعاب ويضفونها ترى بيساعد

    وكلمي خواتك عالحمامات باسلوب حلو او خلي امك تكلمهم انك بتنظفينها قبل يجون والتنظيف عليهم بعدما يخلصون

    و قولوا لاخوانك الشباب يجون لحالهم والحجه انهم يقعدون مع خواتهم و مره بالشهر يجيبون حريمهم و عيالهم
    عشان لا يتكلفون حريمهم كل اسبوع

    وكذا ينقص 50% من البزران

    اصلا ما في الا كذا لان امك وابوك ما ودهم يطلعون دوريه

    حتى الدوريه يمكن بيوت اخوانك صغيره يمكن ما يقدرون الخ الخ
  3. صدقيني مارح يحس فيكِ إلا اللي في وضعك لا يمكن يحسوا اللي يحضروا هذي الجمعات الا يوم تصير في بيوتهم

    طبعا فيه محترمين يذهبون لود الرحم وصلة ذوي القربى وتلحقيها تخرج من بيت أهلها أنظف مما دخلته خفيفة لطيفة حلوة الكلام إن لمحت من اهلها حاجة غطتها بالسر وستجد عاقبة هذا في نفسها واولادها الله بيعوضها

    أتذكر في بيت أخو جدي حصل خلاف بسبب هذه المسألة وانتهى الأمر بالطرد الصريح ولا ألومهم صراحة ، كنت صغيرة أيامها لكن أخواتي فصلوا لي قالوا كان الكل يخرج والبيت دمااااااار والجد على قد حاله ورموا بالكلام التلميح والصريح لكن لا مجيب إلى أن حصل الطرد

    ما أقدر أفصل لأنه يمس كثير من قرايبي لكن سأركز على واحدة لتروا كيف يكون تبادل الأدوار!

    كانت وحدة من بنات خالي زمان بعد مانفتحت مسالة المفروض يتنظف هذا الدمار الذي نخلفه تقول أنا ما أشيل ولا شي هذا الشيء معروف نحن الأحفاد مانسوي شي إن جات خدامتنا غسلت لهم الصحون وحتى الشغالة مو عليها الصحون كلها ثم هذا البيت شبيه ببيت الضيوف
    وكانت قدامنا تمشي ولا ترفع ورقة حتى! وأمها مدرستها هذا

    مرت السنوات ورأيت بنت خالي هذه في بيت أهلها، وبنت خالتها صغيرة ثلاث سنوات فقط دفعت الباب بقوة شوي وإذا كالليث الهصور على البنت لدرجة الصوت الذي أطلقته أنا انفجعت !!! هذا من شدة ضيقها ودها ترمي البنت وأمها برا البيت ، ثم مرة اخرى لما عزموا خالتين بعد الغدا ماقدروا يقوموا الخالتين للمطبخ بسبب الرجال تقول لهم بنت خالي بنغز المفروض المساعدة! يعني تبغاهم يقوموا يساعدوا بتنغزهم بالكلام! وهي نفسها اللي كانت في بيتهم ضيفة تاكل وترمي وتقول انا ما أرفع ولا شي! هذا وهي تكلم خالاتها!!!!! وحدة من خالاتها تقول وددت وقتها أن أعطيها على وجهها لكن تقول هذه تربية أمها ولابد هذه الأم تدفع الثمن بيجيها يوم

    ربما بعضكم لا يشعر بالمعاناة لأن من يحضرون ويجتمعون عندكم اناس ذوي أخلاق ودين تخاف الله لكن ليس كلهم كذلك!

    المفروض هذه الجمعات تكون لزيادة الود لا لذهابه تكون لصلة الرحم لا لقطعه فإن لم تكن كذلك فتركها اولى لآنها تخلف دمارا نفسيا يمتد على طول الأجيال وينتهي بالقطيعة التي تتوارثها الاجيال فلانة كانت تسوي وفلانة كانت تفعل وتااكل هي وعيالها وترمي وووو

    وعموما كما تدين تُدان والدنيا دوارة فإن كان ما تفعله في الناس تجده في اولادك فكيف يما تفعله في أهلك ... لابد أن العقوبة أسرع
  4. @am_khald2011

    سوي شاي وقهوه بدون حلا او خرابيط وعشاء بدون ...هم كذا يبي يفهمون اذا يبون عشاء يجيبون من برا ام زوجي كذا مسويه وعيالها يجتمعون بعد العصر ومع العشاء يمشون واحيان يجتمعوا بعد صلاة الجمعه والغداء كل مره على واحد
  5. المفروض الزوجة هي التي تعين زوجها على بر اهله وليس أخته ، وما أقل الزوجات الصالحات على هذه الأرض!


    حرام أن أستغل وجود أخت لي في البيت لم تتزوج لتقوم بخدمة اولادي واتحجج بالمقابل باسم البر! ما أفظعه من فعل وما أشدها من قسوة وما أعظمها من ظلم.


    أول البر بعد بر أبيك وأمك هي برك بهذه البنت التي بلا قيّم مو أشغلها خدامة لحرمتي وعيالي بحجة أبر أبوي وامي وإلا ماتشوفون وجهي! ... مثل هذا الأخ خسارته ربح، وفقدانه راحة.


    كلامي يخص فئة معينة من الناس .. أتمنى تفهم ردي ..

تابعي تجارب أخرى من هذا القسم.