بنات خايفه تجيني الولاده وانا مرهقه وتعبانه ساعدوني

هلا فيكم كروشات
بنات لا تضحكون علي هذا الحمل الخامس ماشاء الله لكن
هالمره تعبت تعب مو طبيعي من حملت ماصفيت
اول شي الوحم وعلى طول منومه بالمستشفى بعدين جاني نزيف
بعد ين فقر دم وضيقه ضيق تنفس الله لا يوريكم مع الم الكتفين
والترجيع او بالاصح وسواس الترجيع للحين معي 
الحامل تزيد كم كيلو وانا العكس انقص الحين وزني 45
من العيد جاني خراج وافلونزا
ومن بعدها على طول احس اني مرهقه لاي مجهود بسيط
والحين احاتي كيف بولد اذا صرت تعبانه ومرهقه وفيني ضيق تنفس اتوقع راح اموت ما راح اقدر اتحمل
دمي 8 والغريبه ادكتوره ماصرفت لي ابر حديد وانا خايفه يجيني نزيف بعد الولاده
حاليا اخذ حبةب فروز ف لانه اخف شي بالنسبه لي واللي تحمله معدتي لكن ما احس دمي يرتفع
واعطتني فيتامينات بس ما احس باي فرق على طول تعبانه ومرهقه
ساعدوني قبل لا يجي شهري ابي ادارك ااامر قبل التاسع ولكم مني احلى الدعوات 
اكسبوا فيني اجر

42 تعليق 8,871 مشاهدة

شاركي في النقاش

سجلي الدخول لإضافة تعليق.

التعليقات

42
  1. @ayman_67

    الله يتتمم لك على خير ويسهل امرك بإذنه كله تساهيل من الله انا ببكري كنت اعاني من ضيق التنفس مو من تعب طبيعتي هذه وصابني هبوط في الضغط وقت الولادة وهو كمان يسبب زياده ضيق النفس وسبحان الله ربي سهلها ولاحسيت فيه وقت الولاده وهده كلها وساوس وخوف لاتفكري ربي يسهل امرك من عنده 
    (ومن توكل على الله فهو حسبه )
  2. حبيبتي تعوذي من الشيطان ابد انا كان فقر دم ٧. وحملي متعب جدا ولكن يوم دخلت الثامن انصحتي وحده الله يجزاها خير ب الملوخيه معها فلفل اخضر مطحون. كوب اشربه ب الصباح وكوب بالمساء ماشاء الله تبارك الله ارتفع الدم عندي قبل اولد الئ ١١. ما اخوفك يختي بس والله خايفه عليك الله يحفظك ترئ صحتك مو ملك لك بلحالك اتذكري عندك اطفال بحاجه لك الله يعطيك الصحه والعافية. طمنيني عليك
  3. @ayman_67

    وبالنسبة للحديد اطلبيها وشوفي وش تقولك لو انتي في الاشهر الاخيره المفروض تعطيك عشان مايجيك نزيف 
  4. @tohan

    صاحبة الموضوع
    الف الف شكرررر لكم
    انا لسا دخلت السابع
    والملوخيه كنت اموت فيها لكن توحمت عليها وكرهتها
    قالوا لي انقعي الزبيب اليماني واشربيه وكليه بس انا اخذ منقوعه ما احب اكله
    والله حدي مرعوبه وتجيني الوساوس لصرت في قمة تعبي
    ادعوا لي بتيسير ولادتي ولاقو لي حل
    الله يجزاكم الف الف خيررر

تابعي تجارب أخرى من هذا القسم.