الناس كرهتني بفقر زوجي وبقولكم كيف عايشه انا وزوجي>>استوفي الردود

شوفي حبيبتي ،،

انتي الحين لا تطبخين ،، لان اكيد على ظروفك هذي مامعك حق مواد الطبخ

شوفي لك شغله خارجيه مؤقته لو شهرين ،، واجمعي فلوسك

وبعدها ابدي طبخ بالبيت ،،

وطريقه توزيع رقمك بتكون انك تطبعين ورقه بالطبخات اللي راح تسوينها ،، واكتبي رقمك تحتها ،، وسعر كل طبخه جنبها ،، وخلي اسعارك معقوله عشان يجيك زباين ،،

طبعا مع شروطك بالطبخ ،، بأن الدفع يكون مقدم ،، والدين ممنوع

واطبعيها كميه كبيره ،، ووزعيها بالمدارس القريبه من حيكم ،، وحطي بالمحلات وخليهم يوزعونها

وشوري عليك ،، طلعي شريحه مستقله للطلبات ،، اريح لك

والله بدخلين ذهب اذا صبرتي ،، اعرف وحده تطبخ واعرفها معرفه جدا قريبه وخاصه

بالشهر ادخل ٢٠ الف ،،

خليه يشتغل سايق تاكسي عند أي احد ويطلع له مدخول وظيفه ثانيه وانتي اشتري لك بياعه ( ب 100 ريال حلويات للبزارين بطاطس ربيان ودوري الي فيها فايده مثل عصير دندرمه وبيعي وقولي لجاراتك انا عندي بياعه للبيزارين بيجونك البزارين وبتطلعين لك شيء على الاقل ..

حبيبتي الفقر مايعيب ياما فقراء وأغناهم الله من فضله اتركي عنك الشكايه وادعي ربي العالمين يرزقك من اوسع الابوااب وماهو لازم توجبين احد اعتذري ولاتنتظرين من الناس رحمه اهلك مارحموك تبغين الناس يرحمونك ...
وزوجك مسكين ماقدر يلحق اي شي والله والله ان فيه ناس مقتدرين مايجيب لبيته لقمه يأكلونها ولا لبسه لعيالهم اتقي الله يجعل لك مخرجا .. والحرمه تصبر على فقر وعلى مرض لانه شي موبيد الانسان مدام زوجك زين وتعامله زين واخلاقه زين وش تبين اصبرررري وضحي وربك بيفرجها احتسبيها عند رب العالمين
اسأل الله أن يفرجها عليك ويرزقك بنعيم ملى السموات والارض والله يرزقك الصبر والقناعه

السلام عليكم
اختي الغاليه اوصيك اولاً بكثرة الاستغفار 
وثانيا انا اعرف بنات من اقاربنا راحوا لمصنع سنابل السلام في حي النسيم وتوظفوا عندهم بلف ورق العنب فقط كل المصنع حريم في حريم والراتب 3 ألالف ريال وباص خاص بالمصنع ياخذك من بيتك ويرجعك بيتك 
ثالثا روحي المشاغل القريبه منك وتوظفي فيها يعطوك اقل راتب 3000 ريال لان في قرار من السنه الي راحت ان السعودي ما يقل راتبه عن3000 ريال انت عارفه بعد المهله طلعوا كثير من المشاغل وانا اعرف مشغل راويه بحي الخنشليله محتاج موظفات سعوديات براتب 3000 ريال وتوظفوا فيه بنات من جماعتنا

اوه نسيت اقول لك دوام مصنع سنابل السلام من الساعه 6 الصبح الى الساعه 1 الظهر