حارمه نفسي ورياضه و وزني ثابت من اسبوعين 😭

كم وزنك ؟؟؟

دايم تصير لي في الرجيمات و اصوم لي كم يوم صيام عادي بعدين ارجع نفس نظامي ،، او لمدة اسبوع اصوم يوم اي يوم لا و يبدا يتحرك باذن الله 

أقولك ؟؟؟ إيش رأيك تسوي رجيم النقاط

طبيعي يثبت وزنك لانه يقاوم نظامك الجدييييد

خليك مستمره ولاتخربطييين كثير ولا تاكلين يوم كامل بالعكس بيرجع دبل

شوفي انا مجربه هالشعور وكنت اثبت شهر كامل ماينزل بس اجتهد واسوي ريااضه

واشرب لترين ونص مويه وشاهي اخضر ودااايت دشتي


وبسم الله وزني من 87 الى 69 ومستمره لفاية 60

اسمعي نصيحتي من خبره

زيدي رياضه ونوعيها

مثل امشي نص ساعه ونهايتها هرولي والنص الساعه الثاني سوي تمارين كارديو

حرق دهون باليوتييوب مليان
سوي تمارين للخصر بالعصا رهيبه

وجباتك كليها بوقتها بس كثري بروتين والياااف ولاتقومين الا وانتي شبعانه عشان ماتجوعين بين الوجبات

وغلط الصيام العكس انا الان زيك لان شهيتي مسدوده ووزني ثابت ماتحرك الا 200 غرام نزل

خلي اخر وجبه قبل نومك بخمس ساعات افود لاتصومين انا اتوقع هو سبب ثباتك

لان الجسم اذا حس بالجوع يسوي حاله مجاعه فبدل ماتنحرق الدهون تثبت واي شي تاكلينه ماينحرق بسرعه تتحول دهون

فخذي نصيحتي لاتياسييييييييييييييين المشوار حلو وممتع ومتعب

شوفي بالاستقرام حسابات لناس قبل وبعد النحف حتحمسك تكملين لهدفك

وانتبهي من الناس اللي تحططططططم ياكثر ماسمعت
مو زين عليك النحف خليك متينه الرجل يحب المربربه

اصلا لو فقدتي 10 كيلو وحتتبدل فلاتعبين نفسك وماكان لهم سالفه الا الدايت حقي مايبوني انحف عشان
ماينقهرون

تخيلي كنت مضطره اجلس ببيتي عشان ماحد يحطمني وكان عندي اراده وتحدي واشغل تمارين

مره جلييان شريد شهر ومره تمارين منوعه كل 5 ايام اغير والان حملت تمارين للافخاذ
وجربتها اليوم احساس بالالم والشد مره فضيع لان عندي بروز بالفخذ شوي مضايقني

وتمارين الكارديو بعد معاها واحسني خدرانه اليووووم هههههههههههههههه

وكنت احب التمارين لاطلع زوجي اشغلها واطامر واسوي زيهم

تغيرت حياتي صار جسمي مقبوول وجمييل بعد ماكان بشع ومدور

طلع لي خصر وخفت الترهلات وصرت البس ميديم بعد ماكنت البس دبل لارج

شكلي بين صغر سني

انا طولي حاليا 166 ووزني المثالي 60 والحمدلله قربت لكن هالحياه اللي مريت فيها

حبيتها حستمر عليها باذن الله حتى لو وصلت للمثالي

اتمنى افدتك بتجربتي

اذا عندك استفسار راسليني واساعدك

اكل صحي ثلاث وجبات في اليوم ومرتين سناك ورياضه ولاتوقفي عالميزان ابدا خلى مقياسك هو المتر والملابس بس