اابني وضمور بسيط بالمخ ...رجاء ادخلو .

[CODE]
السلام عليكم ورحمة الله وبركاته
تكفون ساعدوني انا ابني عمره ثلاث سنواتوخمسه شهور وعنده ضمور بسيط في المخ في الجهه اليمنى هوسبب له ضعف بالجهه اليسرى وقبل اسبوع واكثر حصل له حاله غريبه ماكنت اعرف ايش هي هزه قويه وكان واقف واتجاه عيونه ﻷيسار في البدايه شكيت وكان يقولي ماما انا خايف فتوقعت الامر مجرد خوف المهم اليوم كان عنده جلسة علاج طبيعي وانا بالانتظار حصلت معاه فسالت الاخصائيه قالت لي هذي اعراض كهرباء .فرحنا ﻷطوارىواخذوله تحليل دم وطلع كل شي سليم والحمد لله وقالو لنا بما انها اول مره فيكون تحت ملاحضتكم لما تحصل لكم مره ثانيه تجيبوه نعطيكم علاج ﻷشحنات ...لانه علاج الشحنات لما نصرفه لكم لازم تستمرون عليه سنه او اكثر بدون انقطاع ومن الصعب نصرفه لكم باول حاله ويمكن ماتكون شحنات يمكن دايخ او خايف ..ابي رايكم وتجاربكم ومن حصل مع طفلها مثلي الي صار معي

14 تعليق 6,863 مشاهدة

شاركي في النقاش

سجلي الدخول لإضافة تعليق.

التعليقات

14
  1. @sdf_aloady

    سبحان الله كانك تتكلمي عن بنتي ضمور بسيط وماثر على الجهه اليسرى
    بسيطه حبيبتي وديه دكتور مخ واعصاب يسوي له تخطيط احتمال شحنات
    بنتي كذا ولها اكثر من سنه على العلاج وشوفيها الحمدلله بدت تخف عنها والدكتور قال راح نبدا نوقف العلاج بس مو فجاءة ننقص شوي شوي
    اهم شي لا تتاخري لان الشحنات علاجها في بدايته افضل
    واستمري على العلاج الطبيعي مره مهم انا اهملت وشوفي رجعنا الحين ورجعت بنتي تتحسن
  2. @sdf_aloady

    والتخطيط يوضح كل شي بنتي اكتشفنا الشحنات وهي ماتشنجت بس تجيها هزه خفيفه في رجلها اليسرى والحمدلله انه عرفنا من بدري مثل ماقلت لك العلاج ضروري بس اول تخطيط تاكدي وهو الدكتور يعطيكم العلاج وتستمري مراجعات الين تروح عنه ان شاء الله
  3. @mmlkty_hna

    صاحبة الموضوع
    المشكله قالو لنا اذا جته مره ثانيه بنسوي له تخطيط .بس ياصدف الوادي انتي كم مره لاحضتي على بنتك الهزه والا من اول

    وسوو لها تخطيط
  4. @am_kady_7

    حلوه هذي اذا جته مره ثانيه اتركيه هذا دكتور فاشل
    روحي لدكتور شاطر بالمخ والاعصاب يسوي تخطيط ورنين مغناطيسي ويبان كل شي
    لاتتركي ولدك
  5. @mmlkty_hna

    صاحبة الموضوع
    يابنات قاعده اكتب وانا ابكي تدرون اليوم الجمعه ولدي جته الكهرباء براسه يعني يومين ورى بعض والمشكله مافي مستشفى بيسوي الاشعه قولو لي عادي تجيه اول مره وتجيه بعدها بيوم ..والا خطير لان الدكتور قال في البدايه تكون متباعده ...تكفون ريحوني

تابعي تجارب أخرى من هذا القسم.