السلام عليكم ورحمة الله وبركاته
صباح\ مساء الخير كلن ووقته :)
كيفكم ان شاء الله منيحات
زمان عنكم صراحة لدرجة اني نسيت كلمة السر الله يذكر زمان اول ما عرف من كلمات السر الا حقت هالمنتدى
عموما نجي موضوعنا
مثل ما قريتوا من العنوان الكلام للنحيفات اللي يبون يسمنون. لا تخافون هالموضوع مرة مختلف عن كل اللي قريتوه قبل كذا
ماني قايله لكم اشربوا حلبة وتحملوا صنانها ولاني قايله اشتروا الحبوب الفلانية تفتح الشهيه ولاني قايله لكم دقوا من النعمه لين تطلع من خشومكم ولا شي عندي لكم مشروب سحري هههههه
كلكم تعرفون ميلك شيك حق باسكن روبنز (آه شهويت نفسي خخخ) عموما احنا بنسوي ميلك شيك منزلي
تعالي تعالي وين رايحة ترى سهل وكل المقادير عندك بالثلاجة اضمن لك اول ما تسكرين الموضوع انك تسوينة في 5 دقايق
الخلطة كالتالي
2 كاس حليب كامل الدسم +2 ملعقه بنات بتر+ علبة كريمة الخفق صغيره 250مل+ ملقعتين زيت زيتون+ هرشي سايله ملعقه + حبه موز او مو لازم+ ملعقه بودر شوكلاتة للنكهه
حطي كل ابوهم في الخلاط واضربيهم واشربيهم

ممكن بعضكم تقول لا يا شيخة
اقولك ايه يا شيخة انا ما راح اقول لك صار فيني كذا وزدت كذا ومن هالكلام انا راح اثبت لك بالارقام وان شاء الله تقتنعي
المراة البالغه بشكل عام تقريبا تحتاج 2000 سعره حرارة يوميا عشان تحافظ على وزنها في حال انها ما كانت تسوي رياضة او اي شي تختلف السعرات باختلاف النشاطات والاطوال والاوزان لكن هذا المتوسط
لمن نحسب اللي في الخلاط نقول بسم الله
2 كاس حليب تقريبا = 150
2 ملعقه بنات بتر = 200
كريمه خفق 250 مل = 800 واللي مو مصدق يروح يقرا الارشادات الغذائية بيشوف تقريبا 320 لكل 100 مل يعني بحسبة بسيطة 250 مل = 800
ملعقه زيت الزيتون 120 ضرب 2 = 240
هرشي والموز والشوكلاته مدري بالضبط لكن على اقل تقدير =100
المجموع 150+200+800+240+100 =1490 سعره حرارية بالمشروب هذا بس
كيلو الشحم الصافي في جسم الانسان يحتاج 3500 سعره حرارية زائدة عن احتياج الانسان عشان يتكون
في هذي الحاله انتوا لو اكلتوا بشكل طبيعي وبس شربتوا الشيك هذا كذا اضفتوا 1500 سعره غير ضرورية بحسبه بسيطة في الاسبوع الواحد 7 ضرب 1500 = 10500 عشر الاف وخمس مئة سعره نقسمهم على 3500 = 3
يعني 3 كيلوا بالاسبوع سلام سلام
لا تاكلين الا اكلك الطبيعي وتشربين هالمشروب
والكويس بالسالفه انه كله بالبيت وكله ماهو مضر :)
تجربتي خلال اسبوع زدت 2.8 كيلوا تغير جسمي والكل قالي بستمر عليه ان شاء الله لين اوصل للوزن المطلوب ^_^
عموما الى هنا اكون ذكرت تجربتي وان شاء الله تفيدكم
مابي منكم غير الدعاء لي ولوالديني بالنجاح والتوفيق
ودمتم بود احبائي
اي استفسار انا حاضرة
سلام عليكم

نحافه

تعبت نحافه

نحيفه تفضلي👍🏻

علاج النحافه

علاج النحافه