بعد زواجك ،،، هل ما زالت أمك تتحكم فيك ،، تعالي شورو علي

هو صح ان انا اعلمها بالمشاكل اللي تصير لي مع اهل زوجي ،،،

لكن في بعض القرارات مافي داعي ان انا اعلمها ،،،

لانها واضحه ،، مثلا انتقلنا لمكان سكن جديد اذا المكان ما عجبها على طول الله يحفظها تتدخل و تحاول تغير راينا ،،،

اذا مثلا قرر زوجي يسوي شي واضح و علني للكل امي بعد تتدخل اذا تلاحظ انه قرار مو صائب ،،،

يعني في اشياء مو لازم انا اعلمها هي واضحه وامي تتدخل ،،،

والفتره الاخيرة صارت متدخله فموضوع و للحين خاصمتني لاننا ما سمعنا كلامها ،،،،

وانا فحيرة مو عارفة ايش اسوي ،،،

ابي زوجي ابي عيالي ابي حياتي ،،، بس بدون زعل امي ،،،

ابيها تفهم انو خلاص انا صرت تحت حكم زوج ،،، يسيرني يأمرني ينهيني ،،، مو صرت حرة نفسي

بس امي والله كلمتها و فهمتها بس هي مصره على رأيها ،،،،

لدرجة اني علمتها تدخلها هذا و مخاصمها لي راح يأدي لخراب بيتي ،، تقول لا تحاتين زوجك يهدد بس ما عليك منه ما راح يعمل شي ،،،

المشكله اني لا خاصمتني اجلس ابكي و طول الوقت زعلانه و حزينه ،،، و زوجي تعب من هالحال

ويقولي تريدين امك تمشي حياتك روح لها ،،،

انا بين نارين

طيب انتي ليه كل كبيره وصغيره تقولين لها شي طبيعي اي ام بمكانها بتسوي مثلها اهل زوج بنتي ضروها بروح لهم اخانقهم زوجها طول لسانه عليها بروح له انتي الله يهديك سوي كل شي بالسر والكتمان مو شرط تعلمينها كل شي وبعدين تقولي سوت وراح وماادري ايش لا تعلمينها شي من بيقول لها مثلا خلاص واذا تدخلت بامور حياتك انتي وزوجك قولي لها زوجي يبي يمشي رايه او بيتخانق معاااي وخلااااص

انا كنت احكي لها لاني اشكي لها ،،،

ما عندي حد تاني اشكي له ،،،

وانا ما ارد على اهل زوجي فهي تشوف اني خوافه وراح يركبو على راسي ،،،

بس هاللحين خلاص انا ما عاد احكيلها ،،،

لكن انا اتكلم عن القرارات الثانية اللي نتخذها بحياتنا وهي تحاول تمشي كلمتها ،،، ايش العمل


بنات تفاعلو معاي ارجوكم

الله يعينا جميييييعاً

شوفي حاولي ماتعلمي زوجك عن موقف امك علشان ماياخذ عنك فكره ان مالك شخصيه وثاني شي مثل ماقالو الاخوات امك ماتعلمينها بشي يخصكم مهما كان وثالث شي انتي تقولي تدخل في الاشياء الي مامكن تتخبى انا بعطيك رائي مثلا نقل البيت لاتعلمينها حتى تنقلو او اي شي ثاني حاولي ماتعلمينها حتى يتم الموضوع واذا حاولت تدخل قولي كل شي صار بسرعه واي شي تبغى تدخل فيه يخص حياتك مع زوجك قولي والله يمه الموضوع بيد فلان يعني زوجك وانا مالي دخل ان شاءالله اكون افدك