شاركي في النقاش

سجلي الدخول لإضافة تعليق.

التعليقات

61
  1. @tghrydh_almtr

    مايحتاج سؤال اكيد النظافه احنا مسلمين اجل وش فرقنا عن الكفار !!
    ياشينها شياكه ورفلا ماتركب !!

    اقولك شي وماتزعلين ؟؟
    وش دخلك فالناس كل ينام عالجنب الي يريحه ماهي مسلمه تعرف النظافه من الايمان ؟؟

    بصراحه مالك حق تدقينها بالكلام ولاتدخلين انتي تزورينهن والاتداهمين البيوت ؟؟

    والاهم من ذلك اغتبتيها وطلعت اسرار جيرانك ومعارفك مايجوز الله يصلحك انتي واحنا وش دخلنا نغتابها معك !!


    نصيحه من اخت لك فالله من امنك لاتخونينه دخلوك بيتهم واكرموك والمفروض تكونين ستر وغطا ولاتدخلين مافيه جاهل !!

    اتمنى تتقبلين كلامي بصدر رحب لان فعلا اغتبتيها والله لوهي معنا بالمنتدى وتعرف معرفك قسم بالله ماتقدرين تكلمي حرام عليك قوليه بوجيهم اودعي الخلق الخالق !!

    باب يجيك منه الريح سده واستريح تقرفين منهم لاتروحين لهم !!!
  2. @krrt_afdfd

    شوفي حنا قبيلين وبدو ..... ونهتم بشطارة الحرمه في بيتها...وكمان تهتم بنفسها ..... والحريم بينهم مغاير في الشطارة .... ودايم الام توصي بنتها (الحريم لا يلقون عليك درب) يعني لا يطيح عين حرمه على شي وسخ في بيتك ثم ما تسلمين من شرهن ويطلق عليها (جيده) او (قرنه وتعني بلغت غاية الجيادة في بيتها وممن تتفن في بيتها) يعني اذا مدحوها قالوا فلانه جيده او قرنه في بيتها وهذا اتوقع اقصى المدح لها لك ياويل اللي مهمله في بيتها والله سيرتها تتناقل جيل بعد جيل واعرف من عجزنا وش يقولون عن بعض الحريم واسواء السب هو (دعبوله او دبعه)
    على العموم انا والله شفت حريم جاراتي قلت ما شاء الله عليها الحرمه بس تلق ..... ويوم عزمتني و رحت لبيتها و ربي قمة الوساخة والمصيبه عندها شغالة وربي الجدران معبسه والافياش ...... طيب انت تدخلين بيوت ناس ما تغارين ما تقولين يا فشلتي من الحريم
    اتذكر اخوي وابوي عزمه واحد ضابط في سكن الضباط اخوي وهو داخل ميت من الضحك ويسولف مع ابوي.....وش القصة ...اخوي يقول ابي بس اعرف وش وصل البطيخ للسقف....طبعا اخوي يقول الرجال تفشل يقول العيال الله يهديهم يتحاذفون!!!!!! طيب ليش ما ناديتوا الصيانه يشيلونه اذا ما عندكم سلم و البطيخ له اذا ماهو ايام شهور....هذي القصة مرت عليها سنيين و ما نسيتها من الحالة اللي كان عليها اخوي يقول كل ما جيت اشيل نظري علشان ما احرج الرجال ما ادري وانا اسوف الا اناظر في البطيخ وتصبغاته وقشرته اللي لاصقة في سقف المجلس
  3. @rhoooooba

    اهم شي النظافة  النظافة النظافه وحتى اللبس لما يزورنا احد يكون متواضع مش شياكه 

تابعي تجارب أخرى من هذا القسم.