الي فوق الثلاثين.....لما تفتحين نافذتك ايش بتقولين لنا

اقول 
الحمد لله ثم الحمدلله ثم الحمد لله 
اللهم لاتجعل الدنيا اكبر همنا ولا مبلغ علمنا ولا الي النار مصيرنا 
واقول عسي ان تكرهوا شيا وهو خيرا لكم وعسي ان تحبوا شيا وهو شرا لكم والله يعلم وانتم لاتعلمون 
اللهم. لاتجعل مصيبتي في ديني 

غاليتي...
ما أروع نسائم هذه النوافذ الموشاة بالفل والياسمين..!
فكرة رائعة... تتدلى من شُرفاتها عناقيد التفاؤل
ويبزغ من فجرها بصيص من نور
يضيء عتمة الذات المجبولة على الضعف أحياناً أمام ضغوطات الحياة..!
بورك الهطول -ياغالية-
حماكِ المولى!!

ابواب الله دائما مفتوحة ورحمته دائما واسعة وما عنده لا ينفذ ورجائي فيه لا ينقطع

لكن بصراحة وصدق انا ما اعرف ( فوق العشرين وفوق الثلاثين والأربعين وكل الأرقام ) الا لما دخلت هالمنتدى واحس البنات هم اللي صنعوا المشكلة ونقلوها للمجتمع من غير قصد طبعا وهم اللي في يدهم يغيرونها !

هلا عزيزتي ويسعدني مرروك بس حبيت اوضح لك كل انسان فيه نسبه من الامل والتفائل والتشاوؤم
والعبوس عن الدنيا .......يعني كل نفس لها اقبال وادبار

ومشكلة تاخر الزواج مشكله خلينا نكون واقعين انا عندك مؤمنه ومتفائله وشوفي اكبر دليل فتحي حق الموضوع وندائي لكم انكم تفتحون النافذه بس طبعا مستحيل سواء انا او اي بنت تاخر نصيبها انه مانفكر ومنتضايق............بلاش من المثليات خلنا واقعين حنا الحمدالله مؤمنين ومتفائلين بس طبيعة الحرمه تحب تفضفض والمنتدى حنا مساااااااااااااااااحه رائعه للفضفضه وانا متاكده كل بنت تجي هنا وتشكي انه تاخر نصيبها بسبب انه في حياتها تستحي انها تظهر مافي قلبها قدام اهلها .

الثقه بالله كبيره وعظيمه وحلو نخلي هالتجمع مساحه رائعه لتجديد النفسيه المتفائله والاستفاده من خبرات بعض ..........وسلامتكم

أشكر تقبلك عزيزتي وترحيبك

أنا ما رفضت الفضفضة ولا تكلمت بمثالية زي ما فهمت .. لا

لكن والله في مجتمعي ما يتكلمون بهالطريقة ( فوق العشرين والثلاثين ) ما فيه هالتصنيفات صح ممكن يصير همس ان فلانة تأخرت وهالهمس في اذن اهلها لتنبيههم لكن أيضا بشكل نادر وكلهم يؤمنون انه نصيب لكن ما فيه بالصورة الموجودة في المنتدى !

من بعض مواضيع البنات احس كأن اللي بالثلاثين وفوق خلاص انتهت وهذا مو صحيح وزواجات الواقع تكذبه

صدقيني لو كل بنت نظرت لنفسها بثقة وانها مو ناقصها شيء مهما كان عمرها وتأخر نصيبها ما راح نشوف هالنظرة من المجتمع

لكن الطرق على قضية العمر زرع فكرة عند البعض ان فيه سن صلاحية للمرأة وخلا الناس عند التفكير في الزواج يتجهون للصغيرات وأسوأ من كذا خلا البنات يقبلوا الزواج من شياب ويدفنوا اعمارهن بحجة انهن كبروا وما راح يفكر فيهن شاب !!!!!

لو حاولنا نغير هالفكرة في داخلنا كبنات خاصة المتأخرات ونرفض اي شايب يتقدم صدقيني المجتمع راح يضطر يتغير لأن الشيبة راح يدور على وحدة تناسبه في السن والشاب كذلك والمتوسط كذلك

لكن ما دامت فكرة الرجال ما يعيبه شيء والمرأة يعيبها كل شيء راح نوقف محلك سر !!

البنات والبنات فقط في يدهم تغيير هالفكرة بالرفض وعدم القبول اي وحدة يجيها واحد يفرق عمره عن عمرها عشر سنوات ترفض مهما كان والا تعرف انها راح تعيش اسم زوجة او بوصف ادق مجرد متعة لرجل لا حب ولا تفاهم ولا ولا

انا مش ضد الفضفضة والمناقشة والاستفادة من التجارب لكن ضد ترسيخ الفكرة وتوسيع قاعدتها !

زمان كانوا يتزوجوا دون تصنيفات مطلقة كبيرة صغيرة ارملة كان الكل يأخذ نصيبه دون هالتصنيف !
من وين ظهر لنا وكيف بدأ ؟

والسموحة لو ازعجتك