اكثر موقف حسيتي فيه كم زوجك بيحبك وتاثرتي فيه

اولاً أشكرك عالموضوع الأكثر من رائع
وهي وربي مواقف كثيره ماشاء الله  الله لايحرمني منه ولا يغير علينا. منها لما يتذكر تعبي معه ومع العيال ولما يحاول بيض وجهي بالمناسبات وبقول واحد من الموقف  واحد انه لما شرينا البيت حنا واهله واخوانه قلت انا ابي الشقه العلويه قال انا ما ابغاها بس عشانك بخذها حتى قالها لاخوانه وثانيا قال لو وحده من سلفاتك ضايقتك بشي قولي لي والله لاوقفهم عند حدهم كل شي الا انت يارب لا تحرمني منه والله كلاماته حسستني بحبه

ذكرتيني ام يزودي حبيبي الله يذكرك بالشهاده يوم جاني شد غضلي في قدمي وشالني رغم ان وزني كان ثقيل حتى وجهه تغير ووداني غرفة النوم وغطاني وشال عيالي وجهزهم لنوم الله يجزاه خير 

واتذكر يوم زواج اخته كان حريص اني اكون مميزه في الزواج وكنت ماشاء الله كذالك ورجعت من الزواج بس ابكي وراسي بينفجر وراح اخذ العيال وحطهم بالصاله وشغل لهم التلفزيون وجاء عندي يحاول يفك التسريحه ويقرا علي قران وجاب لي مسكن وكان خايف علي مره رغم انه ما نام من الفجر وهلكان الله يوفقك ويخليه لي يارب

يوم دخلت المستشفى بولد لدرجه انه خرج بره عن امي وابوي عند غرفه الولادة جالس ويبكي
من خرجت منها والله دموعه في عينه وعيونه حمراء كان حتى الشراب يلبسني هو فالمستشفى وعشان الخياط مقدر
اجلس كان يشيلني وينومني عليه وامي بس تضحك عليه بس والله بعد ما ولدت يقول تخنتي صرتي ثقيلة
الله لا يخلينه منه يارب

ماني مصدقه ان كل هالحنيه والرومانسيه من  شبابنا  .. 

الله لايغير عليكم ويسعدكم ويعوض من مثلي سبحان الله الدنيا حظوووظ