ابي حل .. اللين لمن الله يفرجها

انا من يوم وانا صغيره اتعرض للعنف والضرب
انا جميله لكن اثار الضرب والجروح والكدمات تبقى معلمه على جسمي ما تروح
وش الحل معاها ابي كريم او شيء احطه يروح الجرح ويخفف المه والورم اللي فيه ويخفي اثره

وكمان ابي اسال كيف اعالج نفسيتي وانسى جروح السنين وهمومه
صايره عصبيه على اولادي وعلى نفسي دااايم احط السبب على نفسي مع اني ما اسوي شيء ولا لي بالمشاكل لكن انا الله بلاني بالناس الغلط في حياتي
وطبعا هذا شيء مو بيدي ولا اقدر اغيره
احس بالذنب كثير على اولادي دايم اصرخ عليهم .. وبصراحه كرهتهم احس راحت الصله اللي بيني وبينهم احس ماهم اولادي
السبب ابوهم .. كان مرات يضربني بسببهم مع اني كنت احاول قدر استطاعتي اني اهتم فيهم لكن كل واحده تعرف الاطفال اللي انولدو قبل موعدهم ..بسبب النفسيه والمشاكل والصراخ والضرب .. وكمان بعمليه ومشاكل عندهم بالقلب
كنت اهتم فيهم لوحدي ماعندي احد يساعدني .. كنت اخاف اشيلهم لانهم كانو يتعبو مرره .. كان الدكتور دايم يقول لي لا تشيلهم كثير وزوجي ما يطيق ابدا صوتهم اول ما يسمعهم عل طول كف على وجهي
وكمان الله كتب وجبتهم ورا بعض كذا الهم زاد علي
مدري كيف ارجع احبهم مدري احس انه خلاص قافله معي

سامحوني كتابتي مو مرتبه مو قادره اركز
الم كثيير في كتفي اليسار والسبب زوجي اليوم الصبح لف يدي وضرب في وجهي الحيط ..
السبب ولدي صحي من النوم وهو مبلل السرير رحت اروشه قااال ليه تروشيه اللحين وطووول الوقت هاتي كاسة ماي هاتي كاسة ماي .. يابن الحلال شويه بس قاعده اروش الولد ليطيح ليغرق ليصير فيه مصيبه لا الا اترك الولد واجيه اعطيه اللي يبي .. المشكله قدامه الماي بعيد عنه مترين
طلعت ابني بسرعه بس البسه
مالقيته تكلم على كل انواع الشتم والقذف تركته وطنشته قلت الولد لياخذ برد وانا قاعده البس فيه
هجم على ولف يدي وضرب بوجهي في الحيط 4 مرات لمن ولدي شاف المنظر صار يصرخ ويبكي يبعد ابوه عني :(
مدري وش اسوي همي ما تشيله الجبااال
حسبي الله ونعم الوكيل
حسبي الله ونعم الوكيل
الله يشله ويكسر يدينه

12 تعليق 1,454 مشاهدة

شاركي في النقاش

سجلي الدخول لإضافة تعليق.

التعليقات

12
  1. الله يفرج لك يارب
    والله حزنتيني لو بيدي شي سويته لك
    قولي حسبي الله لا اله الاهو عليه توكلت وهو رب العرش العظيم 7مرات الصبح والمساء
    ربي راح يفرج لك ما اهمك

    وشوفي اهلك خليهم يكلمونه لا تسكتين عنه
    واذا هو يضرب انتي كمان دافعي عن نفسك لا تسمحين له يمد يده عليك

    حسبي الله على كل واحد ظالم زوجته
    ياارب رحمتك
  2. وين أهلك عنه كيف يعاملك بهذه الطريقة حسبي الله على كل
    ظالم وقفيه عند حده هذا الفعل خرج عن أطار ديننا الذي
    استوصى في النساء خيرا .........
  3. @taht_khtaoyna_5

    لا تسمحين له بالضرب
    واذ شافك ساكته راح يتمادى آكثر وأكثر
    قولي لاهلك لو فيهم خير وهم يوقفونه عند حده..

    ماقول الا حسبنا الله ونعم الوكيل
    وش ذا وش يحسون هالرجال الي طمعان بزوجته يصبحها كف ويمسيها كف
    جعل يده بالشلل قبل مايلمس زوجته

تابعي تجارب أخرى من هذا القسم.