اخت زوجي ومرت حماي صايرات حزب علي

السلام عليكم اخواتي الغاليات اشكركم علي ردودكم وبعض الاخوات الله يهديهن يقولن اني مهوسه ماركات لا ابد انا البس من ابو عشره ريال من الماركه مايفرق معي اهم شي يعجبني وسوالفنا مهي دايم عن الماركات ابدا لكن صدفه تطرقو لهذا الموضوع الزبده من الحكي الحريم لي اثنيت علي كلامهم وشافني معاهن وبصفهن قالن يع يع يع وان خالفت كلامهم مايعجبهن في الحالتين الحريم مو طايقاتني بس شغلهم الشاغل يبون يستدرجوني في الكلام بس انا اللي مستغربته ليه هالهجوم علي حتي يوم جلست اخت زوجي صبت شاي وخلته علي الصينيه ولا قدمته لي وجالسه جنبي ولا تطالع في وجهي!!! وانا في ولادتها جايبه لها ورد + كاكاو باتشي + اعطيتها مبلغ وقدره ؟؟؟؟؟؟ ليه تكرهني ماني عارفه / 
البنات اللي يقولو لي لا تقعدي معهم اقعدي مع زوجك انا انزل اسلم علي ام زوجي بطلب من زوجي انا ماقطيت وجهي ابد عندهن!! ومجبره اجابلهم طاعه لزوجي ، انا اللي مستنكرته اسلوبهن معي احس شغلهم الشاغل انا مدري شيبن فيني ! 
انا انسانه اجتماعيه ولي احد سولف معي علي طول اتجاوب معه واسولف علي نيتي وهالحريم نيتهن شينه والله اعلم ابغي حل فقط لاغير 

تكلمي باشياء غير الماركات والسوق

تكلمي باشياء زي الربيع العربي الثورات اسرائيل الاوضاع بمصر الخ

ترى احتقر اللي كل ماتشتري لها روج ماركه معينه والا كحل تروح تعلم كل من تصادف بطريقها ..نفس اسلوب احلام بعرب ايدول كل يوم منزله بصحيفه والا مجله انها اشترت حلق بمليونين وفستان بمليون وخاتم مدري بكم

اشتري اللي يعجبك والبسي بدون تفاصيل مالها داعي

عادي قللي حكي وبيملون منكي ... 

خليك رسمية لا تحاولي كسب صداقتهم أبدا لين يتعافوا من الحسد والحقد سلمي على عمتك وخذي علومها واتقهوي معها وسولفي وارجعي وهم خليك عاادية جداً ماكانهم موجودات أو ماكان بينكم كيد خصوصا قدام أم زوجك وزوجك انتبهي للكلام هذا

الله يعينك ذلي راعيات مزايدات وكلام وخرابيط