ضايقه بي الدنيا وش الحل

السلام عليكم 
انا يااخواتي على وجه ولاده وبغربه محد بيجيني غير جاراتي يعني اهلي ماراح يجون انا نفسي اغير المجلس الي راح استقبل فيه الحريم بعد الولاده لانه قديم ومو حلو وكرهته بالحمل الحين زوجي راااااافض حاولت كل الطرق مو راضي ونفسيتي تعبت واحراج اذا جوني جاراتي احس اني منحاسه مخنوقه مدري وش اسوي اكلم خواتي  واشكيلهم يقولون تبالغين لو انتو مكاني وش بتسون وهل انا ابالغ وبصراحه ماكلم زوجي لي اسبوع مقهوره.

9 تعليق 2,100 مشاهدة

شاركي في النقاش

سجلي الدخول لإضافة تعليق.

التعليقات

9
  1. @pink_fo0ofo0o

    وعليكم السﻻم


    يابنت الحﻻل انتي ع وجه وﻻدة ترى موزين النفسية عليك.. وهم صادقين خواتك تبالغين يعني جاراتك شايفين عفشك ويزورونك باستمرار


    جية هالنفاس هي اللي بتقلب لموازين يعني


    المهم النظافة دوريلك شغالة تساعدك ياتمرك كل يومين كم ساعة تنظف او تاخذين بالشهر


    وجهزي ظيافة تطول من قبل زي الموالح والتمريات..


    ادعي ربك يطلعكم بالسﻻمة وتتسهل وﻻدتك ان شاءالله
  2. @shr33

    صاحبة الموضوع
    الله يجزاك خير على ردك
    طيب كيف اغير من حالي يعني نفسيتي وشلون تصير زينه من جد تعبانه ومنحاسه يعني المجلس قدييييم ويفشل وشغاله الله يخلف مالقيت وانا بالنفاس الله اعلم كيف النفسيه راح تكون.  اول وامي عندي نفسيتي دمار وشلون الحين؟ وهي من كل الجهات مسكره المشكله زوجي ماني قادره اضحك بوجهه ماطيقه اقول ليه انا على وجه ولاده ليه مايسوي الي نفسي فيه كلها مساند وفرشه مايبي لها مقهوره
  3. @ahl_aarosh_2

    أستغفري وأدعي لاتكلمين زوجك ..في اللي أكبر وأوقوى وأقدر منه ربك
    أشكي له حالك أستغفري وأدعي صدقيني ان كان لك فيه خير تغير المجلس ربي بييسرها لك من أسهل الطرق وقلي م قلت م تدرين يمكن هو صحيح رفض لاكن خيره لك من رب السموات والأرض أمكن يعطونك عين مدلعها و وو وكلام الحريم اللي مايخلص بس أدعي وأذا لك خير بيجي باأذن الله ..لو أوقلك على أشياء بكيت زمان عشانها لليل وأخر شي سبحان الله طلع خير لي 
  4. @amp_am_anosy_amp

    يارب يسخره لك
    حاولي قلبي تتأقلمي وترجعي لطبيعتك وترجعي شعورك في زوجك
    حكمي عقلك
    لو صحيح قديم و مايصلح للاستقبال ماكان رأي اخواتك انه تبالغي
    وهو لو شايف انه بيحتاج تغيير بإذن الله ما راح يقصر
    تقولي كلها مساند و فرشة صح كلها كذا
    لكن الأهم عند زوجك كم بتكلف اقل شيء 5000
    زيدي عليها مصاريف الولادة و مصاريف المولود
    و تقديم الجارات و اكلك الخاص بالنفاس
    حبيبتي الرجل يحسبها بالريال
    اولدي و ارتاحي و المصاريف تقل و تتعدل الميزانيه كم شهر
    ويغيرلك المسألة يبغالها تنظيم وترتيب و خصوصاً اذا كان الراتب قليل و البيت ايجار
    قدري موقفه قلبي الجارات ما بينفعونك قدر نفع زوجك و رضاه عنك
    الله يسخره لك اطلبي مره ثانيه منه بحب و مودة ما وافق ارضي واصبري
    فبعد الصبر يتحقق المستحيل
    الله يتمم عليك وانت بصحة و عافية

تابعي تجارب أخرى من هذا القسم.