بصراحه يامتزوجات .....كل وجباتكم طبخ بيت؟

أنا اشوف حريم اخواني نفس وضعك تقريبا
لكن اذا فيه احد معزوم الاطباق الجانبيه والصياني بالبيت والرز غالبا من برى
عادي انتي سوي شيء بسيط يوم ورى يوم لاتتكلفين او حطي باقي الغداء

الحياه مهب كله طبخ وانتي عندك عيال ولنفسك عليه حق
قولي له لاجو زملائك اسوي الاطباق الجانبيه لكن الوجبه الرئيسيه مايمديني تبيني اتعلم عليهم بالكميات الكبيره لاتجي بكرى تقول رزك فيه وفيه لين اتعلم

هالمواضيع احسها تحتاج نقاش وتقنعينه بوجهت نظرك ..

لا عزيزتي مانقول مقصره ابدا, ولكن زوجك من النوع المتطلب . خليني اقولك عن وضعي يمكن تلقين لك فيه سلوى وتصبير!! انا زوجي من عشاق الوجبات الرئيسيه الثلاث فهم من الصغر اهلهم معودينهم ان هذه الوجبات تؤكل طازجه في البيت الا في حالة ان فيه عزيمه عند احد وبيروحون لها العزيمه!! ولا يوجد بين الوجبات الرئيسيه اي شي زي الحلى او شبسات او بسكويتات نهائي بس من وجبه للثانيه فماتوصل الوجبه اللي بعد الوجبه السابقه الا هم جوعانين بالمره واللي يطبخ اول هم الامهات مافيه خادمات. واحنا اهلي زيهم بس بختلاف بسيط لازم شي بين الوجبات خاصة فترة العصر والمغرب فهذا يخفف من العشاء كثير قد يكون فقط سانتدوتشات صنع منزلي .نجي لزوجي زوجي اصيب من فتره قريبه بالاميبيا في الامعاء بسبب افطاره مع زملائه بالمدرسه كانوا طالبين من مطعم لهم فطور. ومن يومها ان كان الاكل انا اللي مصلحته بالبيت تمشي امور ه تمام وانطلبنا اي شي بعد فتره طويله من طبخ البيت من باب التغيير يرجع عليه مشكلة الامعاء فصرت احرص طول الشهر اني اطبخ الوجبات الرئيسيه الثلاث ماعدا يمكن ثلاث ايام بالنسبه للشهر كله .مع العلم اني موظفه

ماحد يقدر يجاوبج الا ريلج كل وحده فينا تسوي اللي يناسبها اهي وريلها
مدام ريلج مو عاجبه الوضع يعني اهو يشوفج مقصرة
عالعموم شوفي حبيبتي العشا مو شي دسم نفس الغدا
سوي مثلا فول كمية كبيرة تكفي اسبوع وقدمية يوم مع بيض ويوم مع لبنة وسلطة ويوم مع كبدة او دجاج مقلي وبطاطس او اي شي خفيف مارح ياخد منج العشا نص ساعة
ايدامات الغدا نفس الشي سويها حق اسبوع وفرزنيها ومنها بتتعودين عالكميات الكبيرة
اذا جو اصحابه خله يعطيج خبر قبله بيومين مثلا وسوي قبله بيوم صينية مكرونة باشميل وصينية محشي خضار وبنفس اليوم سوي اللحم حطي نصه بقدر الضغط مع موية وبهار وخضار وحطي الشبك في القدر من فوق وحطي نص اللحم فيه مع ملح وبصل مقلي
يبقى بالاخير الرز واهو اصعب شي لما تسوينه بكمية كبيرة قيسي كمية الرز اربع اكواب رز والموية ستة اكواب وخليه على نار هاديه ولما يستوي دخليه بالفرن نص ساعة وبيصير اوكيه

لا ياحبيبتي منتي مقصرة
واساساً ماهو واجب عليك الطبخ
كثر الله خيرك
وقوليله الناس صارت تعزم برا او تسوي بوفيهات او تجيب عشاء جاهز
الحياة تغيرت والمطاعم على قفى من يشيل
فكري في صحتك وفي شبابك
تقضينه في المطبخ
يستهونون دخول المطبخ تقطيع وطبخ وغسيل مواعين اثناء الطبخ وبعد الطبخ وبخور وترتيب
الحياة ماهي كلها مطبخ

انا اتكلم عني وعن مجتمعي فطور عادي يانواشف او ساندويتشات تونه جبنه بيض كلوب ساندويش
شابورة كورن فلكس
الغداء طبخ
والعشاء خفيف او من برا او باقي الغداء اذا ينفع

ومره في الاسبوع الغداء نتغدى برا او نجيب غداء ثقيل

ريحي اعصابك
والحريم لازم يحسسونك بالتقصير
كثر الله خيرك
قوليله اطبخ العشاء وذاكر لعيالك ابشر

لاتعودينه وتتعبين

هو يشوفك مقصرة وهذا الاهم