تعبت من تصرفات زوجي
يا بنات انا ابتليت بزوج عصبي دايما يعصب ومايعجبه كلامي ووصلت فيه الدرجة انه يمد ايده ويضربني اكثر من مرة والمشكلة يتأسف ويرجع يعيدها هذا غير السب والاهانات اللي اشوفها منه لانه لما يعصب يقوم يسب ويغلط علي ويقولي انتي السبب اللي خليتيني اغلط عليج .يعني تخيلو حتى جدام الخدامة اهاني وغلط علي ومرتين تكرر هالشي , هذا غير انه انسان مايحب يدفع ولايحب يصرف علي يعني دايما محبوسين بالبيت واذا طلعنا تقريبا يوم بالاسبوع وساعات مانطلع الا لما اقوله خنطلع نغير جو , يعني تخيلو صارلي سنتين متزوجة مرتين بس تريقنا برة و5 مرات يمكن غدا ودايما حجته ماعندي فلوس , وطبعا بالعلاقة الزوجية ماينوع ولا ينفذ طلباتي ودايما يتهرب من اللي ابيه منه وبس يفكر بنفسه وشلون اهوا يرتاح , انا بصراحة عندي طفل منه والحين حملت بالغلط ومابي احمل منه لما يتعدل بس طبعا ارادة اللله فوق كل شي والحمد الله بس بصراحة تعبت من وضعي يعني تخيلو مايمر شهر الا واحنا متزاعلين ودايما اقعد بالغرفة ابجي وابجي ومادري شسوي قاعدة افكر بالانفصال جديا لانه شخص ملول ومقصر بحقي وايد