ماتمنيت غير اشيل بداخلي عيالك :(

آآآةةةة والله حاسه فيك من ألم وقهر الحمد لله ياآآرب الحمد لله
اللهم لا تذرني فردا وانت خير الوارثين
الله يرزقنا كلنا بذرية الصالحه ونفرح بشوفتهم

هذا اخر شي كان في خاطري اني اقولــه
انا جديـا فكرت اني اتطلق لكن بدون ما اقوله يعني اخلص دراستي وارجع بلادي واتطلق
بس والله ماحب اظلم احد بس حطو نفسكم مكاني

*اانسان فيه ضعف جنسي ومايقدر يجيب عيال الله يشفيه ويكون بعونه ووقت العمليات ماكان يوقف معاي بلعكس كان يتهرب

*احس ماعنده مسوولية من ناحيتي يعني كل شي خربان بالحجرة الخدامة تكلم الدريول وهو يتصرف يجيب سباك او واحد يغير الليتات او شي مثل هذا

*صرنا مثل الاخوان مافي أي علاقة بينا لان الله يشفيه من سيء لاسوء

*ماعنده طموح او هدف من ناحية التعليم انا جامعية وهو ثنوية بس نسبته ضعيفة ومايريد يعيدها وانا افكر بالماستر والدكتورااه ويقولي ان كلام فاضي

*فلوسه كلها يخسرها على سياير قديمة يشتريها يعني ماحس عنده تخطيط للمستقبل لبيت او شي مثل هذا

*مثل أي ريال عنده حركات ومكالمات هاتفية مع بنات(ماودي ادخل بالتفاصيل)
*امه تتحكم فيه بكل شي لدرجة تساله عن العلاقة الخاصة (وماودي ادخل بالتفاصيل لانها تضايفني)

*وظيفته مستحيل يترقا فيها لان مايداوم مثل الناس ولا شهادة ممكن تساعده

*جميل بس مايهتم بنفسه وايد

ايجابياته
*يصلي كل صلواته
*يعطيني كل شهر مبلغ حلو لي و لنفسي
*يذكرني بالمناسبات بهدايا
*نطلع مع بعض نغير جو
*لما يشوفني متضايقة يقولي امري قولي شو تريدين
*لما اريد اروح لهلي مايمنعني ابد ويحبهم ودايما يذكرهم بخير


لو تلاحظون اغلب ايجابياته من الناحية المادية الي انا بقدر عليها باذن الله بعد ما اتخرج لان محصلة وظيفة براتب حلو و بقدر اشيل نفسي



السوال الي يخليني افكرررررررر الف مرة
هل العقم والحالة الصعبة سبب للطلاق خاصة ان مافي علاقة زوجية؟
العلاج ماراح يفيده وايد الا في حالة الحقنن المجهري والامل ضعيف جدا
بس مافي شي على ربنا صعب

لحد يقولي العيال مب كل شي ..لان صعب وما اتمنى حد يعيش هالشي ولحد يقول هالكلمة الا الي جرب

بعد بالاضافة ان مافي علاقة

اول شي العيال هم زينه حياتنا ومافي بنت تتمنى ماتكون ام

انتم لو كنتم بدالي شو بتسوون.؟؟ هل بتستمرون معاه بعد الزواج؟؟ انا الحين صار عمري 22 ومع التخرج بيصير عمري 23

خاصة ان انا متضايقة ان تصير مشاكل بين اهلهم وبينا واكيد بيطلع كلام وبيتبلون وعمتي ماهي بهينه خاف تغلط وتقلب الدنيا؟
والصراحة انا ماريد اضيع عمري وانا اراكض ورا الحمل وهو نايم ومرتاح وخاصة ان الموضوع مب مني انا .. ودايما كان يقولي في لحظة ضعف انا ادري ان العيب مني وانج مستحملتني كنت اصبره واقوله مني ولا منك النتيجة وحده اهم شي نسعى عمري ماحسسته بنقصه عمرررررررررري

بس والله الريايل مامنهم امان وانتو داريين بهالشي .. ماريد اندم اني ضيعت سنين حياتي

الي مصبرني سنة هي دراستي الجامعية باقيلي سنة

وقلت في هالسنة بكون معاه احسن مايكون عشان يذكرني بخير وامي عنندها خبر عن الموضوع ومتضايقة حيل علي ماودها اكون مطلقة .. وانا وربببببببببببببي ماكان ودي بس ماتخيل حياتي كلها بدون علاقة ولا عيال.. افهموني

منو ودها تكون مطلقة؟؟
اكيد محد خاصة ان وايد ناس بيتشمتون بس ماعلي منهم


تمنيت ما اعطي مجال لحد يتشمت فيني و أكون أسرة و أفرح امي وابوي بنجاحي ويشيلون عيالي بس ربي ماراد

انا مابتم معاه عشان محد يتكلم علي لان شو الفايدة؟؟ انا الي بتعب نفسيا لا عيال ولاعلاقة ولا بقدر اشتغل براتب حلو لان الدولة مب دولتي ..

وراضية بعد الطلاق بكل شي و ادري ان الله بيعوضني باذن الله

شو رايـــكم ؟؟؟ اتمنى ردود تبرد القلب لان صدق تعبانه وايد منه وحاسة انه هو سبب همي

الله يفرج هممك ويقوي عزمك

ياعمري انتي الله يرزقك الذرية الصالحة عاجل غير اجل

بصراحه هو صح رجال زين وايجابياته اللي حطيتي قليله بالرجال هالوقت لكن بعد الاسباب اللي تخليك تنفصلين عنه جداااا قويه الله يعينك وييسر امرك ياقلبي
واستخييييييري قبل كل شي والله يختار لك الافضل

ربي ييسر لك
ويرزقك عاجلا غير اجل