ان شـــاء الله وانا عندي سنة كامله اراجع فيها اموري واستخير وارتب اموري و الخــيره فيما اختاره ربي
و انا مايله للانفصال اكثر بحكم الاسباب الي ذكرتها
ماتمنيت غير اشيل بداخلي عيالك :(
متابعة النقاش، صفحة 12
شاركي في النقاش
سجلي الدخول لإضافة تعليق.
التعليقات
83الفراشه الاسيره انا من رأيي تتطلقي افضل لك بس استخيري اولا
نور S حبيبتي استخيري الله يكتبلك اللي فيه الخير وانا احترمتك لانك حتي بسلبياته ذكرتيها بشكل مختصر جدا الله يجزاك خيرر ويستر عليك ويرزقك الذرية عاجلا غير اجلا يارب
آمييين يـــــارب..الطامحه فلووونا سوي الشيء اللي يريحك وهو الله يعوضه صعب تعيشين بدون اطفال صعبه استخيري وربك يفرجها عليك حاسه فيك وحاسه بكل كلمة تقوليها لاني مثلك بموت على الاطفال وعلى ريحتهم
والله العظيم اني ماتخيل حياتي بدون طفل ينادي باسمي ويكون متعلق فيني علشان جي مابخليه حلم الامومة عائق بل بسعى علشانه
وعن الريال انا متأكدة ان هذا الحل ممكن يسويه او يتزوج مطلقة ..لان مثل ماقلتلكم زوجي يحب اليهال بس مستحيل يسوي شي يتعبه وهذا حل ممكن يسويه
لا انا عن التشهير قلت حرام ماريد اظلمه معاي و الله يستر عليه .. بس المقربين بخبرهم .. و في حال خطبني احد و سالني عن السبب بقوله لان احس صعبه اتكلم عليه واشهر فيه والله صعب .. واذا بقول .. بقول مشكلة تخص الانجاب بدون تفاصيل لانها اشيا خصوصية واكيد مايريد احد يتطلع عليها لان من حقه
وعن القصص انا متأكدة راح تطلع .. لكن ربي فوق ..وحبل الكذب قصير ..و الله ايسر للجميع يارب وييسر لج حبيبتي
آآآآآآآآآمين للجميع يارب
ان شاء الله
ومن توكل على الله فهو حسبه
آآآآآآآمين ويرزق كل محروم يارب
فدييتج والله
والله صعــــــــــــــــب جدا
وان شاء الله وربي يفرج علي كل مسلم ومسلمةالنحييييية السلام عليكم ورحمة الله وبركاته أولاً الله يصبرك ويكون في عونك ثانياً ﻻ تسويي أي شيء إلا بعد ما تستخيرين رب العالمين سواء العمليات الخاصه بالحمل او أمر الطلاق ثالثا عليك بالاستغفار الله سبحانه وتعالى يقول في سورة نوح ( فقلت استغفروا ربكم …
آمييين حبيبتي ويفرج هم الجميع
وانا بصراحة اشوف هالاشيا من اساسيات استمرارية الزواج
والله لازم استحمل اذا كنت اريد مصلحتي واحصل الشهادة و اطلع ربحانه بدل ماكون خسرانه
وماخلي الطلاق عائق جدامي ولا اكون هم على اهلي
واكون انسانه مستقله ماديا ماحتاج لحد ولا اطلب من احد في حالة الاحتياج
والحمدلله على كل شي
ومشكورة حبيبتي على كلامج
آمين ويرزق كل محروم
ان شاء الله و آمين يارب
والله ان امي دايما دايما ضد الطلاق ودايما تنصح اخوانها وخواتها وعيالهم ان مايفكرون بالطلاق نهائي
وهي حزنت لما عرفت الاسباب و اني ساكته هالمدة كلها وقالتلي بس انتي بحالتج الطلاق اريح لج نفسيا وجسميا ..
لان العملية ترا اثرت على نفسيتي وايد
وحتى اثرت علي جسميا وصرت احس بالالام صوب المبايض لان الابر قوية وايد علي
وهي عن موضوع العملية ماتتمنى اني اعيده لانها تتعب معاي في كل مرحلة من ناحية خوف وقلق
بس الحمدلله عدت على خير
حبيبتي الله يعوضج بشي احلى وهو الجنه يارب
والله بعوضج بالدنيا راحة البال و الصحة
بس ممكن اعرف المشكلة من منو؟ وكيف تصرفتي ؟وشو الي خلاج تصبرين هالوقت كله ماشاء الله
امه كانت معاي عسل والكل كان يقولي هاذي مب عمة هاذي ام لج لانها صدق كانت طيبة وقلبها طيب
بس من طلعت التقارير وطلعت من زوجي الله يشفيه بعض المشاكل
تغيرت 360 درجة وتدقق على كل تصرفاتي وتنتقد كل شي و تريد تطلع مني أي مشكلة الله يهديها ماودي ادخل بتفاصيل
ومشكورة حبيبــتي اتريا ردج بفارغ الصبر
آمييييين يارب و ان شاء الله والنعم باللــــــــــه
وان شاء الله بداوم على الاستغفار لان مفعوله سحري في كل شي وربيبلوزة استخيري وعطية فرصة سنة اعيدو فيها الحقن المجهري.... ترى المجهري نادر ماينجح اول مرة... وابالنسبة لزوجك انة مااهتم بالعلاج....اغلب الرجال كذا... هذا انا اطارد لحالي واتعالج لحالي....حتى قلت لة ان الدكتورة طالبة تحاليلك …
**"سوي بحث في النت عن تأثير الأفكار واللهفه الزايده المتواصله في أي شي وكيف التأثير يكون سلبي مب إيجابي أبداً".
ان شاء الله وبما إني بإجازة ببدا ادور على هذا الشي .. والله لفت نظري هالموضوع
عن زواجي والعيال صح كان سبب بس سبب ثاني اني كنت اريد احب يحبني ويهتم فيني ويكون لي عون وصديق ونقضي اوقاتنا مع بعض اكييد بجانب ان في خاطري العيال
بس نكون صريحين محد مايفكر بالعيال في زواجه ويحاتي .. بس انا عقب مامرو هالكم سنة في زواجي صرت ابداا مافكر ولا واحد بالمية ان بكون حامل هالشهر او لا عكس شهوري الاولى بالزواج اني كنت اترقب كل شي على احر من الجمر .. صارلي نفس مناعة مثل ماتقولين
"رأي لا تتطلقين لأن زوجج مبين من تعامله وياج أنه أنسان زين وعاقل ويحبج ,بس ما يبا وحده تزن عليه 24 ساعه "
والله العظيم سألي كل محرومه من الذرية .. الاغلب فيهم مرت السنين معاهم و الريايل ماتحركو ولا سوو أي خطوة او سعوا في هالمجال لان البنت غير دايما هي الي تضحي وتسوي .. وانا والله ما ازن 24 ساعه كل اسبوع او اسبوعين ارجع افتح الموضوع لان وربي لو تميت اترياه ماراح يسوي ولاشي انا اعرفه عدل ان مستحيل يروح مستشفى وياخذ مواعيد ويفحص .. وعقب ما انا احجزله واسويله ويطنش مواعيد ومرات يروح تصدقين يشكرني يقولي مشكورة انج غصبتيني اني اروح يعني عقب ماتطلع روحي اكيد ..
هو صح عاقل وزين بس تخيلي حياة زوجيين .. مافيهم لا علاقة و برود بعد ماصارت حالته اسوء
ماتحسين صعبة نتعامل مثل الاصدقاء المقربين
صح نطلع ونروح فيلم ونروح سينما ونتعشا وسوالف بس يتم في شي ناقص !افهميني لان جد صعب الوحدة تعيش طول حياتها بهذا الشكل ..
واستانسي بكل شي عندج ولا تفكرين وايد بس توكلي على الله بقلب ,ولا تقررين الحين أي شي لين تخلصين الدراسه
وعقب شوفي كيف صارت الأمور وهذك الساعه قرري
وهذا الي بحــاول اسويه والله يثبتني ويقدرني قولو آمين ..
وانا حابة اني افكر بالموضوع لمدة سنة عشان ما اتخذ قرار اندم عليه
وامشي بالموضوع خطوة خطوة والله يكتب الي فيه خير
مشكورة حبيبتي استفدت من كلامج وايد
وببدا ابحث بالموضوع اكثر
مشكورة حبيبتي و ان شاء الله بستخير والله يكتبلنا كلنا الي فيه الخير
آميييييين يارب
حبيبتي انا سويتها مرتين ..وربي ماكتبلي والحمدلله والله يعوضنا يارب
والدكتور كان صريح معاي وقالي ان حالة زوجي صعبه جدا و الحيوانات المنوية مب قادرة تتخصب بالبويضات .. وان الادوية مب قاعدة تفيده لان عنده عيب خلقي في مكان الانتاج وهو الخصية وماله علاج
وقــالي اذا ودكم تمو جربو 10 و20 مرة بس وربي تعـب وانتي اكيد فاهمة المووضوع
وخاصة ان هو كل ماببدا بالتجربة يتهرب وماحسه معاي بالمرة :(
الله يهدي كل الريايل .. لازم يفكرون بحريمهم لو شوي كم يعانون والسبة هالموضوع
مواضيع مشابهة
تابعي تجارب أخرى من هذا القسم.