الاخوات متزوجات اخوان او تعرفون احد كذا تفضلوا ابي مشورتكم

يابختك ماشاء الله
كنت اتمنى انا واختي نتزوج اخوان لكن للاسف زوجي شرق وزوجها غرب
المهم
اسكنوا جمب بعض والله مافي احلى من الاخوات يعيشون جمب بعض منها يشوفون بعض باستمرار ويساعدون بعض في اشغالهم
بنات خالتي متزوجين اخوان ومن تزوجوا وهم جمب بعض
حتى لما طلعوا من الايجار بنوا بيوت جمب بعض ماشاء الله تبارك الله وبينهم باب

من قال لك اذا اخوات تزوجن اخوان موزين بالعكس
ان واختي متزوجين من اخوان يارب لك الحمد مرتاحين والسكن جنب بعض بصراحه مافي احسن من كذا تكوني قريبه من اختك وتشوفي لها والعكس انا واختي بعيدات يعني كل وحده بمدينه ثانيه بس دايم عند بعض بالاجازات او الاعياد وازواجنا قراب من بعض اكثر من اخوانهم الثانين الله يهنيك يااختي مافي احسن من قرب اهلك او احد من اهلك في مدينتك عن تجربه

اعرف 3 ماخذين 3 اخوان وعايشات ببيت واحد دور وكل وحده لها غرفتها
مادري عن حياتهن شيء بس واضح انهن مبسوطات مع بعض

اذا مادخلت بينكم الغيره والمقارنات

اختك احلى انتي احلى .. اولادك اطول ..اولادها امتن .. جزمتك ارخص من جزمتها .. فرش بيتهكم اغلى.. ثلاجتكم اكبر من ثلاجتها .. خرابيط الحريم هذي ارموها على جنب

وبتكونو خير عون لبعض .. لو ولدت اختك انتي تساعديها .. لو توظفتي او رحتي السوق تحطي اولادك عندها

تتقهوو مع بعض .. تخرجوا حدايق واسواق مع بعض .. خصوصا مافي احد من اهلك قريب واختك طيبه

اما اذا انتي من الان حاطه ببالك كلام الحريم ويعبون في راسك فابعدي عنها احسن

سلفاتي اثنين متزوجين اثنين خوان مشاكل بينهم وقطيعة من سنين
ورحيماتي الأخوات متزوجين اثنين أخوان وماشاءالله تبارك الله احسن منهم مافي حبايب ويتساعدون وعيالهم يحبون بعض والظروف الصعبة يوقفون مع بعض سواء ظروف مادية او غيرها 

الخلاصة انتي تعرفي نفسك وتعرفي أختك واهم شي مواضيع الحريم والغيرة خلك بعيد عنها 
عن نفسي رح افرح بقرب أختي وأتمنى هذا الشيء تتونسون وتساعدو بعض وتخرجو مع بعض بس طبعا كل شي بحدود عشان ماتصير خلافات ولا تطفشيها بالنصائح عشان البعض مايحب وينفر الا للحاجات الكبيرة ممكن