هلا فيكم كروشات
بنات لا تضحكون علي هذا الحمل الخامس ماشاء الله لكن
هالمره تعبت تعب مو طبيعي من حملت ماصفيت
اول شي الوحم وعلى طول منومه بالمستشفى بعدين جاني نزيف
بعد ين فقر دم وضيقه ضيق تنفس الله لا يوريكم مع الم الكتفين
والترجيع او بالاصح وسواس الترجيع للحين معي
الحامل تزيد كم كيلو وانا العكس انقص الحين وزني 45
من العيد جاني خراج وافلونزا
ومن بعدها على طول احس اني مرهقه لاي مجهود بسيط
والحين احاتي كيف بولد اذا صرت تعبانه ومرهقه وفيني ضيق تنفس اتوقع راح اموت ما راح اقدر اتحمل
دمي 8 والغريبه ادكتوره ماصرفت لي ابر حديد وانا خايفه يجيني نزيف بعد الولاده
حاليا اخذ حبةب فروز ف لانه اخف شي بالنسبه لي واللي تحمله معدتي لكن ما احس دمي يرتفع
واعطتني فيتامينات بس ما احس باي فرق على طول تعبانه ومرهقه
ساعدوني قبل لا يجي شهري ابي ادارك ااامر قبل التاسع ولكم مني احلى الدعوات
اكسبوا فيني اجر
شاركي في النقاش
سجلي الدخول لإضافة تعليق.
التعليقات
42- الله يتتمم لك على خير ويسهل امرك بإذنه كله تساهيل من الله انا ببكري كنت اعاني من ضيق التنفس مو من تعب طبيعتي هذه وصابني هبوط في الضغط وقت الولادة وهو كمان يسبب زياده ضيق النفس وسبحان الله ربي سهلها ولاحسيت فيه وقت الولاده وهده كلها وساوس وخوف لاتفكري ربي يسهل امرك من عنده
(ومن توكل على الله فهو حسبه ) - حبيبتي تعوذي من الشيطان ابد انا كان فقر دم ٧. وحملي متعب جدا ولكن يوم دخلت الثامن انصحتي وحده الله يجزاها خير ب الملوخيه معها فلفل اخضر مطحون. كوب اشربه ب الصباح وكوب بالمساء ماشاء الله تبارك الله ارتفع الدم عندي قبل اولد الئ ١١. ما اخوفك يختي بس والله خايفه عليك الله يحفظك ترئ صحتك مو ملك لك بلحالك اتذكري عندك اطفال بحاجه لك الله يعطيك الصحه والعافية. طمنيني عليك
- وبالنسبة للحديد اطلبيها وشوفي وش تقولك لو انتي في الاشهر الاخيره المفروض تعطيك عشان مايجيك نزيف
- الف الف شكرررر لكم
انا لسا دخلت السابع
والملوخيه كنت اموت فيها لكن توحمت عليها وكرهتها
قالوا لي انقعي الزبيب اليماني واشربيه وكليه بس انا اخذ منقوعه ما احب اكله
والله حدي مرعوبه وتجيني الوساوس لصرت في قمة تعبي
ادعوا لي بتيسير ولادتي ولاقو لي حل
الله يجزاكم الف الف خيررر - اشتري دبس التمر وكليه ع الريق يوميا يرفع الهيموجلوبين ...والزبيب اليمني اشتريه وسويه في الخلاط عصير
مواضيع مشابهة
تابعي تجارب أخرى من هذا القسم.