كنت جالسة أكلم صويحبتي
.. وكنا نتماعط طرايف السواليف<<<<افلقوني إذا فهمتوا شيالمهم ياكثيرين الشحم.. ويدق جرس الباب ويطيح القلب في البطن..ياويح قلبك يا أبله !!! من جايكم هالحزة!!!:time:
وشوف ساعتي ولاهي ((9)) حكم والله بدري على جرس الباب<<<<لو الظهر قلت الجيران كازين لنا شي بس هالضحوية من يجينا !!!!!

قلت لصديقتي بستاذنك بروح ارد على الباب<<<<<كشخة عندنا انتر كوم(( اللي نفتح الباب وحنا جوا البيت((( كشخة ما يمديكم)))
مير { تحرن } صديقتي وتعيي تسكر إلا تبي تشوف من جانا<<<<<لقافة
عاد غريبة ميهب قصيمية بس مدري وش هاللقافة<<<<<< أبد ماعديتها
المهم اروح ارد وطبعا صديقتي تنتظرني <<<<مافيه أمل تسكر
رفعت السماعة: مين.....ميييييييييين
إلا أسمع ذاك الحس وانقهر ياخسارة الخوف ما يسوى عليك ياقلبي تبزخ في بطني
أثره السواق وتذكر إن أمي عندها موعد في المستشفى
وعلمت صديقتي وسكرت منها<<<<<ما يسوى عليها الإنتظار
ورحت قلت لأمي ترى السواق جا {{ وتحرن}} أمي إلا أروح معها
أنا:يمه تعرفيني أنا شحمه أطلع للشمس أذوب ماتحمل

أمي: أخسي واقطعي بس وامشي معي منيب رايحتن لحالي
والله اقبع عباتي واطلع بذيك الشمس اللي تصلخ
حتى السيارة مافيها مكيف
أول ماركبت قلت لأمي يمه وشوله شارية كمادة
إذا عورك شي ازهمي على السواق واركبي هالسيارة خليه يدور بك كمادة طبيعية ولكامل الجسم بعد وما يحتاج هالكمادة اللي ماتدرين وين تحطينها وتصيرين كسبتي شيين(( طلعة ونفاهه وكمادة))
المهم انقلعنا<<<آسفة يمه قصدي انقلعت وراحت أمي
وصلنا المستشفى ودخلت أمي وأنا طبعا بغرفة هالإنتظار أتمقل الرايح والجاي<<< يالله صباح خير
يوم خلصت أمي طلعنا {{{{وحرن}}}} <<<<<هالمرة جا دوري
قلت لمي خنروح لستار بكس تنقهوى... وأشوى ماخالقت ورحنا
ماخلصت السالفة توها تبدأ لي عودة