لسسا ماتزوجنا وفضل اخوانه علي !

طمنينا اختي عليكي اش صار ؟؟؟

انتي تتكلمين كنهم بينامون معاها بغرفة وحده ؟؟؟ رجال بقسمهم مو عندها ،، لاحول ولا قوة الا بالله يعني تبين تفهميني ان عمر ماحد استضاف رجال ايا كان عنده بالبيت ياختي اعتبريه سواااق نص البيوت فيها سواقين يعني اللي عندها سواق ترضى تسكن مع عزاب واللي هي اصلا ساكنه عند اهل زوجها هذي وش رايك فيها ،،،لا تسمون الاشياء بغير مسمياتها هذولا اهله واخوانه وعنده بالبلد واهلهم بعيدين انا قلت قيسي الامور وتصرفي بما يرضي الله اذا بقسمهم ومستقلين مافيها شي وارجع اقوول كثيييييير رجال يستقبلون من اهلهم لدراسه او لوظيفه والوضع عادي مدام بحدود الشرع والدين واكيد لاتعاونوا على الاثم والعدوان لاااااااتقطعون الرحم

اعوووذ بالله وش هالردود 
وش ذا الالفاظ حتى لو كانت هاذي وجهة نظرك ماتعرفين تكتبينها بااسلوب افضل من كذا!! 
ديوث وخبل و مو رجال ..!! ماتدرين انك محاسبه ع كل حرف تكتبينه وانا هالاصبع اللي كتبتي فيه راح يشهد عليك يوم القيامه 
لا وفوق هذا قاعدين تعبون راس البنت ع زوجها وتضخمون المشكله بدال لاتلاقون لها حل ..
ابغضضضضض الحلال عند الله الطلاق وتجي الوحده بكل سهوله تقول انفصلي اطلبي الطلاق ! 
كلامي هذا كله مو معناته اني اقولك ارضي بالوضع وارضخي للامر .. لا انتي حاولي تقنعيه بنقاش تناقشو وتفاهمو ع الموضوع ولو تقدري تاخرو زواجكم شوي الين يخلصو دراستهم 
فيه حل  ليه ماتسكني بالرياض وزوجك يروح ويجي لدوامه اذا مو بعيد زي ماكانو اخوانه  يسوو .. واذا مارتاح ع الوضع تنقلو ويمكن يكون وقتها تزوجو او تخرجو
واذا تسكرت كل الابواب بوجهك مالك الا تتقبلي الامر بصدر رررحب وترا كثيرر اللي كذا ساكنين عندهم احد من اهل زوجها يااخوه يااخته والله اعرف كثير كذا وحده اخوه واخته وتقول والله اخوه ولادري عنه بقسم الرجال وانسئ اصلاً ان فيه احد دايم مقفلته سوا فيه ولا مو فيه
اما البنت هي اللي مضايقتها ماتاخذ راحتها بلبسها وبيتها وكذا .. يعني انتي مالك خص فيهم ابدا لاتغسلين لهم ولا تطبخين اذا زوجك فيه اطبخي واحسبي احسابهم واذا مو فيه ماعليك منهم هم يدبرون انفسهم والغسيل اصلاً هم مستحيل يجيبونه لك اكيد يغسلونه برا اهم شي انتي من البدايه عوديهم ع كذا والمفتاح حق الباب الفاصل بين القسمين معك والباب دايم مقفل الا بحضور زوجك وماتدري يمكن يتزوجو ولا يلاقو لهم استراحه مع اصحابهم اوشي ومايطولو عندكم بس انتي لاتعقدي الامور  
وادعي ادعي ان الله يصرفهم عنكم  ويكتب لك اللي فيه الخير

^
هذول اهله وهذي زوجته 
كل واحد له حق مختلف عن الثاني 
اذا خايف من قطيعة الرحم يستأجر لهم قريب منه 
و يستأجر لها لوحدها .
لا تظلمون ولا تُظلمون 
اللي قاعد يسويه زوجها مصيبه مالهاش اي ترقيع 
ماراح تتحمل بنت الناس كلام الناس 
و بصراحه فكري فيها لو سمعتي 
ان فيه وحده ساكنه مع زوجها واثنين من اصحابه لوحدهم 
بتقولين كااارثه وكيف رضت 
لكن هنا عشانهم اهله لازم تتحمل 
مع ان اهله يعتبرون اغراب بالنسبة لها 
اهله لو يسكنهم لوحدهم و يقعد معاهم من الفجر للفجر الثاني بكيفه 
اعتراضنا على سكناهم سوا لانه مصيبه 
وماراح تلقى شيء زين من جلستهم 
لا لبس ولا راحه و لا اي هدوء وخصوصيه ناهيك عن الكرف 
انا وانا عروس كنت مرتاحه ويوم ولدت ببكري تقيدت شوي 
هذا وهو ولدي وصغير جاهل قيدني و ما اخذت راحتي مثل اول 
ف والله ما الومها لو تقول لا ما ابيهم عندي ابي اخذ راحتي 
ليتكم تفكرون وتعطون كل ذي حق حقه 
تعطون الاخوان حقهم والزوجة حقها 
بدون اي تضحيات من طرفها 
ما تبيهم خلاص هي ادرى بحياتها وكيف بتعيشها 
ما راح يموتون اذا سكنوا لوحدهم 
ولا راح تظلمهم اذا رفضت سكناهم 
هذا حقها الشرعي وماهي ملزمه تضحي فيه 
بكره تكبر و تشوف زوجها متذمر من هالعيشه 
ويمكن يدور عروس يعيش معاها اللي ماعاشه 
مع الدلوعه 
ليش تقلق راسها بكل هذا 
ما تنلام لو قالت لا .

اشوف من فترة لما وحده كتبت موضوع إن اخوانها بسبب دراستهم وبعد أهلها ساكنين معها لين يتوظفون وحضرة زوجها المصون طلب منها بعد سنتين من سكن اخوانها عندهم إنها تطردهم " لاحظوا سكنوا ويبي يطردهم يعني مو من الأول رفض " قاموا الناس عليها وقالوا من حق زوجك يبي ياخذ راحته ببيته، والحين ناس تقول اخوانه واصيل لأنه بيساعدهم؟، ناس عجيبه !

لا اخواني ولا اخوانه، سكن مؤقت شهور ع عيني وراسي، أكثر من كذا آسفه، ربما لا تحملنا ما لا طاقة لنا به
الله يسخر لك