كنتي بكرب ودعيتي الله وتأخرت اجابتك وبدى اليأس يتسلل ثم فاجئك الكريم برحمته <<قصصكم

القصص كثيرة
بس والله كل القصص مع الدعاء قصص سعيدة

منقول

اول قصة اني تعرفت علي شاب وكان انسان طيب ويخاف الله وجاء ليخطبني ولكن امه كانت ليست موافقة لسبب انها كانت تريد ان تجوزه وحدة من اختيارها هي وقالت له انا لست موافقة وغدا سوف اخطب لك الفتاة الفلانية وهو كان يريدني ولكن في نفس الوقت يريد رضا امه وغاب عني فترة وبعدها اتصل بي وقال لي شوفي نصيبك يابنت الناس امي خطبت لي فتاة اخري فأنهارت ولجات الي ربي وبعدها انفسخت الخطوبة وخطبت له امه ثاني وتالث ورابع وفي الخامسة قرأو الفاتحة وحددو الفرح بعد 3 اشهر وانا ادعو ربي في قيام الليل كل يوم لمدة 3 اشهر واقول له ياربي انا لااريد سواه وكنت دائما اصلي صلاة استخارة وقارب وقت الفرح وكنت ابكي بشدة كيف يكون لغيري وقلت ياربي لو كان فيه خير اكتبه من نصيبي وكان طوال هذه الفترة يكلمني ويقول حتي لو تجوزت سوف اتجوزكي انتي كمان ولكن دون علم امي وبقي علي الفرح اسبوع واحد فقط وحجزو في الصالة وكنت دائما ابكي من كثر مابدعي ربنا قريب ماوصلت الي السماء واقول يارب ان عندي يقين انك سوف تعطيني وكنت استغفر في اليوم 1000مرة وكانت المفجأة عندما اتصل بي وقال لي امي تريد ان تخطبك انتي ولم اصدق ماذا يقول وقال ان امي قالت لي ان هذه الفتاة لم تفارق خيالي تقصد عليا انا وانا اشعر بذنب اني لم اوافق عليها وبدلا من ان يكون فرح الفتاة الاخري كان فرحي انا علي نفس هذا الشاب ولم يتغير موعد الفرح وجهزت نفسي للفرح في اسبوع واحد فقط وان دال هذا علي شئ دل علي قدرة الله عز وجل وانا اعرف اني كلامي ليس مرتب ولكن اريد ان اقول ان اليقين الشديد بالله والاستغفار ربي يفتح به اشياء كثير كانت مغلقة وانا الان زوجة هذا الشاب وهو اغلي مافي حياتي بعد الله والرسول صلي الله عليه وسلم

منقول









السلام عليكم ورحمه الله وبركاته




ردو السلام متنسوش يا فتوكات




اللهم صل وسلم وبارك على سيدنا محمد صل الله عليه وسلم








من كام يوم كتبتلكم اني بطلب منكم الدعاء لاني سبت خطيبي بعد خطوبه 4 سنين




وكنت بموت وفضلتو تهدوني ودعتولي بجد ربنا يخليكم ويكرمكم




في اليوم ده كنت بقلب في مواضيع القسم هنا لاقيت موضوع لعضوه




ربنا يكرمها يااارب بتتكلم عن المناجاه والاستغفار بنيه معينه




المهم انا عمري ما جربت المناجاه جيت بالليل صليت قيام الليل




وفضلت استغفر ربنا كتيييييييييييييييير واقول يارب انا ماليش غيرك




قولت يارب انت قادر تغير الاحوال يارب انا واثقه انك قادر على كل شيئ




ياااارب انا ماليش غيرك فرج همي وفضلت ادعي واستغفر لغايه اذان الفجر




صليت الفجر وفضلت اتكلم مع ربنا كتيييير وقلتلو ياارب انهارده ميعديش غير وانا لابسه




دبلتي تاني




والله بكلم ربنا وبحس بارتياح محستوش طووول عمري




اتكلمت مع ربنا كتيييييييير وفعلا مفيش انسان في الدنيا هيريحك مهما اتكلمت معاه




بجد لو في نفسنا حاجه او احنا في كرب مفيش غير ربنا هو اللي هيقف معانا




والحمد لله فعلا اليوم معداش غير وكل حاجه اتصلحت مره وحده صحيت من النوم لاقيت 




عمي بيتصل بيا




بيقولي خطيبك جه عندي واعتذر وعايز يجي يعتذرلك 




ربنا كبير اوووووووي








ياريت لو عجبكم موضوعي متنسوش تقيمو




وتدعولي ربنا يكمل فرحتي على خير 








بحبكم في الله 

منقول










كتير مننا بتحصله حاجات في حياته يقول انا ليه بيحصلي كده حد يغدر بيه او يتظلم او يفشل او يحصله اي بلاء او حاجة تزعله
لاننا بنكون مش عارفين حكمة ربنا ممكن نقول ليه بيحصلي كده او نيأس او نتشائم 
لكن لما نعرف ان ربنا مش خالقنا يعذبنا وانه بيدبر لنا الامر بنرتاح ونصبر ونستنى فرج الله 




هم قصتين شبه بعض اوي بس حصلوا ادامي




الاولى




واحدة صاحبتي مامتها ماتت وهي صغيرة وكانت بتحب قريب ليها اتربوا مع بعض من صغرهم بحكم ان مامته هي اللي ربتها بعد موت مامتها وكانت بالنسبة لها امها الحقيقية
استنته كتير لما وقف على رجله وبقى ينفع يتقدملها
ولما جه الوقت اللي هيتقدملها فيه راحوا لكن المفاجأه




مامته دي عارضت وشتمتها 
واصرت انها تجوزه غيرها وجوزته فعلا في شهر 




الوجع هنا كذا وجع
اللي حبيته طول عمرها ضاع منها واتخل عنها
وامها اللي ربتها خذلتها اوي
وسنها كان كبر كمان
لما حصل كده اتأزمت فترة طبعا 




عايزة كل واحدة بتقرا الموضوع تحط نفسها مكانها 




اكيد شايفة الدنيا وحشة اوي مدمرة نفسيا يمكن قالت ليه يارب عملت فيا كده انا مستاهلش (هي فعلا طيبه اوي اوي) 
قعدت فترة طويلة تعبانه اوي الصدمة شديدة والكرب شديد
شافته بيتجوز ادامها غيرها 




لكن بعدها اتخطبت لواحد كويس اوي
وبدأت تهدا وتعيش حياتها




المفاجأة بقى




وهنا هيبان تدبير ربنا




قريبها بعد ما خلف اول بيبي ليه مات 




تيجي نبص على الحالة دلوقتي




هي تعبت فترةمن عمرها لكن اتجوزت واحد حبته ونسيت ابن خالتها لانها شافت انه خذلها وعايشة سعيدة 








لكن لو قريبها كمل معاها




كانت مش هتتعب الشوية الصغيرين دول لكن كانت هتفضل طول عمرها تعبانه
كانت هتبقى ارمله ومعاها بنت في اول حياتها وعمرها ما كانت هتفكر في غيره وقتها لانه حبيبها
وكانت هتشوف في بنتها اليتم اللي هي اتعرضتله




شوفتي ربنا دبرلها الامر ازاي




خلاها كرهته وبعدت عنه علشان لما يموت تكمل حياتها كويس
















القصة التانية شبهها اوي








لمشرفة كانت معايا في المدرسة
كانت متجوزة واحد بتحبه اوي ومرت سنين ومش خلفوا
واصر يتجوز اترجته تفضل معاه طلقها
برضو انهارت نفسيا 
بجد شوفتها مش عرفتها من الدمار النفسي اللي كانت فيه
لكن بعدها اتخطبت
انقطعت اخبارهم عني بعدها
بعد كام سنه صدفة بحته




لقيت ماما بتحكيلي حكاية واحد كان متجوز مدرسة اسمها كذا في المدرسة اللي كنت بشتغل فيها
وانه طلقها واتجوز وخلف لكن بعد ما خلف 




جاله سرطان ومات




نفس القصة تقريبا
لو مات وهي مراته كانت مش هتستحمل ولا هتشوف غيره لانها كانت بتحبه حب غريب
لكن برضو مات بعد ما خانها وسابها
وهي عاشت بعده حياه احسن
















الفكرة في كل ده
ان اي كسرة او زعل او حاجة احنا بنشوفها وحشة بتحصلنا
بيكون وراها تدبير الهي فيه كل خير
المهم اننا نستغل فترة البلاء بحسن الظن بالله ان اللي حصل خير واللي جاي خير وناخد اجر الصبر

منقووول و رائعه القصة :) والاسلوب :)





السلام عليكم و رحمة الله و بركاته 




ردى السلام يا فتوكة منك ليها احنا فى ايام عظيمة بنحاول نلم حسنات على اد ما نقدر :




اولا كده كل سنة و انتوا طيبين بمناسبة العيد و يا رب العيد اللى جاى يكون حال بلدنا احسن من كده




المهم مطولش عليكوا 




انا كنت بفكر دايما فى موضوع الدعاء ده , و دايما طبعا بقرأ تجاربكوا فيه و بلاقى ناس كويسة جدا و بتقيم الليل ما شاء الله عليها 
و مع ذلك دعائها مش بيستجاب خالص 








و يجوا هنا يعدوا يحكلنا و يقولولنا بقالى كام سنة بدعى ربنا و مفيش فايدة , هما بيقولوا كده من زعلهم طبعا
بس طبعا شوشو (ده الاسم الحركى للشيطان ) مش بيسيبنا فى حالنا و ما بيصدق يلاقى مدخل يدخلنا منه 
و نكون احنا طبعا بنحاول نحسن من علاقتنا بربنا و احنا واثقين ان حياتنا كلها هتبقى احسن 
يقوم شوشو يقولنا طب ماهما بقالهم سنين و حياتهم اهى شوفى عاملة ازاى , انتى فاكرة انك لما تقربى لربنا حياتك هتبقى احسن ولا دعائك هيستجاب , لأ دنتى هتفضلى زى مانتى .. مفيش امل ...مفيش امل 




بيحصلنا ولا لأ ؟؟ لما بتقرأى مواضيع كده بيحصلك ده ولا لأ ؟؟ بتيأسى مش كده ؟؟ لأ بقى احنا مش هنيأس تانى 
احنا هنمسك شوشو الزفت ده
و نستعيذ بالله منه لحد اما يبقى عامل كده 




و نفكر كده براحه كده بعد اما طفشنا شوشو و استريحنا من زنه على ودانا تفتكرى ليه الناس دى اليأس تملك منها للدرجادى ؟؟ طب تفتكرى ليه ربنا مستجابش لدعواتهم 








الموقف ده حصل معايا و رجعنى بالزمن بقى لكام سنة ورا كده 




تعالوا وراياا
.
.
.
.
.
.












ايووووووووووووووون هناااااا




ايام المدرسة و هنااا اخص بالذكر ايااام اعدادى و ثانوى 
مدرستى كانت مشتركة من الكيندر لثانوى 
و طبعا ده كان كفيل انه يخلى شوشو يبعد عنى و يحط فى بطنة بطيخة صيفى 
اصل فى كتيييييييييييييييييييييير اوى يقدروا يقوموا بالمهمة دى من غير وجودة
و انا عيلتى مدينى حرية شوية 
فطبعا كانت كل حياااتى 
اروح المدرسة اقعد مع زمايلى , طبعا شلتنا بتتكون من بنات و صبيان على حد سواء 
و طبعا بنتحجج بكلمة "زى اخواتى " و نبرر بيها حاجات كتير اوى 
نخرج مع بعض عااااااااااادى 
نتقابل بره عاااااااااادى 
بنتكلم طول الليل و النهار عالنت و الموبايل عااااااااادى 
نسلم على بعض بالايييد و نهزر بالايد برضه عااااادى 
البنت دى مصاحبه الولد ده مبروووووووووووووك عقبالكوا ان شاء الله
طبعااا عاااادى و غيره كتيير 
بس انا مكنتش بصاحب عشان انا كنت من البنات المحترميين فى المدرسة اللى بيقولوا علينا عسكرى 
طبعا ليكوا حق تضحكوا كللل ده و عسكرى !! اه و الله زمبئولوكوا كده 




المهم انا برغم كل الذنوووووووب دى و برغم البعد ده كله عن ربنا ,, ماهو طبعا مع ده كله مبنركعهااااااش 
انا ثقتى و ايمانى بربنا كانت لا حدود لها 
يقينى بالله كان غير عادى , مكنتش بتكلم مع حد فى كده بس انا فعلا جوايا كنت واثقة و متقينة من ربنا بطريقة رهييييييييبة 
كنت لما اعوز حاجة و الله زى ما بقولكوا كده 
كنت بصلى ركعتين - و متسألونيش ركعتين ايه لأن انا كنت بعتبرهم شكر لأنى مكنتش بصلى اصلا فممكن تعتبروهم اى حاجة -
و اقول لربنا الدعوة اللى نفسى فيها فى السجود و انا واثقة مليوووون فى المية انها هتتحقق 
و اخلص صلاة و مش بدعيها تانى مهما كان نفسى فيها 
مش بعند فى نفسى مثلا و اقول لأ كفايا مرة 
لأ انا فعلا جوايا مش ببقى حاسة انى عايزة ادعى تانى , ادعى تانى ليه و انا قلت لربنا ؟؟ ادعى تانى ليه و انا قلت للقادر و هو خلاص هينفذهالى
و والله الذى لا اله الا هو كانت بتتحقق 




انا مش عاوزة ان انا احكى عن الدعاوى عشان هى شخصية بس هقول واحدة طفولية كده 




كنت وقتها فى سنة تانية ابتدائى طفلة و كنت جديدة فى المدرسة دى 
و كنت انا شاطرة و ماما كان نفسها ان انا اطلع الاولى عالمدرسة لأن لما مشيت من المدرسة التانية معرفناش طلعت الكام 
و كانت دايما دايما تقولى انا نفسى انك تبقى الاولى عالمدرسة 
طبعا انا كنت عيلة  
و كنت فاكرة ان الاولى عالمدرسة دى يعنى على كل الدفعات الت مرت فى تاريخ هذه المدرسة و على كل السنين فى نفس ذات الوقت 
(ذكاء خاررق )
فجيت فمرة بعد التيرم التانى و النتيجة لسه مطلعتش و ماما كانت قايلالى ان الاوائل بتطلع قبل النتيجة 
و كانت الدراسة بدأت 
فوانا قاعدة فى المدرسة كدهون فكرت قولت طب و انا ليه مضحكش على ماما و اقولها انى الاولى على "سنة تانيات " بس 
هقولها انى الاولى على "سنة تانيات " بس و هى اكيد مش هتعرف انى بكذب لأنى مقولتلهاش انى الاولى عالمدرسة و الاوائل عالمدرسة بس اللى بيتعرفوااا (تبا كم انا عبقرية   )
المهم ان النتيجة اصلا مبانتش ولا حتى كنت اعرف انا ممكن اجيب كام بس انا بتفكيرى الطفولى قولت اقول لماما كده و خلاص عشان هى تفرح و تبقى مبسوطة عشان انا بحبها تكون مبسوطة 




و جهزت نفسى طبعا , و لما جت تاخدنى المدرسة قولتلها هقولك على حاجة لما نروح - طبعا مقولتلهاش قدام صحابى دول هبل و هيفضحونا - 
و لما روحت قلتلها ماما انا طلعت الاولى على "سنة تانيات  " و راحت هى فرحت و قعدت تعيط و قامت سابت اللى فى ايديها و صلت ركعتين شكر و انا طبعا منشكحة 
و لما خلصت بقا الاقيها ابتدت تسأل اسئلة مش ولا بد 
هتتكرموا امتى , و مين تانى اوائل عالمدرسة و كلام غريب كده 
قلتلها لا يا ماما دنا الاولى على سنة تانيات بس  قالتلى ماهى الاولى على سنة تانيات يعنى عالمدرسة 
ياللصاعقة !!




دانا كده هتفضح !!!




قمت جريت قوام و اتوضيت و لبست خمار ماما بتاع الصلاة - اللى طبعا كان بيبقى عليا ملحفة  - ماما قالتلى هتعملى ايه يا حبيبتى - انا طبعا عايزة ابعد عنى الشبهات - قلتلها هصلى ركعتين شكر انا كمان يا ماما 
و د:ى كانت اول مرة ادعى ربنا , قلتله يا رب انا مش عايزة ماما تزعل منى , هى فرحانة عشان انا طلعت الاولى , يارب خلينى الاولى
هتصدقونى لو قلتلكوا ان انا كنت على الرغم من كونى طفلة عندى يقين بربنا اكتر من دلوقتى ! 




و خلصت صلاة و عملت الواجب و دخلت نمت و انا مستنية بكره بفارغ الصبر عشان اسأل عن الاوائل فى المدرسة 
رحت الفصل و قعدت مكانى عادى و عدت الحصة الاولى
دت الحصة التانية و هى الحصة شغالة و ميس الانجلش بتشرح دخلت الميس مشرفة الفصل و راحت قالت مرة واحدة (اسمى) قومى اقفى 




طبعا انا وشى جاااب الاوااااااااااان 
مفيش غيرهااا هى ماما اكيد جت قالتلهم بنتى قالتلى انها الاولى و اتخانقت معاهم لما قالولها لأ 
و الاقيها بتقول باركوا لزميلتكوا يا اولاد لأنها طلعت الاولى عالمدرسة 
بعد الخضة دى يا شيخة 
طبعا انا كنت هطير من الفرحة و كان نفسى اجرى على ماما اقولها ربنا عمل ايه ليا بس طبعا مرضتش عشان متكشفش 








يمكن دى حاجة بسيطة بس دى مرة من مرات كتييير اوى بدعى ربنا فيها و انا متيقنة 
و عمر ما ربنا خذلنى فى دعوة وااااحدة بيقين
اه والله عمرى ما دعيته و خذلنىىى فى ولا دعوة هما كانت بعيدة و الله لأنى كان عندى على الرغم من كل المعاصى كان عندى شئ اسمه 




اليقين بالله 
يمكن بيحصل فتور اوقات 
و انا عارفة و الله انا حصل معايا كده و يقينى بالله قل شوية بقاله فترة بس باذن الله هيرجع تانى احسن من الاول 
بس لازم دايما نفكر نفسنا 
ربنا قال انا عند ظن عبدى بى 
يعنى متبقاش بتعمل خير ما شاء الله و تقيمى ليل و و و ميبقاش عندك يقين فى ربنا !
مش معقول 
لازم يككون عندك يقين ان ربنا هيستجيبلك 
مش تعدى تدعيه و انتى مش واثقة فى قدرته 
طب قوليلى ربنا العظيم الجبار مالك الملك لما يشوف نيتك و انتى بتدعى و انتى مش واثقة فى الاجابة 
هيجيب دعوتك ازاااى !!
انتى عارفة احنا البشر العباد لما حد يقولك حاجة و هو مستهون بقدراتك مش بتضرى تعمليها لأنه محترمكيش و اهانك !!
ما بالك بــ الله
إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ








فى نقطة اخيرة عايزة اتكلم فيها قبل مامشى 
ان لما بتربطى حياتك بربنا عمرك ما هتكونى خسرانة 
لما تتدينى و الله عمرك ما هتخسرى , و عدم الرضا اللى بشوفة عند بعض الناس ده اعذرونى انى اقول لو الايمان واصل لقلبكم عمركوا ما هتقولوا كده لأن مستحيل حد يضايق و ربنا معاه , مستحيل حد يضايق و الله بيحبه !! ازااى 
راجعى نفسك و استحضرى نيتك , ياترى انتى لما بتقيمى الليل و تدعى بتقميه عشان ربنا 
ولا بتقميه بس عشان دعائك الدنيوى يستجاب 
ربنا وحده اللى يعلم مين فيها افضل من التانى بايمانه 
و انا والله مش بتوقع نية حد او بقول قصده كذا 
انا بس عايزاكى تفتكرى قبل ما تعملى اى حاجة ان الاعمال بالنيات و لكل امرئ ما نوى 
لأن انا متأكدة ان اللى مع ربنا مستحيل يخسر لأن ربنا حتى لو بفرض منع عنك حاجة لأنها شر ليكى هيرضيكى و يفرحك باللى كتبه ليكى لأن فيه الخير و هيرزقك الكنز اللى اسمه القناعة و ساعتها عمرك ما هتشتكى 
ربنا عمره ما بيعملنا حاجة وحشة 




جددوا النية قبل اى عمل 
و انا بجدد النية و ربنا يعلم انى نيتى من كتابة الموضوع ده ان يمكن و لو واحدة تقدر تسفيد منى و ربنا يكتبهالى فى ميزان حسناتى 




اه و متنسوش تدعوا ان ماما متشفش الموضوع لحسن انا مقلتلهاش على حكاية تانية ابتدائى دى لحد دلوقتى 




استودعكم الله ^_^