انا من اسراري قبل مايجون الظيوف اطبخ كل العشاء باليل واغلفه واحطه بالثلاجه ووقت العشاء الا اسخنه والي اقليه عشان اذا جو اجلس اسولف مو اقعد بالمطبخ
ماسك لنظارة الوجه سدر ونص ليمونه وزبادي وحطيه وبعد ربع ساعه الله يعينك على الفرك مايروح الا بطلعت الروح بس شوفي النتيجه بعدين
لمزيل عرق طبيعي علبة جلسريد المعدن وشبه مطحونه واي عطر زيتي حطي نقط منه وتمتعي ببياض وريحه حلوه هذا مزيل العرق حقي من المتوسطه ماشاء الله
وبقايا الخبز والرز اجمعها بكيس واذا رحنا البحر نرميها للسمك على طول يجمع عليها
واذا زاد من اكلنا اجمع كل يوم الي يزيد احطه بصحن واحطه بالفريزل وبعد ثلاث ايام يكون اكل كثير لانه حق فطور وغدا وعشا اسخنه واحطه بصحون بلاستيكيه واخلي زوجي يعطي العمال الي يبنون في الحي والله يفرحون مساكين
طبعن اذا رحت اقضي للبيت اشتري معطر جسم واحط في السطل ملمع زجاج ومطهر ومويا دافيه عشان التعقيم واعصر الممسحه واذا بمسح ابخ على الممسحه من العطر وامسح
وهذا الي عندي وكلها مجربتها واذا تذكرت رجعت لكم
دعواتكم لي بالحمل القريب
تعالوا نكتشف اسرار الحريم
متابعة النقاش، صفحة 25